اهلين يا حور، الحمد لله عالسلامة، امبارح بعتلك سلام في احد المشاركات، اشتقنالك.
والله ياحور خليني ابدا من الاخر:
انتي بتدبحيني احيانا بطريقة تعبيرك، يعني صورتيلي وضعو لما تخيلتيه بطريقة خليتيني انا اتضايق منو، بترجاكي انك ما تصعبي الحياه عحالك اكتر مما هي صعبه، يعني بتزيدي فوق الهم كمان هم؟!! حور واضح انو زوجك شخص منفتح بطريقة غريبة، والقيود عندو مش كتيره ، وسلس زيادة عن اللزوم سواء معك او في تصرفاتو، كل هاد بكفي وما بحتاج لانك تضيفي عليه خيالات بتدبح وبتقتل الزوجة في الصميم، وبعدين في شغلة، الرسول صلى الله عليه وسلم حكى بما معنى الحديث انو اللي بشوف امراة مغرية في الشارع فليأت اهله، فكيف وهو ما بغض بصر وبتيجيه ايميلات غير شكل!!!!
يمكن يكون اللي بتحكيه في شوية منطق وممكن يكون وارد، بس شو بتأدري تعملي؟؟
لازم هو ما يطلق العنان لنفسو في رؤية المغريات، ويا حبيبتي هالشي بعتمد عليكي وبدو منك جهد بعدة طرق: ذكريه بالله والاخرة، وانو العين تزني وزناها النظر، واحكيلو لو بتبدلو الاماكن، هل هو بقبل انك تشوفي غيرو؟ وهيك استمري وطولي بالك لحد انو الله يهديه.
اما بالنسبة للايميل، كتير رجال ببعتولهم صحابهم، والله يا حور صاحبو ما غصبو يشوف الايميل بس هو ما عندو ضوابط بالنسبة لهالشي، الخوف من هالصور والمواقع وهالشغلات انهم بخلو الرجال اذا في عندو ضعف وازع يطلع لبره وبتفتح عيونو عنساء غير زوجتو، حاولي تسكري هالباب الله يخليكي.
اما بالنسبة لانو بحكيلك دخني، فانا بفسرها بانو منفتح كتير زي ما حكيتلك لدرجة بتوصلك شعور انو ما بغار عليكي، بس هي مش هيك، المسالة لا تعدو كونو كتير فري، اكتر من اللزوم.
بس في شغلة ما انتبهتيلها انتي وما تزعلي مني لاني بدي مصلحتك، انتي ما بتقدري تصلحي حدا الا اذا بلشتي بحالك، اذا هو شوي بطلق بصرو، انتي بتدخني، فهو لما تيجي انتي تحكيلو من منطلق الدين، هو بحكي لحالو: ( يعني هي ماسكة جزئية الدين بس في موضوع غض بصر، الدين بمنع التدخين كمان)، والله يا حبيبتي لازم يشوفك صح 100% عشان تؤثري عليه بالدرجة المطلوبه.
انا ما بحكي انو التدخين نفس درجة النظر للمحرمات، لا، ولكنو غلط يا حبيبتي وانتي بتعرفي.
ديري بالك عصحتك، وما تقهري حالك اكتر، وما تحملي حالك اكتر من طاقتك، لانك هيك بتستهلكي عمرك وشبابك وطاقتك بالقهر والهم.
قربي من ربنا سبحانه وتعالى ورح يكون جنبك.

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..