أختي ما تقلقي
هذا منسميه Intermenstrual bleeding or Bleeding Between Periods
يعني نزيف بين الدورة و الدورة ..
هلأ الأسباب
1.اذا كان في الأيام بي 10 - 14 ممكن يكون سببه اإباضة بسبب انخفاض الاستروجين و خروج البويضة من المبيض
و لما بيترافق مع ألم منسميه Mittelschmerz الألم سببه خروج البويضة لدرجة في نساء بتقدر تحدد أي مبيض الأيسر أم الأيمن هو الذي يخرج بويضة هالشهر ... و هو شي طبيعي لا يستدعي العلاج فقط بتاخدي مسكنات
ازا كان عم بزعجك كتير خدي بالأشهر القادمة حبوب منع (إباضة)

2.اذا كنتي مركبة لولب لمنع الحمل فالسبب منه

3. و هذا السبب كتير وارد ، اضطراب هرموني
بصير خاصةً: اذا كان عمرك صغير يعني أول سنوات حيضك أو قريبة من سن اليأس يعني بآخر فترات الحيض وهو طبيعي
بسبب ارتفاع و انخفاض بالهرمونات

4. كمان النزيف بعد الجماع طبيعي جداً
5. اذا كنتي عم تاخدي حبوب منع حمل كمان طبيعي يصير هادا منسميه Break through bleeding
6. الحالات المخيفة بس اذا كان صاير حمل خارج رحم .. هون بكون في خطورة عليكي و ضروري تلحقي حالك تشخصي ازا في هيك شي
بس المفروض يبين بالايكو Ultra sound
و ع كل الأحوال ممكن تعمل ايكو للاطمئنان

و عليكي العافية أختي