أخوي أنا أول مرة قرأت مشكلتك ، ما كنت فاهمة الحكاية بالضبط ..
طبعا ردودك بعد كذا وضحت أمور كثيرة ..

عشان كذا بأقول لك ..

هي إمرأة عادية .. و إنت بالفعل ما تستحق اللي هي فعلته فيك ..
تدري لييييه ؟؟؟؟

خليني قبل كل شئ ، أسأل كم سؤال .. علشان من خلالها راح نعرف ..
إنها ( عادية جدا ) ..

-----------------------------------------------------------------------------------------

1 - أخواتي المتزوجات .. هل كل وحدة فيكم يوم تزوجت ..
لقيت زوجها مثل ما توقعته أيام الملكة ؟ و لا كلكم انصدمتوا بأزواجكم و بالوجه الآخر لهم ؟؟؟؟؟

كل وحدة لها حكاية مع زووجها في أول أيام زواجها ،،
و أنا منهم .. و أخواتي منهم ..

لكن صبرنا و الحمد لله ،، و نلنا ..

----------------------------------------------------------------------------------------

2 - أخواتي المتزوجات .. هل كل وحدة تزوجت ..
زوجها له ( شهادة عالية + منصب + أخلاق + دين + مال ووو إلخ ) ؟؟؟؟

هناك اللي تزوجت رجل بدون وظيفة ، لكن قبلت بدينه و أخلاقه ..
هناك اللي تزوجت رجل بدون مال و لا شهادة ، لكن قبلت فيه عشان دينه و أخلاقه ..
هناك اللي تزوجت رجل بدين و ملتزم ، لكن بدون أخلاق ..
هناك اللي تزوجت رجل بأخلاق لكن من غير دين ..

و كللللللللللللهم هذولا الحريم ،، هنا معنا في المنتدى ..
فهل هنا ( ناقصهم رجل ؟ و لا ناقصهم عين ؟ و لا ناقصهم دين أو جمال ؟؟؟؟ )

لا و الله ،، تلاقيها من أحسن العوائل ، و من أحسن البيوت ..
لكنها تحملت ..

سلمت نفسها لزوجها ،، و تنازلت عن أمور عديدة ..
علشان ( الستر و العفاف ) .. و علشان ( الدين و الخلق ) ..

طيب سؤالي ؟؟؟؟؟
إيش زادت طليقتك عنهم ؟؟؟؟؟؟؟

بالعكس ،، كان المفروض تحمد ربها على النعمة ..

إنت غلطت و إنت قصرت ..

طيب جيب لي رجال ، ما غلط في بداية زواجه سواءً بقصد أو بدون قصد ؟؟؟؟؟
( طبعا ما أعمم كلامي ، عشان لا يزعلوا أخواننا الرجال )

----------------------------------------------------------------------------

3 - حكاية إنها تنازلت و تخلت عن أطفالها علشان تتزوج ..
و حكاية إنها بعدين صحيت و عرفت إنها ما راح تقدر توازن وووو إلخ ..

فهي إمرأة ناضجة و أم ،، كان المفروض إنها تعرف الشئ هذا ..
إيش تركت للبنات اللي أول مرة يتزوجوا ؟؟؟؟؟؟؟


و معليه معلييييييه ،، ماحد ضربها على يدها ..
و مو ذنبك إنت ، إنك تزوجتها و في الأخير حست بتقصيرها من جهة أطفالها ..

إنت قلت إنها موافقة على إنها تتزوج من أول ..


قلت لك ، أمي ترملت و نحن أيتام و ماعندها أحد ..
تعرف إيش يعني ما عندها أحد ؟؟؟؟؟ و أهل زوجها من حولها و يطالبوا بنصيبهم ؟؟؟؟؟؟
و هي لا عندها شهادة و لا عندها وظيفة و لا عندها مال و لا شئ ؟؟؟؟؟

و مع كذا .. ما تزوجت و حافظت علينا ..

أمي إيش ناقصها ؟؟؟؟ مية رجال كان يتمناها .. و جاها واحد ما عمره تزوج و رفضته ..
خدمت أبوي الله يرحمه لحد ما مات و هو راضي عنها .. و لا عمرها غلطت عليه .. و يحبها أكثر من
محبته لنفسه .. هل إنه أمي ماهي بحاجة لرجل ؟؟؟؟؟ إلا و الله بحاجة لرجل و مافهمت الشئ هذا
غير بعد ما تزوجت ..

( بأعطيك مثال عن أمي ،، عشان لا تقول مافي أرملة مثلها ؟؟؟؟ )

و يا كثر الأخوات و الأخوان في المنتدى ،، اللي عندهم أمهات ( أرامل ) و ربوهم على الأخلاق و
الدين ..


إيش زادت طليقتك عنهم ؟؟؟؟؟

------------------------------------------------------------------------

4 - جالس تقول ،، الحمد لله إنها قبلت تكون زوجة ثالثة ؟؟؟؟؟

معليه .. ممكن نكون منطقيين و واقعيين ؟؟؟؟
إنت لو تقدمت و طلبت ( بكر ) .. ما راح ترفضك ..


و من النادر إنك تلاقي رجل ، يرضى بالزواج من أرملة و عندها أطفال و أكبرهم عمره 18 ..
ما أقلل من شأن الأرملة لا سمح الله ..

بس إنت بتعطيها ( حجم كبير و مضخمه بداخلك ) ..
و هذا اللي متعبك ..

------------------------------------------------------------------------

5 - إذا إنت خرجت و سهرت أول يوم ،، فهناك أزواج يكلموا ( عشيقاتهم ) في ليلة زواجهم ..
و مع كذا ،، تلاقي زوجته تغفر له و تسامحه و تصبر على ألمها و على إحساس الذل ..

يعني إنت ما أجرمت هذيك الجريمة .. و يكفي إنك اعترفت بغلطتك ..
و غيرك اللي يكابر و يستمر على غلطه ..

------------------------------------------------------------------------

6 - ننسى ألحين إنها أرملة .. لإنها رضيت الزواج بك ..
فلك حقوق الزوج كاملة .. علشان كذا .. هل نسيت طليقتك الحكم هذا ؟؟؟؟؟


و أظن إنها ما لحقت تكرهك ، علشان تطلب الطلاق بكل سهولة ..؟؟؟؟؟؟
يعني طلب الطلاق راح يحرمها من رائحة الجنة .. فهل هي ملتزمة بالفعل و تعرف الشئ هذا ؟؟؟؟؟

------------------------------------------------------------------------------------

و سامحني إذا غلطت بكلامي .. لإني بأكتب على عجلة ..
و الله بأترك دروسي و زوجي متضايق ،، و قلت له بس أرد هنا ..