بأرد بسرعة ، لإنك قاهرتني

حبيبتي ، لا تفتحي على نفسك باب ،،

دام زوجك يحب جلسة البيت و الحمد لله ، و ما يحب النت
خلاص لا تفتحي باب على حالك

أنا كان زوجي ايميل ما عنده ،، و علمته يدخل علشان يقرا مواضيع و يستفيد
بس صار 24 ساعة عالنت ، و زعلت كم مرة منه و قلت له مليت من النت خلاص قفله

و الشئ التاني ، خليك إنت صديقة زوجك


أملأي الفراغ إن كان يشعر بالفراغ زوجك ، و لا تحسسيه بالوحدة

هو مرتاح بجلسته في البيت ، بس جددي و اعملي جدول كل اسبوع تعملوا شئ مشترك
شاركيه هواياته يا قلبي

بكرة يتعرف على شلة لا سمح الله تسحبه ، مثل ما زميلتي تشتكي ألحين
كان زوجها ملتزم و ما يروح و يجي و من كثر ما تزن على راسه ، تعرف على صحبة سيئة و حلق لحيته
و انقلب و ألحين هي طالبة الطلاق لإنه صار يمد يده عليها

ما بأخوفك ، بس عبي الفراغ اللي في حياة زوجك

اتركي النت و أجلسي معاه ،، الوقت اللي تجلسيه عالنت ،،
اجلسي فيه مع نفسك علشان تفكري بأي شئ جديد تعمليه مع زوجك