عضو الهيئة الطبيبة -طبيبة تشخيص مخبري
تاريخ التسجيل: Jan 2010
المشاركات: 621
السلام عليكم
أختي حسب تحاليلك ، بإذن الله مافي داعي للقلق
رح اشرحلك شوي مشان ارتفاع الصفيحات
في عندك أسباب أوليه خلينا نسميها مجهولة السبب هون نقي العظم بصنع كمية كبيرة من الصفيحات دون السلالات الأخرى و أعني بها سلالة الكريات البيض و الحمر -
"بكون تعداد الصفيحات بهي الحالة عالي أكتر من 800 ألف أو حتى بيوصل للمليون يعني أكتر من التعداد الي طالع عندك "
في أسباب تانية بتكون خطيرة في حالة CML و حالة Polycythemia vera
لكن أنا بحب طمنك أنو ما معك شي من هادا لأنو تعداد الكريات البيض و الحمر طبيعي و أيضا الهيماتوكريت و خضاب الدم كلو طبيعي و كل شي تمام
في عندك أيضاً من الأسباب الثانوية ، فقر الدم بعوز الحديد و هو من الأسباب الشائعة ،أيضا برتفع فيه تعداد الصفيحات
لكن في حالتك واضح انو خضاب الدم عندك جيد جدا و أيضا MCV طبيعي و هادا بستبعد هالاحتمال كمان (يعني عوز الحديد)
و من الحالات الي بزداد فيها عدد الصفيحات ، النزوف و وجود ورم و استئصال طحال .. الخ و هي كلها أسباب مستبعدة بحالتك
ضل في عنا احتمال واحد و هو وجود التهاب حاد أو حتى المزمن
الصفيحات تعتبر acute-phase reactants
لذلك يحفز ارتفاعها أي تفاعل التهابي بالجسم بسبب زيادة انتاج ال cytokines
بهيك حالة ببين من تحليل CRP اذا كان ايجابي اي مرتفع بأكد الحالة ...
و ممكن أي infection (خمج جرثومي) أيضاً يزيد التعداد
راجعي طبيبك بتوقع بيعطيكي Asprin يفيد في انقاص عدد الصفيحات
و عليكي العافية يا رب
و طمنينا شو بصير معك
19-03-2010, 04:42 AM
ضوابط المشاركة
العرض المتطور