تكملة المستجدات
لما طلعت وراه امس

قعد يقرا لي من هالنكت اللي صايره زي السيول في الجوالات في السعوديه

وانا اضحك واعلق ووو

ولأول مره خلال هالسنتين نكون سوا في الغرفه ويمسك الجوال ويقعد يقرا فيه و يخليني يعني عادي
صرت اقرب شويه شويه

وهو لسا يقرا يقرا ... فاهمه والله انه منحرج ع الاآآآآآآآآآآآآآآآآآخر
خليته لحد ماهو استحى وقفل الجوال .. قمت على طول طالعت بوجهه


قلت ايوه ياقلبي
وش سالفة الكلمه اللي انت قلتها

رجع لف وجهي ع الجهه الثانيه وضحك وقام يستهبل

كيف حالك ؟ وش اخبارك ؟ والله لك وحشه يابنت ... وش هالغيبه

انا كأني حصلت اجابه منه
فهمت خلاص انه يبغاني اعمل فيه معروف وانسى السالفه
وانه فعلا غلطان ..

رجعت لفيت عليه وضميته عادي .. قلت في نفسي خلاص بأنسى السالفه .. الا اشوفه زي السرحان مره وكأنه مهو حولي
قال تراني احبك
قلت انا احسن منك انا اموت فيك
وابتسم ابتسامه حزينه .. ونمنا


مدري اشفيه
هو افتكر ايام اول؟
هو خاف لا اتركه؟

لأني قلت له قبل لا ارجع اذا عاد سمعت او شفت اي شي يقول انك تشك فيني مابشاورك
بألم اغراضي وعلى بيت اهلي ورح تكون رجعه نهائيه لأهلي ماعاد تشوف رقعة وجهي

عشان كذا لما دخل امس من برا قعد يكرر علي انا معاك للآخر في دراستك واي شي تبغينه انا معاك واطلبي اللي تبغين وووووووووو
كأنه يقول خليك معاي ولا تنفذين تهديدك


على قد ما اعصب منه الا اني ارحمه مره
يارب الهمني الصبر