نعيمة متزعليش مننا
بس انتى شوفى كنتى كاتبة ايه؟
"طول فترة غيابي وأنا متابعتكم في صمت وكنت بضحك على توبيخاتكم لي"
يعنى احنا كنا قلقانين عليكى و انتى قريتى كدة بنفسك طب على الاقل كنت طمنتينا بكلمة عنك و خلاص
طيب اذا مش عاوزة تتكلمى عشان منقولش حللى
كنتى قلتى انك محللتيش بس مش حتدخلى الفترة اللى جاية
على الاقل نبقى مطكنين عليكى و عندنا امل انك حتدخلى تانى معانا
و اذا بتتكلمى عن نفسيتك
حبيبتى كللللللللللنا فينا اللى مكفينا باختلاف الصور
يعنى اللى ربنا مكرمهمش و اللى ربنا كرمهم لازم يكون فى حاجة فى حياتنا بتنكد علينا و بتضايقنا
خلقنا الانسان فى كبد
و احنا متجمعين هنا عشان نواسى بعض و نخفف عن بعض
انا مش عاوزاكى تزعلى من كلامى
بس بجد اللى قديم معانا هنا
حيكون اتهرى من القلق على ناس كتير كانو معانا و فاجأة فص ملح و داب
طب ليه راحو فين محدش بيطمن حد
و فى مثل مصرى بيقول
"خالتى و خالتك و اتفرقو الخالات" و "خلصت حاجتى من جارتى"
يعنى احنا مهريين بجد
مش ناقصيين مقالب
مش عارفة اذا كان كلامى جامد ولا لأ
بس ما دام بقينا اخوات فكل واحدة فينا ليها الحق و كل الحق على اختها دى
يعنى حضرتك متقلقيناش عليكى تانى ابدددددددددددددددددا ، فاهمة؟
ام وليد طمنينا عليكى يا حبيبتى و ان شاء الله عندى امل كبير برضو
بحبكم فى الله
رب لا تذرنا فردا و انت خير الوارثين
__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة
10-02-2010, 10:12 PM
ضوابط المشاركة
العرض الشجري