السلام عليكم ورحمة الله وبركاته
عندي بنت الله يحفظها عمرها 12 سنه عنيييييييييده واللي تبغاه لازم يصير وسبحان الله هالصفه كانت في ابوها الله يرحمه طبعا اغلب شئ اسوي لهااللي تبي خاصه اذا ما فيه ضرر
اللي صار ان بنت اختي بعمرها شعرها متقصف وخفيف قامت امها وقصت شعرها لها
هنا جاءت بنتي ماما ابغى اقص شعري ياقلبي انتي شعرك حلو وكثيف وناعم خساره اقصه البنت بكا ودموع تقول لي اقنعيني بالسبب قلت لها شعر بنت خالتك خفيف ومتقصف شعرك انتي بشهاده الكل حلو وكثيف قامت تقول هو شعري وانا حره فيه ابغى اقص انا عصبت وقلت مافيه قص وانتهت المناقشه
طبعا هالكلام كان الخميس اليوم جمعه ومتعوده بهاليوم تدهن شعرها وتتحمم بعد الزيت بساعه رافضه الزيت قلت لها الظهر معاك فرصه للمغرب تهتمي بشعرك جاء المغرب طبعا البنت على كلامها ما تبغى الزيت نهائي جبت الزيت وناديتها تعالي قامت تصارخ وتبكي وتجري بالبيت وانا وراها اجري هههههه مسكتها بالقوه ودهنت شعرها انا امشط شعرها وهي تبكي وتقول ياليتني مت ايوه عشان بابا مو فيه يدافع عني تسوي فيني كذا يعلم الله قلبي ينزف من جوى بس ساااكته وكملت شغلي وقلت لها بعد ساعه تدخلي تتحمي وطبعا ما سمعت الكلام قامت دخلت الحمام على طول وغسلت شعرها وانا كأني ما شفتها ولا كلمتها بعد ساعه جات تكمني ولا كأن صاير شئ انا والله تعبت بالتعامل معاها وصارت هي واخوها بالبيت بس مشاكل هو عمر 14 ويعني صرت رجال وكلمتي تمشي وهي عنيده ولازم كلمتها هي تمشي التلفزيون مثلا هي تبغى قناه وهو يبى قناه ثانيه هو يبغى الكمبيوتر وهي تبكي تبغاه طوووووول اليوم مشاجرات اما موقفي احرم الكل وخلاص بس ارجع احزن عليهم وخاصه مافيه طلعات وتمشيات اقول حرام حتى بالبيت حرمان احاول ارضي الطرفين بس الاغلب تقول لي ايوه انتي بس تحبي اخويا وتوقفي بصفه وانا محد معاي عندها انه انا احب اخوها اكثر منها مع ان مدلعتها اكثر والكل يقول لي شخصيتها ماشاء الله على صغرها بس قووويه ما ابغى بنتي تطلع متسلطه ولسانها طووويل وبنفس الوقت ما ابغى اقسى عليها ومحتاره بالتعامل معها

مشكله هالمراهقين الصراحه ..

لا وبعد بنت وولد ! يعني الله يعينك .. اطلبي من الله العـون ...

توم وجيري اتوقع صاير بيتك !

بس الله يهديهم .. الله يخليك لاتدعين عليهم ابـدا حتى لو عصبتي خلي بفمك دائما الله يهديكم ..

ثاني شي هذي فتره وتعدي وبكرا يكبرون .. بس انتي ماعليك غير انك تعززين اخوتهم اكثر واكثر

وهالشي صاير عندنا ..

يعني تجي الأم للبنت تقولها مالنا غير اخوانك هم عزوتك هذول سندك بالدنيا .. يعني تخليها تحن عليهم

وكل ماقالت شي قالت مسكين اخوك وشايل هم وتعبان يعني من هالحكي

وتجي للولد وتقوله خواتك طيبات حنون عليك وكل وقتهم بس اخوي اخوي .. وهذول عرضك
لازم تحافظ عليهم وتكون قريب منهم وتحس فيهم ~ اذا انت اخوهم مادريت عنهم وعاملتهم بالقسـوه مين بيحن عليك!

وشوفي كبرنا وعرفنا هالشي يمكن يوم كنا صغار ماكنا مستوعبين هالحكي بس الحين

والله اخـواني ماشاءالله حنووووونين علينا .. ويازين جلستهم وسوالفهم لبى قلبهم

ونفس الشي انا وخواتي والله مانرضى على خواني بكلمه .. ودايم صورتهم زينه امام الناس

يعني انتي الآن امامك تربيه عظيمه تحملي واطلبي الأجر من الله ..

بالذات ان ابوهم متوفي تلاقينهم حساسسسين مره ..

عالتلفزيون .. والنت نظمي وقتهم ولاتمنعيهم ..

مثلا ساعه للنت للبنت وساعه للولد وبعدين يتقفل ومايتشغل الا اليوم الثاني ..

هالنظام اتطبق علينا واحنا كبار والله .. والحمد لله كنا مرتاحين لين صار كل واحد عنه لاب توبه الخاص ..

والتلفزيون نفس الشي الي يصير ماسك النت له التلفيزون والعكس ..

وباقي الوقت بالتلفزيون لك انتي .. عشان تخف هالمشاكل ..

الله يصبرك ... وبنتك انتبهي لها اخاف بجد تكبر وتصير قويه ولسانها طويل عليك انتي امها !

حاولي ان يكون لك شخصيتك معاها ومو كل شي تبيه يصير لاتغلطين غلطة وحده اعرفها

الآن بنتها والله وقحه وماتحترم احد .. بسبب الدلع الزايد وياليته جاب نفع مع الأم بالعكس صارت البنت طويلة لسان ..

الله يعينك ..

__________________
{ احبــــ ـــكم بلا استثنـاء ~

جزاك الله خير من ناحية تعزيز اخوتهم هذا اللي انا الحمد لله اسوووويه ولما ازعل على واحد الثاني يجي يتوسط له عندي ومع ذلك لازم توم وجيري على قولك مشكلتي الولد عندي اهون من البنت عنيييييييييييده خاطري تكون سلسه تتعامل مع اخوها بشويه طاعه تسمع كلامه تحترمه للحق اذا كلمها هو بأدب وحبة خشم تطيعه وتسمع الكلام لكن باسلوب ثاني انسي تنفذ كلام احد اللي براسها هو اللي يمشي
من ناحية الدلع بالعكس الحمدلله متوسطه معها بس قلبي يعورني دموعها ما اتحملها كلامها يأثر فيني نفسيتي تتعب بسببها والله

خايفه طريقتي تكون معها غلط
بعض افراد اهلي يقولون شخصيتها حلوه تبغينها تطلع ضعيفه بهالدنيا ما يعيش ضعيف
بس انقهر لما اشوفها بتمشي كلامها كمان عليا انا وتعصي كلامي وتنفذ رغبتها

الله يكون بعونك وسبب عنادها اكيد انتي لانك مدلعتها

حاولي تحطي نظام بالنسبه لها ولاخوها واظح انها تغار الله يكون بعونك

بصراحه احسن طريقه الضرب لكن مش ضرب قوي ولا ترخي لها او تراضينها

خليها هي الي تراضيكي بصراحه ما اعرف شو اقولج الله يكون بعونك

__________________
صورة التوقيع و الصورة الرمزية ممنوعة . راجعي قوانين المنتدى

لجــل دنيآأإ فـــآأإنيـــه نفتـــرق فـــى ثــآأإنيــه

.. الله يعينك على تربية المراهقين , وخصوصا بهذا الزمن ..

.. أسمعي أختي .. بنتك عنيده تعرفي ليش ؟

.. بنتك لما تقول تبغي شيء , وأنتي ترفضي هذا الشيء , اعطيها السبب حالا , يعني , وقت الا قالت تبغي تقص شعرها مثل بنت خالتها , قولي لها وبحزم , بحزم مو بصراخ , انتي شعرك الحمد لله مافيه شيء حلو وناعم وكثيف , وبنت خالتك مقصف , فهي راح تقصه للعلاج , بعدها لا تعطيها مجال تناقشك أبد , خلاص انتي قررتي صح ؟ خلاص الاهل عندما يقررون الابناء عليهم الالتزام فقط , لا المناقشه ,, لانك لما تناقشيها كل شوي وتحاولي كل شوي تفهميها السبب , تعطيها مجال , انها تأثر على قرارك , وتعكيها مجال انها ممكن تغير رأيك .. وترى هذه طريقه علميه تربويه متبعه عند الغرب ,, وأنا اطبقها ..

.. يعني قولي قرارك , وأسكتي , لا تردي على اي كلمه تقولها بنتك من بعد قرارك , انتي قلتي قرارك , وبشكل مفهوم , خلاص ماله داعي كثر الكلام فيه .. والكلام بيكون بزياده ؟ ومكرر .. فليش نكرر الكلام .. ونزيد ونعيد فيه .. هذا يعطي فرصه لهم انهم يأثرون علينا , بكلامهم , ويعطيهم فكره ان ممكن اذا مارسوا الضغط بالكلام او البكاء ممكن نرضخ لهم ..

.. بعطيكي مثال .. بنتي تيجي الظهر لي وتقول لي : ماما أبغي ألعب بره بالحوش والمرجوحة .. انا بكل هدوء وحزم : الحين وقت الظهر والشمس تكون مرره حاره وتسبب وجع بالرأس وممكن تمرضي , العبي العصر ..

تقول : ماما أرجوكي , بس شوي دقيقه وأرجع .. أرجوكي ..

أنا هنا ابد ما أرد عليها , ولا كأني سمعتها .. أطنش ..

ترجع تقول : ماما أرجوكي ..

أنا أطنش واكمل الا كنت أسويه ..
ومنها ومن نفسها تروح .. وتفهم انها مهما قالت ارجوكي وبليز .. ماراح تحصل على نتيجه .. فلازم تسمع الكلام ولا تتعب نفسها تترجاني ..

.. وبكذا تكون كلمتي انا المسموعه .. مو كلمتها .. وتكون اطاعه كلامي .. وبدون ما تبكي ..

لكن لو أنا رديت عليها .. ورجعت كررت الكلام .. ممكن أصرخ عليها , وممكن يصير هواش بيني وبينها , وممكن تزعلني بكلمه ., وازعلها بكلمه ..

أما عن التلفاز .. حاولي تنظمي وقتهم ..مع بعض , وتنظميه بحيث انهم يكونوا متفقين .. يعني تسئلين البنت شنو تبغين تشوفين الساعه اربع العصر .. راح تقول مثلا رسوم كرتوني .. وينتهي الساعه خمسه وكمان بشاهد البرنامج الا بعده وبينتهي الساعه سته .. يعني هذه ساعتين بتكون البنت مشغوله بالتلفاز .. هنا الولد لازم يكون هو كمان مشغول .. اما باللعب مع اصحابه بالكوره مثلا . او باللعب على الكمبيوتر .. وبالعكس ..

.. ولازم تحني عليهم تعطفي عليهم .. وقت الا يكونوا جالسين فاضيين .. تاخذي البنت وتناديها , وتحضنيها وتمسحي على راسها وتبوسيها . وتقولي لها انها كبيره ومره حلوة , وانك تتاملي فيها كل خير . وانك تحبي يقولون عنك انك أم فلانه الشطوره المؤدبه .. تحبي تفتخري فيها وبدراستها وبأخلاقها الزينه ..

.. والولد كذلك لا تهمليه , اسمعي له كل قصصه , وحاوريه وناقشيه . وسولفي معاه . ومافي مانع تحضنيه , وتمسحي على راسه . وتقولي له انه هو أملك في الحياة , وأنك حابه تشوفي أبوه فيه , انه ابوه لو كان عايش كان بيفرح بنجاحه وحسن أخلاقه ..وبتربيته الزينه .. وفهميه الصح من الخطأ .. وكوني صديقته .. وأسئليه عن دراسته .. وكيف هي ؟ ومن أصحابه .. وأسئليه عن اصحابه . وشنو سووا اليوم ؟؟ وووو الخ

.. الله يعينك على تربيتهم .. وتفرحي فيهم لما يكبروا ويتخرجوا بنجاح , وتشوفي عيالهم يارب ..

جزاك الله خير واثلج الله صدرك كما اثلجت صدري بدعائك
الحمد لله كذا يعني انا مو غلطانه وطريقتي صح الله يصلحهم يااارب ويصلح عيال المسلمين جميعا