الاخت العزيزة قلب الماما ... انتي مو فاهمتني
أنا قصدي إني أحب الحياة الاجتماعية والحياة الاسرية، أحب الجمعات الأسرية، أستانس على زيارات الأهل والغدا عندهم أو عندنا .. بس اليوم بعد كل هالمشادات اللي صارت بينها وبين أهلي، قاعد أفكر اشلون بتكون العلاقات بينهم وبين أهلي وأهلها، وحتى بيني وبين أهلها. كل شي تدمر بعد اللي صار ...

انا ادري زوجتي ما راح تقل أدبها عليهم، بس ما راح يكون تعاملها معاهم مثل الأول. زين ، اشلون بنعيش على هالحال. مو يكون الأفضل لنا الطلاق، وبعدين إذا تزوجت وحدة ثانية بالمستقبل أكون حريص إن هالأمور ما تصير عشان أحافظ على العلاقة الطيبة اللي بينها وبين أهلي؟؟؟؟

وعندي إحساس إني ما راح أقدر أسامحها بحياتي ... فيا ترى الإحساس هذا متى يزول؟؟؟ وهل إذا طلقت ممكن يزول وأندم على قراري ؟؟؟؟

الله يخليكم إللي مجرب وصايرله أو يعرف أحد صايرله مثل موضوعي .. رجاء أيضا المشاركة