أختي

لا تقولي له سافر لوحدك ، سافري معاه و انبسطي معاه


على فكرة ، أنا أول ما تغربت و جيت على هنا ، كنت مثلك و ماكانت أصلا عندي لغة و لا حتى زوجي

يعني إنت أفضل مني ماشاء الله

و أخدنا على راسنا كثييييير و تعلمنا ههههه

فشئ طبيعي ، لا تشيلي هم و دحين صرت عن مية رجال




أنا بأعطيك طريقة ممكن تفيدك .. لو كنت مكانك ؟

1 - استخيري

2 - قبل لا تسافروا ، حددي كم يوم راح تجلسوا ، و كم المبلغ اللي معاكم ، و كم عدد الأشخاص

3 - إيش الهدف من السفر ؟؟؟؟
واضح إنه السفر للسياحة

4 - لا تسافروا كذا من غير أي خلفية أو معلومة تاخدوها عن الدولة أو المدينة ،، علشان كذا إيش راح تعملي ؟؟؟؟
دحين أقول لك

------------------------------------------------------------------------

بعد ما تجهزي الأشياء السابقة ، نجي للتخطيط :

- تبغوا ترووحوا ماليزيا ، و فرضا نقول 10 أيام .. و مالكم وجهة محددة ..
- طيب ، ادخلي على النت و أقري عن المدن ،، لقيتي مدينة كويسة تنفع للسياحة و أهم شئ (آآآآآآآآآآمنة)
خلاص ، جيبي ورقة و قلم و رتبي النقاط التانية ..
- الفترة اللي راح تجلسوا فيها ، كيف الجو بيكون وقتها ؟ شتاء ؟ صيف ؟ مطر ؟ إلخ ؟؟؟؟
علشان تحسبوا حساب للأمور الغير متوقعة
- بعد كذا ، غيش وسيلة التنقل اللي راح تستخدموها هناك ؟؟؟؟؟
تاكسي ؟ باص ؟ قطار ... إلخ
هل هناك إمكانية إنكم تستأجروا سيارة بنفسكم و لا إيش الأفضل ؟؟؟؟
أبحثي في النت و الأخوان اللي سافروا هناك يفيدوك
- بعد كذا ، الأكل و الشرب ،، لازم تاخدوا معكم معلبات زي تونة و جبن ،، احتياط بس أهم شئ ماتكون ممنوعة
في الدولة اللي راح تسافري لها ، زي بريطانيا ممنوع تجيبي جبن معاك ؟؟ متخلفين بجد ؟؟؟
- طيب ، فين راح تكون إقامتكم ؟؟؟؟؟؟
فندق ؟ فين ؟ كم يوم ؟ كم غرفة ؟؟؟؟؟؟؟

هذه كلها تضبطوها قبل لا تسافروا ،، علشان تكونوا مرتبين نفسكم

و لا تكثرووووووووووووووا من الملابس

و لا تنسي تجهزي ليالي حلوة لزوجك ، علشان يكرر السفر مرة ثانية معاك