أختي العابدة

صادقة و الله ،، و الله يكثر من أمثالك و يجزاك كل خير ..

هذه طريقة معاملتي للشغالة ،،
و على قد ما جاتني انتقادات من البعض ، بس أنا شايفتها تحبني و تحترمني و تقول لي
( مدام لا تتغيري ، أنا أحبك زي كأنك أختي الصغيرة )

تصير منها مواقف ، بس أعذرها و أقول مغتربة

حتى تجي مرات تحاول تسبب أي مشكلة ، و أطول بالي عليها ..
أقول يمكن قربت الفترة اللي تجي كل شهر
أو اشتاقت لأهلها

مرة جات تبكي و حسيتها ماهي عارفة تشتكي من ايش .. الحمد لله كل شئ متوفر لها ؟
قلت لها هدي أعصابك شوي .. بعدين سألتها إيش فيه ؟؟؟

جلست تقول شوية ، خلاص أنا أبغى أسافر ،،
خلاص إنتوا مو عاجبكم شغلي ، جيبوا وحدة غيري .. إلخ
قلت لها ، أحد اشتكى ؟ أحد تكلم ؟؟؟
تقول مادري .. و جلست تخبص إلخ

قلت لها ، شوفي .. إنت تعبانة عشان ما شفتي أهلك من زمان ،، صح ؟
قالت لي ، إيوة ، مو شهر أو 2 .. من سنتين ..
قلت لها ، خلاص .. بس اصبري أخلص دراستي إن شاء الله كم شهر ،،
و أنا من دحين أدور لك على حجز .. خلاص بس كم شهر ..

جلست تقول ، أنا جالسة غصبا عني ، عشان الأوراق تقول لازم أكمل سنتين ..
( طبعا أتضايق بداخلي ، إنها ما تقدر كل اللي بنعمله عشانها و إني ما عمري قلت لها اعملي كذا و كذا ) ..
بس قلت مسكينة ، ما تعرف تفضفض لمين ؟ مثل ما نحن أحيانا بس نبغى نفضفض

بس الحمد لله ، تاني يوم رجعت عادي و لا كأنه فيه شئ و لا استقعدت لها على كلامها ..

بس صار موقف مني ، خاصمتها بيوم و عصبت عليها ..
بس بعد يومين جبت لها هدية صغيرة ،، لإنه حتى لو الحق معاي ،، ما أبغى أموت و أحد شايل في قلبه علي
خاصة الضعفاء و الفقراء .. لإني إذا قدرت عليها ، فهناك ربي اللي يقدر علي

------------------------

بجد ربي يجزاك كل خير