ممكن تعطوني مسجات لتبشير الاهل بمولود الجديد ضروري لاني تعبت من كثر ما دور ب نت لاني اللي حصلتهم مسجات قديمة ف ارجو منكم ترسلولي المسجات انتظركم

بصراحه اول ماقريت العنوان انبسطت قلت
واخيرا
طحت عليها هالسواليفوانا بعد كنت ابحث عن كلمات جميله للمواليد لكن كل الي بالنت اغلبها قديمه

وعد مني بس القى كلمات جميله راح احطها بموضوعك على طول

__________________
رب ارحمهما كما ربياني صغيرا

أتفضلي يا قمر دي الرسايل ان شا الله تفيدك
سلام منا على الخلان
احلى تحايا من الوجدان
الله وهبنا الغاليه أو الغالي((.......))
جاتنا ونورت كل المكان
قدومها اليوم للفرح عنوان
تقول للي انتظروها
انا وصلت اليوم هبه من المنان

-------

اهدي لك احلى رسالة
بالبخور معطره
وبماي الورد مقطره
وبأحلى البخور مبخره
بولادة ((....)) مبشره
.. ولدت بمستشفى .... غ ...

.............

يا طير طاير بالأجواء
ميل و غرد بأحلى غناء
لأحلى مولود وصل اليوم
((...)) شيخ كل الشباب

--------------


السعاده بقلبي مالها اليوم سعه
ومابقى فيني من الصبر صبر
أبزيل الكدر والهم والأقنعه
وانحني لربي واشكره اعظم شكر
وارسم الفرحه وانسى الحزن ومدمعه
وأبشركم بولادة (......) ياأغلى البشر

----------

أذا ولد عريس مثل القمر ..

جاني اليوم أحلى بشر
عروسة مثل القمر..
سبحان ربي اللي أمر
واعطاني هدية العمر..

------------

أعلن فرحتي بأحلى خبر
وابشركم بقدوم أغلى البشر..
وصول مولودتي الجديدة
الله يحفظها لي من كل خطر

----------

ياناس ياعسل
((......)) وصل
باركوا لماما باللي حصل
تفاصيل المكان

-----------

باركوا لي ياحضور
بعد ما مرت الشهور
الله رزقني ((......))
خلت حياتي كلها نور

-------------

من دفئ قلبي ومن فايض حنيني
واهمس لك((......)) بين ايديني
ابعث لك تحية ويشرفني تجيني
ابشركم ولدت اليوم (اسم المسستشفى )

__________________

قديمة المسجات هذي بعد

__________________
متى تجي اللحظة اللي اشوفك فيها ياأحلى (لوتس) بالدنيا بصحة وعافية

مشكورة حبيبتي عصفورة بدون عش بس عندي هذول واريد المزيد والجديد

انا انتظر مولودي ان شاء الله وحاطه في بالي هذي الرساله
((الحمد لله على تمام النعمة وإكتمال المنه.رزقت ب...... ولله الحمد من قبل ومن بعد))
ان شاء الله تناسبك..

انه عندي مسجات كلها مسجلتها حق ولادتي وللحين ما اخترت منها
لأنك عزيز وغالي
ودايم على بالي
أبشرك جاني ولد
أهداه لي واحد أحد
ـــــــــــــــــــــــــــــــــــ
تباشير الفرح هلت
وعطرها في السماء فاح
و(أسم المولود)بسمته طلت
ياعسى ايامه افراح
ـــــــــــــــــــــــــــــــــــ
من معزتكم وغلاكم ما نسيناكم
وبالحب والمودة خصيناكم
وبولادة(الاسم)بشرناكم
ـــــــــــــــــــــــــــــــــــــــــــ
هنوني هنوني
ياناس هنوني
بولدي(الاسم)كحلت عيوني
ربي يخليه دوم باحضاني
اعطيه حبي وكل حناني
ـــــــــــــــــــــــــــــــــــــــــــ

__________________

ماشاء الله ماقصرتوا راح ابحثلك

احنا دايما يتصلوا يقولوا فلانه ولدت ماقد جانا مسج شكلو حركات جديده

الله يتمم حملك يارب وتقومى بالسلامه

__________________
ياررب ارح قلبي وعوضني خير

هذه رسالة بنت اختي الجديدة

في يوم من أحلى الايام
عيد وبهجة وانغام ,,وهدية حلوة من الرحمن ,,
زاد النور في بيتي بقدوم بنتي (....)
فالحمد لله الكريم المنان