مرحبا حبيباتي

اليوم رحت للدكتوره .. وكانت دكتورتي مسافره والدكتوره البديله هي اللي شافتني .. قالت لي نتيجة الكحت طلعت وباين كل شي طبيعي ومافي خلل او شي يمنع ان حملك يتم ..

طبعا هالكلام بس عن العينه اللي اخذوها في التنظيف

لحد الان ما اخذو مني دم وفحوصات .. على اساس ينتظرون ان الهرمونات ترجع طبيعيه


وقالت لي كلام غريب عجيب

قالت لي ان احنا ناخذ فحوصات الاجهاض اذا تكرر الاسقاط 3 مرات .. ومش اي اسقاط .. اذا الجنين عدى 11 اسبوع ومات في بطنك .. قلت لها وانا مش مستعده اعيش التجربه هذي 3 مرات .. ابي اعمل الفحوصات قبل لا اوصل للاجهاض الثالث .. فاجأتني لما قالت ( اصلا انتي عديتي اجهاض واحد فقط من الاجهاضات ال3 ... لان اجهاضك الثاني ست اسابيع فقط .. ومانعتبره من الاجهاضات اللي لازم نعمل لها فحوصات )
وبعدها ختمت كلامها
خلي دكتورتك هي اللي تقرر لما ترجع من السفر .. اذا نعمل لك فحوصات او لا

بالله عليكم يا بنوتات
هذا كلام؟؟ ينتظروني اسقط للمره الثالثه .. عشان يتخذون موقف؟؟ المشكله اقدر اروح لمستشفى ثاني خاص بس امي حالفه علي مادخل المستشفيات التجاريه .. تقول الحكومي افضل بمليون مره وانا كمان اوافقها الرأي


بس قهرني النظام الماشيين عليه

عموما انا راح انتظر دكتورتي ترجع من السفر وبكلمها تعمل لي التحاليل اللازمه ...

هذي كل اخباري
احبكم كلكم

__________________
اللهم بارك لي في ابني وارزقني خيرا
الحمدلله رب العالمين