الى متى هذا الاستهتار ..؟؟.(( التعليم الخاص)) حسبى الله ونعم الوكيل (( معاناه))

23-03-2010, 01:48 PM

#11

dant!L ~}

عضو مثالي

تاريخ التسجيل: Jun 2009

المشاركات: 1,237

طيب ماعليش !

بنوته انتي تشوفي ان 1300 قليله ! بس احنا البنات بأيش نحتاجها ؟! ماشاءالله عايشين بخير اهلنا والي يجينا يروح في اشياء عاديه وحتى لو ماشتغلنا مانعتبر انه محتاجين لشي !

يعني انتي لاتركزي على سالفة الراتب وهالأشياء !

صح انه نستحق رواتب احسن بس يضل هذا قطاع خاص ... مو حكومي

العائد المالي تبعهم جدا قليل .. لأنه انا اعرف كثير بالمدارس والتجاره عامه بسبب شغل الوالد

هو بعيد عن المدارس وقريب للمجال الطبي .. بس اعرف وش يعني تجاره وش تكلف بعد ..

ايجار مبنى .. شراء اثاث رواتب مواد غذائيه اوراق وكتب ................ الخ

انتي بنفسك قلتي ان الموضوع مكلف جدا .. لما قلت لك قدمي على بنك التسليف واشتغلي !

الواحد مايحس بغيره لين هو يحط نفسه بمكانهم .. وانتي شفتي

راتب 1500 بالذات اذا كانت المدرسه مبتدأه اشوف انه منصف لك ولهم .. لأن انتي عارفه انك ماراح تجلسي فيها لطول عمرك هو مجرد سد حاجه وخبره ...

وغالبا هالتجاره التزاماتها وديونها كثيره جدااااااااااااااااااااااااااااااا جدا فوق ماتتصورين .. بحكم شغلي لفتره مع الوالد .. عرفت وش كثر يعاني .. وش كثر الديون والمستلزمات الي عليه .. واذا تأخر الراتب شوي عالموظفين انا اكون قريبه منهم وافهمهم الوضع .. لازم اذا الشخص كان بمنشأه ويشتغل فيها انه يكون عنده اطلاع بالوضع المالي للمنشأه حتى على الأقل يراعي شوي .. وايضا صاحب العمل ماراح يهضم حقه ..

بس على اي حال مو اي مكان نتساهل معاه وكل شي يكون بعقل ونكون مطلعين على دعم وزارة العمل للموظف ونعرف وش الي معانا وش الي ضدنا ..

بالنسبه للتأمينات هي لك اولا واخيرا .. يعني هم بامكانهم يلغون التأمينات بس هي حفاظ لمستقبلك ولحساب خبرتك .. يعني اشطبي فكرة التأـمينات من راسك وانها تنقص الراتب لأن بالنهايه الفلوس راح ترجع لك
ثانيا هي وجدت عشان سنوات خبرتك ماتضيع عليك ويحتسب لك كل شي وباليوم والدقيقه ..

انا راح اقولك طريقتي لما كنت اشتغل .. كنت اخذ الراتب على اني والله مااحتاجه بس لسببين :

1/ ادخل فيه دورات ... دورات تدعم تخصصي .. وان شاءالله اوريك السي في حقي يعني الراتب استفدت منه كثير على انه مايسوى .. بس الدورات دعمتني كثيرررررررر

2 / استفدت من الشغل الخبره .. وحاطه ببالي حتى لو توظفت براتب 1000 بعد .. استفيد من هالشيئن خبره ودورات
غير اني اتعلم واقضي وقت كويس ..

ليش احنا نبغى من يوم مانتوظف نصير بالـ top .. مكتب وغرفه مكيفه ورجل على رجل !!!!!!!!!!

يعني لازم نتعب ونشقى .. كل شي ببدايته متعب بس بالنهايه راح نحصد هالتعب بخير وبشي مفيد ..~

انتي اكيد سمعتي او قريتي عن قصص اجدادنا او ناس مانعرفهم كيف بدوووا من الصفر .. لحد ماصاروا من اكبر التجار او في اعلى المناصب ؟!

كيف جابوها !

على بالك من اول ماتوظف مسك منصب ! اكيـد لااااااااا ..

بعضهم كان حم،ـال يدرس ويشتغل وبعضهم .. كان اول ماشتغل بريسبشن فندق او مقر حكومي وراتبه يااااااادوب ..

يعني كل شي ببدايته صعبه .. الي قاعده تسـويه .. احسه استنزاف لأيجابيتك ..

صارت نظرتك سودا .. وكل شي بنظرك صار مو بمصلحتك .. مع انه اعرف بنات كثير بمدارس اهليه اول مابدوا نفس حالتك واكبر دليل انك انتي الوحيده الي استمريتي بهالمكان مع انه غيرك كان يجي ويروح ومايكمل ..!

البنات الي اعرفهم الآن وحده منهم مسكت ادارة مدرسه اهليه معروفه بمكه ...

وبعد فيه انسانه ثانيه قعدت 7 سنوات بمدرسة اهليه صح كثيرررررر بس بالنهايه ربي عوض صبرها خير واتعينت بوظيفه حكوميه عن طريق الديوان

بسبب خبرتها .. صدقيني لو هي جالسه تتحلطم وماتحملت الضغط كان ماتوظفت لأن ماعندها ولا شي يخليها تدخل للمفاضله في الديوان .. بس بسبب هالـ 7 سنوات اتوظفت طبعا بعد الله عزوجل ...

وبعدين ليش احنا نلوم الدوله !! وغيرها ..

هالشي بيدنا احنا .. بالعكس انا اشوف انه احنا احسن من غيرنا .. بكثير ...

وماعليه يعني .. رد على ناني ..

ناني ياقلبي .. عندنا كل شي .. عندنا مجلس الشورى وعند وزارة العمل .. وعندنا ديوان المظالم .. وعندنا امارات المنطقه وحقوق الأنسان وكل شي

بس العيب فينا .. مانشتكي .. وكل لسان حالنا نقول .. يالله ربي يحاسبهم .. ومافيني اجراءات حكوميه
ومافيني اقوم واسـوي ..

وفينا عيب ياقلبي تعودنا على الرفاهيه .. نبي حتى اذا توظفنا نتوظف بأحسن وظيفه حكوميه واذا ماجاتنا نزعل ونعيب بالقاصي والداني ..

طيب بالذات بهالزمن وهالوقت صار تنافس بكل شي

صار البكالوريوس شي عاااااااااااادي جدا والشغل صدق على الدراسات العليا ...

عشان كذا اذا شخص منا يبي وظيفه .. لازم يدخل المنافسه ويعرف انه راح يشوف ناس اعلى منه مراتب .. فا من هالمنطلق لازم يشتغل على نفسه .. ويجتهد .. عشان يتوقع من الدوله انها توفر له وظيفه ..

الدوله مو ملزومه توفر للعاطل راتب ! ليش بأي حق !

مع انه مجلس الشورى قاعد يدرس هالأقتراح .. وفيه كثير ضده ..

والسبب ان عيالنا من غير رواتب اصلا مافيهم مسؤليه مو عاد اذا انصرف له راتب ؟!

على شنو راتب !! على بلادته !

دولتنا فيها الخير كفت ووفت من كل الجوانب

بس يجب على اي انسـان انه يبذل جهد في حياته ولايتوقع ان كل شي راح يجيه على طبق من ذهب ..

::

عندي كلام كثير ومحتاسه .. قاعده اجهز الشنطه مسافرين للمدينـه ..

غرت منك يابنوته هههههههههههههههه

يالله فمان الله ~

::

__________________
{ احبــــ

ـــكم بلا استثنـاء ~

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه