حتى بالسيارة ماتمالك نفسي واحيانا اجلس ابوس يده وان مامسك يدي احس اني يتمية بدونها

حور انتي بتحكي عن جد ولا بتمزحي؟؟!!!!!!
لا يا حبيبتي انتي اكيد بتبالغي، مش لهالدرجة يا حبيبتي، شو اللي بتحكيه!!!!! لا مش معقول.
يا حبيبتي انا ما حكيتلك ما تحبي زوجك بس هاد اسمو...... والله ما عارفة شو اسميه، بس هو كتير متملكك، وزي ما حكيتلك من قبل انو الزوج بخاف من حب كبير هلأد، وما بعرف كيف يكافؤه، لانو ببساطة مش كتير الناس اللي بقدرو يعبرو عن حبهم بهالطريقة، هاد اذا ما كانو قليلين كتير.
والرجل اذا كان شايف زوجتو بتموت فيه هلأد بوصل لقناعة انو لو شو ما اعمل معها او شو ما قصرت ما رح تتركني، ممكن تزعل بس رح ترضى حتى لو ما صالحتها، يعني باختصار بحطها بجيبتو الصغيرة..
بس السؤال اللي كان لازم اسألك اياه قبل ما اخكيلك كل الكلام اللي مرأ هو: هل هو بعبرلك عن حبو لإلك بهالطريقة؟؟؟
يعني هل انتي هيك بتعملي معو بكل هالافراط لانو هيك بعمل معك؟؟
اذا جوابك نعم، ما في مشكلة، بس اذا لا، ساعتها بحكيلك يا حور اتزني شوي يا حبيبتي، وما تكوني عبء عليه، لانو الزوج بعتبر هالشغلات اعباء الا اذا كان مفرط جدا بالرومانسية.
اشغليلو بالو بتغيير اسلوبك وتخفيف ولهك فيه، خليه هو اللي يتلهف عليكي، احوجيه انو هو يعبرلك عن حبو، وابدا ما بقصد انك ما توريه حبك، لا بالعكس، بس ما في احلى من الوسطيه، وما تخليه دايما يتوقع شو بدك تعملي، فاجئيه.
بدي احكيلك كمان انك لازم تكوني عحريتك في بيتك، الرجال بحب التلقائية، مو معناتو البهدلة، لا بس لازم يحس انو انتي إلك عالمك الخاص بمعزل عنو.
رجاء ياحور، خليه هو يشتقلك، لازم بعد كل اللي حكيتيلنا اياه تخليه يحس انو هو محتجلك شوي، ان شا الله ربع احتياجك الو، يعني باختصار خليكي دايما هدفو اللي بطمح يوصلو وبتعب لينولو .

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..