اختي ما تستغربي في ناس كتير بيحكو متل زوجك، زوجي واهلي وكتير ناس بعرفهم، انتي غيري حياتك للافضل بمساعدة المنتدى ونصائحو من غير ما تحكيلو عن المنتدى، انا هيك بعمل، الشي اللي ما بحبو ما تعانديه فيه، وعموما انا بمتل هالحالة بحكي انو احنا بنقرا وبنتنور ومو شرط ناخد بالاراء اللي بنحس انها بعيدة عن قناعاتنا، و بالنهاية لازم الانسان يسمع من الجميع، بس في ناس في مجتمعنا متل النعامة، بحطو راسهم بالتراب، وما بحبو يسمعو الا اللي على كيفهم. هل حدا بضرب التاني على ايدو عشان يصدق كلامو؟؟ لا ابدا، بس الانسان بكون بحاجة لحدا يلجألو ويساعدو، ولو مشينا مع كلام هالناس وافترضنا جدلا انو هالمنتدى مافي اي فائدة منو الا انو نلاقي حدا يسمعلنا ونفضفضلو لكان كافي بل كافي جدا، فما بالك بمن يساعد بالتفسير واعطاء الحلول...

والانسان لوحدو مش اشطر ولا اذكى واحد بالعالم، غيرنا بعلمنا، واحنا بنعلم غيرنا وهكذا.

ديري بالك عزوجك، هو لازم يكون اهم شي.

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..