صباح الخير يا قمرات


عاوزة ارد على الكل
بسم الله ما شاء الله شايفة الصفحة فيها نشاط


نبتدى من الاول
زهورة الامورة
يا حبيبتى دا بجد من فضل ربنا عليا انى اجمع حسنات انى ادخل بسمة على قلب اى مسلم


بعد كدة نعومة القمرة
ايه دا يا بنتى انتى لسو نونة صغننة خالص
بصى بقى بعد كدة لازم تقوليلى "طنط كوكار"
ماشى؟ عشان انا تقريبا لما تخرجت من الجامعة كنتى انتى يا دوب فى KG1 هههه
بصى يا قمرة
انتى لازم تتابعى موضوع الدورة بتاعتك دى اهم حاجة
و كمان العلاج بتاع جوزك مافيش حاجة اسمها علاج لمدة شهرين فى الرجالة خالص
العلاج بيكون 3 شهور لان الحيوانات المنوية فى الرجالة بتنتج كل 3 شهور مش ذى الستات اللى كل شهر عندها بويضة
فانتى اذا كان جوزك خلص كورس العلاج اللى لمدة شهرين خليه يحلل اذا النتيجة كويسة كان بها مكانتش خليه يكمل العلاج شهر كمان
و المهم انك فى الفترة اللى مريحة من العلاج ريحى كمان من فكرة الحمل
عشان فى بنات كتير قوى لما بطلت تفكر حملت على طول
ربنا يكرمك يا رب



ديدو حبيبتى
اذا غطستى تانى حسؤ العلاقات تانى بينك و بين كريم
دا تهديد اهه
ان شاء الله ربنا يكرمك يا حبيبتى و يفرح قلبك يا رب
انا كان نفسى اعرفك فى الحقيقة عشان نتكلم مع بعض


ام وليد
ان شاء الله الشهر اللى انتى مريحة فيه دا هو اللى حيحصل فيه الحمل
كتييييييييييير قوى حصل معاهم كدة


وردة ام الفلة
بصى يا قمرة عادى جدا الوجع اللى انتى حاسة بيه اذا كان وجع محتمل
الحمل فى اوله بيكون نظفة لازقة فى جدار الرحم و بعدين بتتكون المشيمة اللى بتغذى البيبى
و الالم دا هو تجميع المشيمة
فمتقلقيش خالص من الموضوع دا
الا اذا الوجع زاد
يعنى محتاجة مسكن سعنى عشانه يبقى لازم تجرى على الدكتور على طول
اما بالنسبة للجماع يا ست البنات
فاعتقد انك مفروض تنسى يعنى ايه كلمة جماع اصلا
انا فى حملى طووووووووول الخحمل كنا انا و جوزى اخوات خالص
حتى بعد الولادة هو رجع الكويت و انا استنيت فى مصر يعنى تمينا السنة تقريبا
بس اسألى برضو دكتورك بس حتى اذا قال اه يحصل انتى لازم تخلى بالك و اذا حصل يكون على فترات متباعدة على اد ما تقدرو
و ربنا يثبتلك الحمل
فى حاجة بقى مهمة قوى و برا موضوع الحمل
انا فرحانة بيكى كل الفرح
انى لقيت انسان بيفكر فى الاية الكريمة "فأما بنعمة ربنا فحدث"
سبحان الله كل الناس توقفت عند "شر حاسد اذا حسد"



ام مرهونى يا سكر ايه اللى مفهمتهوش و انا افهمهولك؟



باقى البنات بحبكم فى الله



رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة