يا
أختنا الغالية :-
أنا مرت على واحد من أرحامي نفس القصه واحد يتصل عليهم من فتره ويقول له أعطيني فلانه زوجته ويوم يقوله أنا أعرف أخواتك فلانه وفلانه وفلانه ولأون غرفت نومك كذه وكذه وفراش الصاله لونه كذه وكان يهدده أنا عندي صور لأهلك وراح أفضحكم .... الخ المهم هو عصب وتجنن وسوا الطريقه التالية ( سجل مكالمه له وهو يهدد وركب كاشف في تلفون البيت و حفظ الرقم ومره اتصل وزوجته جنبه قلها كلميه وسجل مكالمته وهو يهددها ويقولها فلانه وكذه المهم قفل التسجيل وقله والله لجيبك واستعان بعيال الحاره من هو رقمه ؟؟؟؟؟؟ الين عرف إنه فلان انتظر الين اتصل عليه يهدد قله دحين اجين دقايق طلع من جيرانهم في الحاره وأهله يعرفون اهله المهم راح ودق عليه باب الشقه مو راضي يفتح راح كسر باب الشقه لقى البيت فاضي وكل الأبواب مفتوحه ما عدا باب مقفل كسر الباب لقى الرجال فاتح الشباك يقول والله لو تقرب لأنتحر المهم استدرجه قله تعال نتفاهم أنا مسامحك بس ليه تسوي كذه وهو هداء وقرب منه وطااااااح فيه ضرب الين برد غليله وجات الشرطه ولاموه ليه تكسر عليه باب الشقه وكذه لو إنك انتظرت الين يخرج من البيت ما كان عليك شيء المهم انسجن سنه عشان تهجم عليه في البيت هذا حل
2 - الحل الثاني انك تغيري رقمك وتكبري راسك طالما الحمج الله الثقه موجوده بينكم .
3 - (( بس تبغين مشورتي وإنشاء الله ماراح تندمين لأن الحل الأول يمكن يسبب لزوجك مشاكل ويمكن يقتله لا سمح الله وهذا انسان واطي ما يستاهل إن زوجك يضحي بمستقبله والحل الثاني ما ينفع لأنه يهدد وفوق كذه يدق عليك الباب يعني الموضوع فيه خطر أنا ياأختي أشور عليك بأسلوب مميز والحمد الله دولتنا الحبيبة ما قصرت في قسم في الهيئه متخصصين في هذا الشيء خلي زوجك يروح لهم ويعطيهم المشكله ويسون له استدراج ويمكن انتي تساعدينهم يعني تتكلمي مع اخته وتمشي علاقتك معها وتقولي لها والله انا دقيت عليك لأني طفشانه وزوجي سافر الشرقيه وما في أحد بالبيت وزوجك يكون في مكان قريب ومعاه رجال الهيئة وهو أكيد راح يجيك البيت يدق ويسون له كمين وكده المهم هم بيعطوك حلول
تخيلي بنات تغلط وتخون زوجها وتعطي صورها لشاب ويستغلها ويهددها وتتصل على الهيئة ويسون له كمين ويمسكونه . مع تمنياتي لكي بالتوفيق الله يحميك أنت وزجك ويكفيك شرهم بما شاء
17-01-2010, 08:36 PM
ضوابط المشاركة
العرض الشجري