اقتباس:

المشاركة الأصلية كتبت بواسطة ام محمد 07 اختي الحبيبة، انا الحمد لله عندي اطفال، بس السؤال، هل معنى انو الرجال بجيب ولاد انو ما عندو مشكلة جنسية؟؟ قصدي انو هل ممكن يكون عندو شوية مشكلة وبنفس الوقت يخلف؟؟ ولا بتناقضو مع بعض؟؟؟ ما بعرف، وياريت اللي بعرف يجاوبني. شكرا الك اختي الحبيبة، وجعلها الله في ميزان حسناتك

ايوة ملهاش علاقة في كتير بيخلفوا عندهم مشاكل جنسية والعكس واحد معندوش اي مشكلة بس في نقص في الحيوانات او او او

بوصي يابنتي ماتزعليش من الاعضاء ، مافيش حد هنا عنده حل سحري لمشكلة جوزك

اذا انتي ولا مراته الاولانية مش عارفين الخلل فين ، خصوصا وان جوزك بس انسان مش سوي ومش مظبوط لازم له متخصص


انا بس ليا شوية ملاحظات ..

انتي اهلك ليه ساكتين مستنيينه يجيلهم ويهدي الموقف وبس ؟؟ يروحوله ويقفوا في وجهه وقفة رجالة .. او يوم ماتنضربي وتشتكي يسجلوا ده في قسم الشرطة .. على الاقل تقدري تطلبي الطلاق بعد كدا وتاخدي حقوقك بدل ماياكلها عليكي طالما انه خسيس كدا

كمان سؤال انتي لما كنتي بتروحي بيت اهلك .. كنتي بترجعيله على اي اساس وايه؟؟ كانت في شروط ؟؟؟ هل اشترطتي قبل كدا انه مقابل رجوعك يروح دكتور نفسي؟؟ ويجيبلك تقرير بحالته من الدكتور؟

لو عملتي كدا دلوقتي ولإنه متعود على مرواحك لأهلك ممكن مايروحش الا قبل سنة خصوصا وانه مش محتاجك جنسيا المهم انه يكون في ذرة حب عنده ليكي

بس المفروض انك هتضغطي انك ممكن تقولي للناس ان ده السبب في الطلاق وان عمر ماهيعرف يتجوز تاني وهتسوئي سمعته.. وان شارياه وعاوزة تتمتعي بالحلال .. وان ربنا مايرضاش بالظلم

وكلامك ده يكون قدام حكماء اهلك واهله والناس الكبيرة عشان مايتطاولش عليكي ويضربك ..

كمان حاولي تدوري على مواقع استشارات نفسية (طب نفسي ) وابعتي مشكلة جوزك بالتفصيل وشوفي هيقولوا ايه كمان مش موقع واحد لأ حاولي تبعتي لكذا موقع ..

أهم حاجة ماترضيش بالظلم وتكوني قوية مش هتقدري تهربي لأهلك الى مالا نهاية.. اهلك ماجوزكيش عشان تقعدي عندهم بعيالك !! ويصرفوا عليكي دي مش عيشة دي حاجة كدا بين البينين


واجهي مشاكلك وحليها للآخر .. ياتعيشي عيشة محترمة ، ياتطلقي وتاخدي كل حقوقك

اسعي اسعي