بسم الله الرحمن الرحيم

أستغرب من البنات الي يصدقون ولد ما يعرفونه ولا شي الا من خلف شااشه و"نك نيم".!!

أنا ماارد على المشاكل الي بالمنتدى ولا شي .. بس انتِ اول وحدة ارد عليها فاسمحي لي

أختي الندم أول طريق التوبة ولازم تتغلبي على نفسكِ الأمارة بالسوء

اصعب أنواع الجهاد هو جهاد النفس

انتي ايش تستفيدين لما تدخلي شات وتسمعي كلمات مدح من هذا واطراء من ذاك؟
كله كلام في الهوآ ويعيده على ألفين بنت غيركِ

أما بالنسبة للي قال لك بيخطبكِ

من جدكِ صدقتيه؟!

لو كانت في نيته زواج -اقول لو كانت- ماقال لك اول يبي يطور العلاقة معك ومسن وجوال

والله يعلم شنو يجي بعدهم

ومن متى الزواج يصير بتفاهم الولد مع بنت في شات؟

تعرفيه؟ تعرفي اهله؟ قبيلته؟

وهو يعرف عنكِ شي عشان يقرر يخطبكِ؟

كلها أوهام وتسلية

من متى الحب والامان يجي في الظلام؟ انتظري نصيبكِ بالحلال ولا تخلي نفسكِ سلعة رخيصة

يا أختي لا يكون عقلكِ صغير بسهولة ينضحك عليك

عذراً اذا كلامي فيه اساءة او شي

ومهما صار لا تدليه بيتكم ولا تقولي له انتي بنت مين

ماتدري شنو الهدف من هالطلب!

لاتسوي شي تندمي عليه بالاخر

وفي النهاية مااقول الا الله يهديكِ ويتوب عليكِ وحافظي على نفسكِ وسمعتكِ