انا حاولت اتكلم وطولت بالمقابله..
يعني هو قال مايحب السياسه ومايحب يدخل في نقاشات حاده وانه مو عصبي.. والرياضه اكره يعني مو ميوله

قال يحب السفر ويحب الطلعات والتسوق.. هو طبعا كون روحه بنفسه وعنده بيت وشغل خاص

فمادري هو شلون؟

وانا طبعا بفكر قبل لا اوافق عليه

طيب تمام بالنسبه له هو راح احاول ابيلك ميوله من خلال نظرية شخصية تحتمل الصح والخطا .
هو مايحب السفر والسياسة ولايدخل في نقشات ومو عصبي ومو رياضي :
من خلال هالكلام يتضح أنه شخص هادي الطباع وانسان حده حد نفسه ماله علاقة باللي مايخصة .




الله يوفقك اختي وييسر أمركــ .


وخبرينا عن أخر المستجدات أذا أمكن .

__________________
ستشــعُر بحروفي تسير في عــقـــلـــك ...

اي هو قال جذي

هو يحب يسافر. مو ما يحب

ان شاء الله ادعولي الله يسهل

انتي فيج نقص الخميرة يعني بيكون افضل انج تاخذين واحد سليم حفاظا ع صحه الاولاد بعدين !

حامل المرض اهون من المصاااب ,,,

ففكري زين قبل ماتوافقين او ترفضين ادري مافدتج بس ماحبيت اطلع من الموضوع بدون ماارد

حبيبتي~

قريت كلامك عنه..

شوفي شغلة هو ما يحب النقاشات ،، مو مهمة والله صحيح،، انتي ماتبين الي يوجع راسك بالنقاش

انتي تبين المتفهم ،، المحب،، الحنون

و كللللللللللللللللللللللللللللللللللل الباقي يهون ..

يحب السفر و السوق ممتاز والله

اذا ما تبينه عطيني اياه،،، اموووووووووت عالسوق :P (امزح والله بس ابيك تضحكين شوي ولاتشيلين هم)

تقولين عنده شغله الخاص و كون نفسه ،،، ممتاز والله .

وش بعد؟

اهم شي انتي اعجبتيه؟

طيب انتي هو شكله مثلا نفرتي منه؟

اخلاقه زينه؟

يدخن مثلا؟ راعي سهرات؟

اذا لا!

توكلي على الله

والله يكتب لك الخير يارب..

على فكره بالنسبة للمرض ،، توكلي على الله و ربك كريم

__________________
اللهم هب لي من لدنك زوجاً تقياً حنوووووووووووووناً وسيما واجعله قرة عينٍ لي واجعلني قرة عين له قولوا آمييييييييييييين

الله يوفقك لما فيه الخير والصلاح
نقص الخميره منتشر في البحرين ودول الخليج
ومنهم انا وزوجي وهو حتى لو انتقل للاولاد عادي
مثل انا عايشه وما احس بشى
يا اختي المدرسه ما علمونه شي اسمه نقص الخميره
يعني ليس بضروري ان يكون يعرفه
اختي تعالجة في الاردن علشان الحمل وهي حامله السكلر الدكتوره هناك تسالها يعني شنو حامله سكلر
عرفتي حتى الدكتوره ماعرفت يعني شنو حامل سكلر
لانه له مسميات علميه اخرى

__________________
ايارب تاجرني في مصيبتي وتخلف لي خيرا منها

الحمد لله على كل حال

اختي في تحاليل قبل الزواج للامراض الوراثية لا تشيلي هم سويها اذا طلعت توافق

خلاص توكلي علي الله وادرسيء شخصيتة ووافقي

__________________

طيب انا كمان جامعيه وماعرفت نقص الخميره!!

له اسم ثاني اللي هو تكسر بالدم!!

انتي الحين قستي ان ثقافته ضحله لانه ماعرف اسم المرض
لاتقيسين من اشياء بسيطه جدا
خليك متعمقه اكثر
انا اشوف انتي مو متقبلته ووضحتي عيوبه بدون لاتبينين ايجابياته
والترركيز على العيوب دون الايجابيات امر راح يتعبك جداااااااا
وعلى فكره اهم شي في الزواج التقبل بغض النظر عن ي شيء اخر
موفقه يارب

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

مرحبا قديتج
اختي انه من البحرين مثلج واعرف شباب البحرين شلون .. اختي الدراسة مو كل شي ولا لها تاثير على التفكير صراحة .. انه زوجي تخيلي اشتغل بدون لا يكمل الثانوية حتى .. وعقب ما اشتغل اخذ الشهادة وانه متخرجه دبوم بس والحين زوجي يدرس بالجامعه وبياخذ بكالوريوس ولا اشوف في فرق في عقليته عني .. وعن حامل السكلر ونقص الخميرة تره مايخصهم في بعض سالين دكتورة من قبل بخصوص اخوي .. وبعدين يمكن اهو يعرف اسمه بالانجليزي لان احنه نستخدمه في بيتنه g6bd .. وفرق العمر بينك وبينه معقول وبالنسبة لي كنت اتمنى هالشي بس مالله كتب لي ..والله يوفقكم انشالله

السلام عليكم ورحمة الله وبركاته:

يا اختي فرق التعليم في حقيقة الامر لا يهم لأنه ما راح تلقي محاضرة امامه ولا هو كمان لو كان متعلم يعني الحياة الزوجية خلط من الحياة الاجتماعية يعني الحياة مدرسة وتثقف الجميع واكبر دليل حالتي

لأني خريجة بكالوريوس وزوجي مو مكمل الثاني اعدادي ولكنه طيب وحنون ومتفاهم والحمد لله لا يحصل خناقات ابدا الا ما ندر ولي متزوجة 3 سنين واهم شي في الزوج يهنيكي ويعرف قيمتك وكيف يعاملك مو يعرف في تخصصك واللي درستيه في المدرسة والجامعة وازيدك من الشعر بيت كل الصفات اللي ذكرتها في الزوج الرائع يجب ان تتوجها استقلاله بنفسه وبعمله الخاص وهذا ما ينقص زوجي للاسف
(ملاحظة: انا خريجة جامعة ولا اعرف نقص الخميرة ولكن اعرفه بنقص الدم الفولي فلا تستغربي بمعرفته للمسميات الجديدة)

لذلك اعقلي وتوكلي على الله واستخيري واجلسي معه كمان مرة وشوفي ازا بترتاح نفسك معه ولا لأ

موفقة اختي