كل مشاكلكم من المؤثرات الخارجية
فإذا رجعتوا على خير حلوا مشاكلكم بأنفسكم أتذكر ابوي بيوم زواجي قال لنا صرتوا لبعض فحياتكم ومشاكلكم لاتطلع برا البيت وللآن ماشين على هالوصية لأن المشاكل إذا طلعت برا تكبر ويصعب حلها غير انه بيفرح بعض الناس اللي يكرهونكم ويتشمتون فيكم أمك على عينك وراسك بر فيها وخلك حولها ووسع صدرها بس لاتخلط الحقوق أمك لها حق منفصل تماما عن حق زوجتك وأعطي كل ذي حق حقه ولاتدخل أمك بحياتكم مالها مصلحة غير انها تكره زوجتك ويضيق صدرها وممكن بعض الأمهات تغار فتزيد على النار حطب ولاتبينون قدامها ولا قدام غيرها سعادتكم لأنها ممكن تغار وتخاف تاخذ قلبك والشيء كثير يصير فتصير مشاكل أما مال زوجتك فهو بكامله من حقها وعليه مصروف منك للبسها وتوفير الأكل والسكن هذا حقها الشرعي مايجوز لك بأي حال من الأحوال تبخسها هالحق الا بنفس طيبة والزوجة ماتحس برجولة اللي قدامها الا بكرمة وحسن تعامله بس لصار يحاسبها ع الفتفوته ماراح تعطيه بنفس حلوة أنصحك وبقوة بقراءة كتاب ((لماذا يتصادم المريخ والزهرة))بتعرف من خلاله سبب عصبية زوجتك أرجعوا لبعض الأيام تمشي والحياة قصيرة وباين ان الحب اللي بينكم أكبر من كل المشاكل اللي صارت واللي سببها الأول تدخل الأهل من الطرفين وانت ليش تفكر بوحدة تتلافى معها الأخطاء اللي صارت وش ذنب زوجتك هذي حتى تكون حقل تجارب لك وبروفة لحياة مستقبيلة هي وافقت عليك انت واختارتك انت لاجل تسعدها وتسعدك وتعيشون أحلا حياة ولو كانت عارفة انك بيوم بتفكر هالتفكير مستحيل تقبل بك.. وهالشيء أكيد أنت ماترضاه لاختك ولا بنتك أبعدوا عنكم الشيطان اللي جالس يطبل لكم ويكبرها بروسكم.. وماراح تعض أصابع الندم الا لما تحقق هدف أبليس وتنفصلون ساعتها بيخرب عليك حياتك بالوساويس والندم اللي ماراح يفيد.. وعلى فكرة مو من واجبات زوجتك إكرام أهلك حقها لحدك انت وبس فلا تطالبها بشيء زيادة لو سوتها خير على خير والا كيفها انت اللي عليك تكرمهم بحق صلة الرحم بس أكرر لاتخلط الحقوق ولا تحمل الحقوق اللي عليك على زوجتك.. وخل حياتكم كلها حدودها سور البيت ليش حتى الأمور المادية أهلك على إطلاع عليها أتذكر مرة أهل زوجي سألوا زوجي عن حياتنا المادية بحكم اني موظفة وراتبي أكثر منه قالهم بتصرفون علينا لو احتجنا؟! وسكتهم عودهم مايقتحمون حياتكم أول شيء ممكن يزعلون بس بعدين بيحترمون هالشيء عندكم الله يصلح مابينكم يارب |
الأخوة الأعزاء والأعضاء الكرام ... كانت لي مشاركة في هذا القسم أحكي فيه موضوعي ولكن مشاركتي اختفت، المهم أن زوجتي وأنا أخيرا سنحت لنا الفرصة للحديث للاتفاق على حل لمشكلة انفصالنا المؤقت والتي دامت 3 أشهر. زوجتي صارحتني أنها تحبني ولازالت راغبة في حياتها معي وباقية على حياتنا الزوجية، ولكنها أملت علي بعض الشروط للعودة إلي، أو أن يكون الانفصال هو الحل، لأن من وجهة نظرها أن المشاكل يجب أن تحل من الجذور حتى يتم تفاديها في المستقبل. في الواقع أنا مليت من المشالك وتجربة الانفصال هذي بالنسبة لي كانت صدمة عنيفة، وصراحة قاعد أفكر بالطلاق. ولكن في سؤال يدور ببالي ... هل من المحتمل أن أندم في يوم من الأيام على طلاقها؟ خاصة إن كنت مازلت أكن لها بعض المشاعر والحب؟؟ السادة الأعضاء الذين مروا بهذه التجربة (أي طلق زوجتهم بسبب المشاكل على الرغم من وجود الحب بينهم) .. هل ندموا على ذلك في يوم من الأيام؟ أرجو مشاركتكم الكريمة. |
حاس كرامتي ما تسمحلي لا أروح بيت عمي وأحس رجولتي بتندثر !!!!! |
وأوجه أيضا هذا التعليق إلى جميع من انتقدوا موضوع الصرف، طيب ما كل الزوجات الوفيات يساعدن ازواجهم في المصروف، ناسيين إن الحياة صعبة !!! يعني هي تدخر من مالها وما تصرف وانا اصرف كل شي وما أدخر ؟؟؟؟؟ |
بصراحة انا فعلا فكرت أبدي من أول وجديد مع زوجة ثانية وأهم شي أخليها تحط في بالها إن أهلي أهم شي عندي وتكون عارفة طباعي من الأول لأن اللي أوله شرط أخره نور، وهذا الشي اللي انا ما سويته مع زوجتي، فانصدمت إنها مختلفة عني .. يعني أنا أحب زيارات الأهل ونومتهم عندي وهي ما تحب، أنا أحب الزوجة المتعاونة اللي تشارك زوجها وتحسسه إنها جنبه وهي ما تحب هالشي وتعصب لما أقولها تحملي جزء من المصروف والظاهر ان الأخوة الأعضاء بعد معارضين معاها، وبعدين هي ما تعرف تطبخ عدل وأنا أحب الزوجة الشاطرة بالمطبخ ... والأكثر والأكثر إنها شديدة العصبية، وبالرغم من إنها تقول إنها تغيرت وعصبيتها قلت شوي، بس بو طبيع ما يغير طبعه، وبتظل هالعادة فيها طول العمر حتى لو قلت شوي. |
مواقع النشر |
![]() |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|