والله ياجماعة الخير


انا اللي مقيدني الوظيفه لو عندي دخل ثابت مثل الوظيفه ان كان مارددت


امي ماعندها اي مشكله انها تتقدم لي


بس تقول وش يصرف عليك وعليها مادام ماعندك دخل ثابت


الوظيفه قريبه ان شاء الله بس وش يقنعها انها تتقدم لي بخطبه والملكه بعد سنتين


لأنه ان الله احيانا بيكون بعد سنتين جمعت لي مبلغ ممتاز ودبرت عمري


القضيه ابي اعرف كيق اقنعها انها تخطب خطبه لمدة سنتين

(وهل في عرف المجتمع انه في خطبة توصل إلى سنتين؟؟)

السلام عليكم ورحمة الله وبركاته

الف مبروك مقدما >>>> مصمم على العزيمة ولا يبي يقهرك
اذا انك تبي الزبدة دايركت اقراء الي تحت الخط ، واذا تحب البربسة وتضيع الوقت ارجع اقرا الموضوع من اوله

ياعزيزي مشكلتك بسيطة ان شاء الله وهي من الاساس ليست مشكلة .
طبعا موضوع الخطبة الطويل "سنتين" انا لا ارى اي مشكلة فيه ، وبخصوص المجتمع اعتقد انه اصبح من الشائع عندنا خطبة سنة وسنتين .
دام الشرع ما يمانع ولا انت مسوي شي عيب ولا حرام خلاص ما عليك من احد .
بخصوص الوظيفة اتمنى لك التوفيق والسداد ياغالي .
بخصوص الوالده الله يسلمها فهي مقتنعة وبكل تاكيد ان شاء الله ، بس تبيك اولا تكون جاهز ولو مبدئيا ، يعني لما تتقدم للبنت حتى لو كنت دوبك متوظف ولا عندك ولا ريال ، بس اهم شي انه فيه وظيفة يعني فيه مصدر دخل ثابت يعني فيه بصيص امل .

بصراحة انا وضعي كان زي وضعك والوالدة فعلا ما خطبت لي الا بعد ما توظفت والحمد لله .
عشان نكون عادلين لو جاء لاحد اخواتك واحد يخطبها ونقول مثلا ولد عمك او خالك بس هو غير موظف يعني حالك حالوووو ، وش موقفك ؟؟
================================================== ====
خلاصة الموضوع لا ارى اي تعارض بين رغبتك وبين طلب والدتك حفظها الله ، لذا انصحك بحل وسط وهو ان تطلب من والدتك على الاقل ان تلفت انتباه خالتك لهذا الموضوع بحيث يكون لدى خالتك علم برغبتك هذي وايضا بحيث انه تشاور البنت وتاخذ رايها طبعا بالتلميح وليس التصريح مدام انك لم تطلبها رسمي .
وفقك الله