حياك الله اختي سحابة صيف
أنا سويت أمر كبيييير وهو أكبر أمر سويتة......قالت بننزل للرياض قلت لا عندي شغل كذا وكذا وفهمتها وش شغلي, ولكن مارضت قالت الا نروح قلت خير وخليت ولدي يوديهم للرياض......شفتوا وش قد انا حقير , راحت للرياض وجت توقعت انها بتتأسف انها ضايقتني لكن جت وراسها مليان من أختها و اللي حصل انها دخلت لغرفتها وشالت مخدتها وراحت لغرفة بنتها اللي هي بنتي طبعاً وبالأخير اتفاهم معها تقول هذي عيشة قرف ولا تنطاق......وطلقني!!!
شفتوا كيف انا حقير وظالمها المسكينة

لالا ابد وانا اخوك تكرم ويكرم الجميع ويبدو إنك شايل من الهم الشيئ الكثير ومن الواضح انك ماترغب بطرح مشكلتك وإنما مجرد تنفيس عن النفس ولو بالقليل
أتمنى من الله العلي القدير ان ييسر أمرك ويرزقك البصيرة في جميع أمورك.

__________________
نحتاج إلى فهم المشكلة قبل أن نبحث عن حلول لها ،إذا لم يتم ذلك فإن الجهود المبذولة لحل المشكلة يمكن أن تقودنا إلى الحل الخاطئ.

الله يعينك ومادام انهامصممه على الطلاق روح لأولادك وخذرايهم من كلامك عنهم انهم كبار موأطفال وقول أمكم طلبتني الطلاق وش رايكم ويمكن أذاقلت لهم بيقولو لها الأولادويحن قلبها وتتراجع عن قرارها هذي عشرةعشرين سنه موشوي قدعمري عشرين سنه ماشاءالله ..الله يختارلكم ألي فيه خيرويسخرقلبهالك ولأولادها

اختي الكريمة أميرة بطبعي
والله اللي كان كاسر جناحي من أول هم عيالي ماودي أضيق خلقهم بأي شي وهي تعرف هذا الشيئ وتحاول دايم تقلق العيال ودخلهم بمشاكلنا مهما كانت مشاكل عادية
تبين الجد أختي الكريمة والله ماعاد ابي قلبها يحن أبد لأني تعبت معها وحطيت لها الشمس في يد والقمر في يد ((حسب إستطاعتي)) وأحرم نفسي وأعطيها لكن والله ماحفظت لي ولا شيئ وتقول ما شفت منك خير.
اختي الكريمة الله يخليك لعين ترجيك على صغر سنّك لكن لكِ عقل راجح الله يحفظك ويرزقك من واسع فضلة أنتي وجميع الاعضاء الطيبين يارب العالمين.

احيانا يا اخي يكون العطاء الزائد كما الناقص ..

فانت بعطائك جعلتها تطمع في المزيد وان حدث انك لا تستطيع فانها تنقلب عليك ..

كلامك صحيح يا أخي اقهر ظروفك ويعلم ربي ان الهم مقطعني ومنقهر على صبري السنين الماضية
جزاك الله خير وشكراً لك على دعائك الطيب.