|
|
05-02-2010, 01:19 AM
|
المشاركة الأصلية كتبت بواسطة سعدون الوافي
هلا بك ونرحب بك اخي الخرج حياتي
أوجهلك سؤال قبل ما اكتب رائي؟ سؤالي: هل تزوجتها عشان وظيفتها ودخلها؟ اما تزوجتها بأن تكون زوجه ويكون بينكم موده ورحمة؟ جاوبني بصارحه حيث لي عوده واقرا اجابتك. --------------------------------------------------------------------------------------------------------- بالنسبه للموضوعك ليس لك حق في راتبها نهائياً سواء بطيب نفس او أجباري ونصيحتي لك ابعد عن راتبها حتى لو تقول خذ راتبي وتصرفبه لأنه مهما كان المرأه منانه لو تجيب لبيتك لو ملعقه بعد سنه يصير نقاش قالت انا جبت ملعقه والمفروظ انت تجيبها. اخوي اتوقع ان عمرك تحت الثلاثين وداخل على الحياة انها تعاون وانها وانها..... لا اخوي .... القوامه للرجل مهما كانت الظروف. كذلك: عيد واكرر الموظفه سلبياتها اكثر من ايجابياتها قلي كيف؟ - ما يقنعها شي لو عطيتها 300 فهي لا تعنيلها شي أبد كأنك معطيها 30 ريال -مصاريفها في البيت تكون اكثر من غير الموظفه. بحكم المطاعم مره علي ومره عليك وهكذا - مصاريف البيت اكثر حيث انك تلتزم بأن تأكل خارج البيت لعدم وجودها في البيت -مصاريفك الشخصيه اكثر بحيث انك تظطر بأن تغسل ملابسك عند المغسله ...الخ. ---------------------------------------------------------------------------------------------------------- الحل: لا يكلف الله نفس الا وسعها - مثلا مستاجر 20 الف ريال شقه استأجر ملحق بالسطح 10 الاف او بيت شعبي بحدود هذا المبلغ - حاول تقنعها بأن تكتفي براتبها لنفسها وتشيل نفسها عنك واذا اصرت مش لها مصرف 100 ريال شهري - مثلا منزلك بعيد عن وظيفتها حاول تستأجر قريب من عملها حتى تتمكن من القيام بوجبه الغداء حيث انك تجي من عملك حتى لو مسافه 50 كيلوا اهم شي تسبقك على البيت. - اترك المال جانباً ولا يهمك يالغالي الزواج رحمة وموده -ابحث عن عمل اظافي حتى لو بمبلغ 1500 ريال مسائي أو سائق لموزين-- وعارف ردك تقول متى أجلس بالبيت مو لازم تجلس بالبيت اهم شي تطلع من الزنقه الي انت فيها. -ارفع عينك عن راتبها نهائي وصدقني بترتاح نفسياً وبيغنيك الله. ------------------------------------------------------------------------------------------------------------------ وفي الأخير انا عارف قرارك -- لكن عسى الله يوفقك للي فيه الخير والصلاح. |
05-02-2010, 01:30 AM
|
المشاركة الأصلية كتبت بواسطة الخرج حياتي 99
بصراحه اخذتها عشان تساعدني على الحياة وانا نشيل انفسنا في الزمن الصعب
وانا عمري 29 سنه مثل ما تفضلت داخل على الحياه انها تعاون وتفاهم وانا اداوم عشانها من الخرج بحكم عملي فيه وهي تعمل بالرياض فاستأجرت بالرياض شقه 23 الف ريال واداوم يومي 100 كيلوا اما قراري نويت اتخذه بعد ما قالت خذ 15 ريال وجب نصف حبه دجاج واثنين لبن ( سعدون الوافي انت شخص مثقف وفاهم ) الله يوفقك |
05-02-2010, 02:29 AM
بس
رجل
05-02-2010, 02:01 PM
|
المشاركة الأصلية كتبت بواسطة سعدون الوافي
هلابك ((( وبالنسبه لي لست مثقف ولا فاهم لكن بتكلم بالمنطق والعقل لست منحاز لا معك ولا معها)))
بما أنك هذي نيتك بأنك مرتبط بها عشان تساعدك على الحياه ومدري كيف (( يعني هدف مادي)) فيجب عليك قبل الأرتباط فيها بأن تبلغها بأن تكون مشاركه لك في كل شي بالبيت والمصروف وغيره. -- بختصر عليك توقعي انك في مازق كبير جداً جداً جداً لأن لك نظره وهي لها نظره أخرى --و الي حيرني كذلك ان مستأجر لها قريب من عملها وانت تتحمل مشاق السفر يومياً من مصاريف السياره -- بنزين وصيانه -- وهي مفشخره على الأخر اسمع كلامي ولا تترد انقل للخرج واستأجر شقه بالسطح 8000 الاف ريال اقتصد على نفسك ووفر الاساسيات فقط ابحث عن سائق بزوجته يوديها ويجيبها فكر في حياتك ومستقبلك زين زين زين |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور