ماذا حققت من امانيك مع شريك حياتك؟ - منتدى عالم الأسرة والمجتمع

07-02-2010, 03:57 PM

#13

منت عاجبني

شيف المنتدى المتألقة

تاريخ التسجيل: Sep 2007

المشاركات: 1,615

الحمد لله ,, كثير من احلامي تحققت بمساعدته ومساندته

بصراحة لا استطيع ان اعددها ,, فهي كثيرة ,
الحمد لله هو عنده قناعة إن كل شيء ممكن احلم فيه آنا
لازم يبذل جهدة عشان يحققه كونه زوجي

لكن اهم امنيه بحياتي تحققت هي ارتباطي به
وأن نكون زوجين .. وأحلى اثنين ... من بعد عذاب أكثر من 6 سنين
مع إنه واجه المصاعب في الحصول علي , لكنه لم يستسلم ابدا ً والحمد لله الحمد لله تحقق حلمي وحلمه ... الله لا يغيير علينا يارب

ذكرتيني
آنا دائما ً على لساني كلمة (خاطري في الشئ الفلاني / او نفسي في../ جاي على بالي في..)
عاد أول ما ارتبطنا ... كان من يسمع مني هالكلمة يعوره قلبه .. ولازم يشتري لي الي خاطري فيه
وآنا كنت اقول الكلمة عادي يمكن مو شرط خاطري في الشيء من صج, بس لأني متعودة اقوله خلال كلامي

!!
بس بعدين شاف خاطري ما يوقف عن الشغل

ههه يقول ما شاء الله عليج كل شيء خاطرج فيه !
بس الحمد لله لازال يستمتع في شراء الاشياء الي اتمناها

الله يقدرني احقق احلامه البسيطة
واحقق حلمه الكبير في أن يكون أب ..
والله يحقق كل امانيكم ,,

على طاري اللوحة والالوان والرسم ,,
آنا احب الرسم من صغري واموت على الالوان ..
ولليوم درج الكمدينة الي يم السرير مملون بدفاتر الرسم والالوان ...
زوجي دائما ً يقول لي سوي مشروع تستفيدي منه , ونفس الوقت انمي موهبتي الي بدأت انساها لأني هجرتها ,, مع إني احبهااا

كنا يوم مارين على مدرسة ابتدائية وكان في مسابقة على مااعتقد .. ناس يرسمون جدار المدرسة كل واحد له قسم محدد ...
يالله صار خاطري ارسم معاهم وألون .. يوم قلت له انصدم وقام يسخر مني

ماحس فيني ابدا ً !!!
ولليوم وبكرة وهو كل يضحك ويعللق على هالامنية !!!

المفروض يشجعني ! بس هو رفض يقول مابي ترسمين وكل من يمر ويشوفج !

اكو عندج جدار الشقة شخبطي فيه لين اتشبعين

شكرا ً لك حبووبة ,,
موضوع لطيف من عضوة الطف !

وعذرا ً ع الاطالة

__________________

حموودي وأبو حمودي

الله يخليكم لي

شمعة تنور لي حياتي

ووردة تعطر لي دنيتي

احبكم 3>

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 06:14 PM.

روابط سريعه