الحياة بدون صداقات بالنسبه لي لا تطاق وما الوم الاخت تدور صداقات..
بس استغرب انك تخرجتي من الجامعه وماعندك صديقات من ايام الدراسه حاولي تتواصلين معهم شوفي وين صارو انا للحين لي علاقه بصديقات الجامعه وبصديقات الثنوي تخيلي..
وبعدين الاخوات اللي قالو فتحت بيتي وغدرت فيني وماعرف ايش وقررو ماعاد يصادقون ابد اقول الخلل عندكم انتم ليه تفتحين بيتك لوحده مابعد عرفتيها زين ليه الطيبه الزايده؟ انا صادقت كثير كثير وكلهم احط بيني وبينهم خطوط حمرا لين اثق فيها والحين اللي متعدين الخطوط وافتح لهم قلبي ثنتين الله لا يحرمني منهم بس مب من هب ودب افتح له قلبي وبيتي وفيه وحده تعرضت للغدر منها وثقت فيها وفتحت لها بيتي زي ماقلتو وغدرت فيني وتكلمت فيني كلام كثير ولكني قاطعتها وماخليتها تسبب لي عقدة بحياتي ولا خلتني اقطع صداقاتي فهي في نظري احقر من انها تخليني انصدم واعيش لحالي..
بالنسبه لك عزيزتي امامك حلين اما تكملين دراستك ولا تشتغلين هذي الوسيلتين الوحيدتين للتعرف على صديقات تخطر ببالي.. اعرف وحده كانت طفشانه ودخلت دورة برمجة لغوية عصبيه واخر يوم قالت بنسوي احتفال بنهاية الدورة ببيتي وعزمتهم كلهم وسوت لهم عشا محترم بعد فترة كلموها بنتين من المجموعه كانو مسوين حفلة وحابين يردون لها العزيمة ومن يومها وهم صديقات..
__________________
02-04-2010, 10:57 AM
ضوابط المشاركة
العرض الشجري