المشاركة الأصلية كتبت بواسطة صمت الحنان

والله انا لي ثمان سنين متزوجه وزوجي مفتون سياحه مو مقصر معي ولله الحمد لكن انا مثل زوجتك من اول سنة زواجنا لما قال بيسافر مع ربعه زعلت وبكيت اولا لاني ما اطيق فراقه ثانيا لاني اخاف عليه من الفتن لكن بالرغم من انه يحبني لكن ولا مره عطاني وجه ولا استجاب لي ودايم يقول الطير مايحب ينحبس يسافر وانا مش راضيه ودايم ازعل وارجع ارضى بعد مايعود بالسلامه طبعا هو ملتزم ويخاف الله وانا واثقه فيه لكن مع الايام عرفت ان الر جال فعلا ماينحبس وانه يحتاج لتغير الجو والسفر بدون عياله لانه طول السنه مسؤليه وعمل وضغط نفسي فا وين المشكله في انه يروح ينفس عن نفسه لوحده بدون مسؤليات لكن هل زوجتك طبعها مثل طبعي يعني ممكن ترضى مع الزمن وتلين ولو سافرت انت وهي مش راضيه لوين ممكن يوصل حجم الزعل عندها اخاف انها من النوع اللي ممكن يكبرها ويخليه مشكله كبيره بالمره ولا الصدق مافي احلى من ان الرجال يسافر والمره تروح عند اهلها هي تنبسط بهم وهو ينبسط مع ربعه لكن احرص انها تكون راضيه لان زوجي مايسافر الا لما يسمع كلمة الرضا مع انه يدري انها من ورى قلبي ويعرف اني بصراحه ماني راضيه لكن عندي مبدأ انه مافي شي بالغصب وانه اذا ماسافر بيظل متنكد وضايق صدره وفي هالحاله انا وش بستفيد اسفه طولت عليك