بصراحه ما أحب زوجتي من 5 سنوات !!! ومستحيل احبها (مستجدات بالرد 116)

17-02-2010, 01:21 AM

#11

مشكلة والله !

عضو مثالي

تاريخ التسجيل: Mar 2009

المشاركات: 640

ما أدري ليش تذكرت أخونا السابق / عميد الجامعة الله يذكره بالخير ..

ماندري وش علومه

المهم الأخ / غلطة العمر .. أولاً أسأل الله أن يصلح ذات بينكم وأن يؤلف مابين قلوبكم

ثانياً أنا ملاحظة شيء ع الأخوة المعلمين أغلبكم إن لم يكن كلكم طبعكم كذا

معقدين مزاجيين مو مفهومين وعندنا نماذج الله يهديكم اجمعين ..

ماأدري هي طبيعة شغلكم تخليكم كذا ؟؟

أو البيئة اللي انتم فيها ( نظام المدرسة ) ؟؟

لكن من جد تأثر عليكم خارج الدوام ..

ليش ماأدري ؟؟

ع العموم ..

البلى فيك مهب بزوجتك كما ذكر الاخوة والاخوات سابقاً ..

شف وأنا أختك .. زوجتك درة ثمينة وماراح تحس بقيمتها إلا لما تفقدها بسم الله عليها

غير من حياتك إنت وراح تشوف التغيير فيها .. جرّب وش بيضرك ؟؟

سافروا برى بعيييييييد .. ماشاء الله عندك مرتب كويس وعندك بس طفلتين

ماراح تخسر كثير بالمصاريف سافر انت واياها والله راح تشوف الفرق ..

أنا فاهمة طبيعة زوجتك لأني مررت بنماذج زيها ..

ولله الحمد قدرت اغيرهم مع أني مادخلت دورات في ذلك ولا شيء !!

كنت أيام دراستي بالجامعة متعرفة على قروب بنات جدد ماكانوا معي في الثانوي

وكانوا طول وقتهم ساكتين وأنا المتحدث الرسمي !!

فصرت اسكت ماأخترع سواليف صرت أسألهم وانبش منهم الكلام

ولو كان خرابيط مثلاً وش توقعاتك تصير مواد الترم صعبة والا سهلة ؟؟

وش جدولك اليومي ؟؟ كم عدد إخوانك ؟؟ كيف علاقتك فيهم ؟؟

وش تحبين تاكلين ؟؟

وهلم جراء !!

اسألهم وكأني مهتمة فيهم يفرحون ويجاوبون أحياناً بإختصار

وعلى شوي شوي تغيروا فصاروا يسولفون ولا ألاقي فرصة اتكلم احياناً

لمن إطمئنوا لي وكسروا حاجز الحياء تفاعلوا !!

كل إنسان قابل للتغيير فلا تكن متشائم ياأستاذ !!

أولاً إبدأ بنفسك وبعدين راح تلاحظ التغيير في اسرتك ..

وش فايده الكلام اللي تسمعه هنا وهناك في القنوات والدورات مادمت ماتطبق شيء !!

اللي مايطبق هو الجاهل !!

الأخ المحترم تأكد انه مافيه أحد بهالدنيا مرتاح !!

واحمد ربك ع الاستقرار .. شف القسم مليان قصص خيانات وبلاوي !!

تأكد دائماً أن الرجل قادر على تغيير المرأة أكثر !!

ماتدري يمكن بكرى تتزوج وحده ثانية ولا تنبسط تمل بسرعة !!

أو إنك خلي أحد خواتك تفهمها وش تبي إنت منها ؟؟

ع العموم الله يوفقنا ويوفقكم ,,

أختكم عميدة جامعة المشاكل / د. مشكلة والله !

التوقيع : شخخخطط

!

__________________

ربي .. إلى من تكلني ؟! ,, ~

التعديل الأخير تم بواسطة مشكلة والله ! ; 17-02-2010 الساعة 01:23 AM

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 09:42 PM.

روابط سريعه