السلام عليكم جميعا
اختي في الله روح
اتمني ان ربنا يشفيكي من الالتهابات دي وخدي بالك علي حالك عشان ربنا يكرمك وخدي بالاسباب واتعالجي عشان تروحي لزوجك ان شاء الله طيبه
وحشتوني كلكم
اما عن اخباري
الدوره لسه ما شرفت وكانت اخر دوره 10\1
يعني موعدها عدي كتير واتصلت بالدكتوره وقالت استني اسبوع واشوفك بس انا مش قادره استحمل الضغط والتفكير وهروح النهارده ان شاء الله
وكل العيله خلاص محسسني اني حامل وما تشيلي تقيل ولا مجهود ولا حاجه ربنا يستر بئه ويتقبل دعواتهم لي
المشكله انه من بعد التبويض وفي افرازات بيضاء تتدفق بشده وبدون رائحه ولسه موجوده لللان وده اللي مقلقني ومش عارفه ده ايه بالظبط
وفي نغز في صدري والم في الظهر بس لما بقف كتير والنوم بشكل فظيييع كل ما اصحي عايزه انام تاني
مش عارفه ايه الحاله لاني اصلا الشهر ده تركتها لله وما اخدت اي علاج والدكتوره طبعا عارفه
الحمد لله بس انتم طمنوني
ومحتاجه دعواتكم جدا جدا جدا بالله عليكم
15-02-2010, 03:57 PM
ضوابط المشاركة
العرض الشجري