كل مشاكلكم من المؤثرات الخارجية
فإذا رجعتوا على خير حلوا مشاكلكم بأنفسكم
أتذكر ابوي بيوم زواجي قال لنا صرتوا لبعض فحياتكم ومشاكلكم لاتطلع برا البيت
وللآن ماشين على هالوصية
لأن المشاكل إذا طلعت برا تكبر ويصعب حلها
غير انه بيفرح بعض الناس اللي يكرهونكم ويتشمتون فيكم

أمك على عينك وراسك
بر فيها وخلك حولها ووسع صدرها بس لاتخلط الحقوق
أمك لها حق منفصل تماما عن حق زوجتك وأعطي كل ذي حق حقه
ولاتدخل أمك بحياتكم مالها مصلحة غير انها تكره زوجتك ويضيق صدرها
وممكن بعض الأمهات تغار فتزيد على النار حطب
ولاتبينون قدامها ولا قدام غيرها سعادتكم لأنها ممكن تغار وتخاف تاخذ قلبك والشيء كثير يصير فتصير مشاكل

أما مال زوجتك
فهو بكامله من حقها وعليه مصروف منك للبسها وتوفير الأكل والسكن
هذا حقها الشرعي
مايجوز لك بأي حال من الأحوال تبخسها هالحق الا بنفس طيبة
والزوجة ماتحس برجولة اللي قدامها الا بكرمة وحسن تعامله
بس لصار يحاسبها ع الفتفوته ماراح تعطيه بنفس حلوة
أنصحك وبقوة بقراءة كتاب ((لماذا يتصادم المريخ والزهرة))بتعرف من خلاله سبب عصبية زوجتك

أرجعوا لبعض الأيام تمشي والحياة قصيرة وباين ان الحب اللي بينكم أكبر من كل المشاكل اللي صارت واللي سببها الأول تدخل الأهل من الطرفين

وانت ليش تفكر بوحدة تتلافى معها الأخطاء اللي صارت وش ذنب زوجتك هذي حتى تكون حقل تجارب لك وبروفة لحياة مستقبيلة
هي وافقت عليك انت واختارتك انت لاجل تسعدها وتسعدك وتعيشون أحلا حياة ولو كانت عارفة انك بيوم بتفكر هالتفكير مستحيل تقبل بك..
وهالشيء أكيد أنت ماترضاه لاختك ولا بنتك

أبعدوا عنكم الشيطان اللي جالس يطبل لكم ويكبرها بروسكم.. وماراح تعض أصابع الندم الا لما تحقق هدف أبليس وتنفصلون ساعتها بيخرب عليك حياتك بالوساويس والندم اللي ماراح يفيد..

وعلى فكرة مو من واجبات زوجتك إكرام أهلك
حقها لحدك انت وبس فلا تطالبها بشيء زيادة لو سوتها خير على خير والا كيفها
انت اللي عليك تكرمهم بحق صلة الرحم
بس أكرر لاتخلط الحقوق ولا تحمل الحقوق اللي عليك على زوجتك..

وخل حياتكم كلها حدودها سور البيت
ليش حتى الأمور المادية أهلك على إطلاع عليها
أتذكر مرة أهل زوجي سألوا زوجي عن حياتنا المادية بحكم اني موظفة وراتبي أكثر منه
قالهم بتصرفون علينا لو احتجنا؟!
وسكتهم
عودهم مايقتحمون حياتكم أول شيء ممكن يزعلون بس بعدين بيحترمون هالشيء عندكم

الله يصلح مابينكم يارب