يوووووه شكلك من النوع اللي ما يتورط يعني على طول الرد جاهز

مادري ايش اخرة الناس التافهه هذي ... الله يعينك عليها

بس كنت ابغى اسالك انتي متاكده انه ممكن وانتي مثلا جالسه في تجمعاتكم ومن دون قصد ومن دون ما تحسي بتتكلمي عن نفسك كثير؟؟ بالتالي ممكن تكوني استفزيتيها؟؟ لانه بصراحه غريب الحقد اللي في قلبها عليك مو معقول مافي سبب..


لانه بصراحه عندنا وحده في عايلتنا تصدع راسي لما اقعد معاها عندي وعندي وجبت وعملت وسويت ..خلااااااااااااااااص يا بنت الناس جبتيلي الصداع وانا بصراحه نفسي انبهها لانه الناس كثير اضايقو منها بس مو عارفه كيف..



طيب لو انا اقولك عالموقف اللي حصلي حتشدي شعرك
مره كنت بزواج وجاتني وحده من قريباتي صارلي يمكن سه ما حكيت معها كانت توها مخطوبه تقولي ( كيف حالك وكيف حال الززواج ؟ اما بصراحه شكل زوجك مرررررررررررررررررررررره مو حلو مادري كيف تقبلتيه) رديت عليها بكل برود ( في عيني اجمل الشباب) وفجاه صارت تنبش بشنطتها وطلعت جوالها وقالت( شوفي خطيبي كيف وسيييم ) قلتلها الله يهنيكم بكل برود وصرت اصفق للبنات اللي يرقصو وحقرتها..


طيب هذي الانسانه ايش الهدف تعمل معايا كذا؟ مع انه ما شافت زوجي ولا هو قبيح بالشكل اللي وصفته والى يومك هذا مادري ليش عملت كذا مع انه الموقف مر عليه حوالي 3 سنوات واكثر!!

بالاخير يا ستي انصحك لا تدخلي في مهاترات معاها
طنشيها ردي على قد سؤالها واعملي نفسك انشغلتي مع ناس ثانيين
تصرفي ببرود القي السلام وردي باحسن منها وخلااااص..

__________________