مرحبا حبيبتي الله يعينك ان شا الله
بس عمر الام ماتكره ضناها لوايش ما كان السبب
انا ام واعرف ولا فيه شي اسمه تفرقه بس انتي الله يصلحك
تدخلين لها با الشي الي هي ماتحب احديتكلم فيه
واذا ابوك داري عن الي هي تسويه خلاص هو يحاسبها
يا حبيبتي ابتعدي عن المشاكل مع امك حاول تصيرين مثل خواتك خلاص بكيفها
استخدمي اسلوب التغير هذا وشوفي ردت فعلها ........
الله يعينك ويبرد على قلبك يااارب ....ويهدي الجميع

وعليكم السلام ورحمة الله


أختي الكريمة

صراحة ما فهمت ماذا فعلت أمك ؟!!! ولا يحتاج اننا نعرف !!!

لكن ردة فعل أمك متوقـعـة وطريقة تعاملها معك بالتحديد ليست غريبة ، خاصة أنك أنت من وقف بوجهها وهي ما زالت تذكر هذه المواجهة والتحدي!!! وعلى أساس ذلك تعاملك بهذه الطريقة....

لذلك لعل أبسط طريقة أنك تجلسي معها على انفراد وتقولي لها اللي بخاطرك وخاصة الكلمات والالقاب التي أطلقتها عليك ، وقولي يا أمي أنت ما تعتقدين في أني ضعيفة شخصية،... إلخ

لأنك تعرفين بقرارة نفسك أنك ما قلت هذا الكلام إلا أني يوم من الأيام واجهتك وهذا دليل على قوة شخصيتي ، وأني ما أسكت عن الحق ومع ذلك أنت
تظلين أمي وبرك واجب وحق عليه وأنا أحبك وأعتز فيك وأنا مهما


وإن كان واجهتك بقوة فأنا اكتسبت منك أجمل الصفات قوة الشخصية والإعتماد وإلا تبغيني أعيش ضعيفة !!!
و لا أظنك بتعامليني معاملة الند للند لأني أمي وأنا بنتك .....!! والعلاقة بينما أكبر من الندية !!!!


ومن هالكلام ....


وعليك ببرها والصبر على كل ما تواجهيه من جهتها






والله يوفقك ويحفظ لك امك ويصلحها





عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

يعني بدفع ثمن الشي اللي سويته لمصلحتنا كلنا , طووول عمري

وصعب جداً اطبق الكلام اللي قلته
أنا و أمي مافي بينا لغه حوار أبد
تدري لو أسوي كذا ,, يمكن تضحك علي !!

ولما اكون زعلانه مرررره ومنهاره ,, ونتكلم بالموضوع
تنكر كل شي قالته لي ومرات تقول انتي مريضه وتفسرين كل شي على مزاجك

من جد شي يقهرررر =(

ومواجهتي لها ماتعتبرها قوه مني أبد
كانت تعتبرها مرض نفسي عشان تطلع هي الصح
و اذا كان بشخصيتي ضعف فهو منها
يعني مثلاً الخجل والطيبه الزايده واشياء كثيره ممكن ماتدل على الضعف
بس بعيون أمي ضعف =(
يعني خواتي اللي اجرأ مني ,, أقرب منها لأنهم يشبهونها



وآمين ,, الله يسمع منك
شكراً على ردك

مافيه أم تكره ضناها !! أسمعها كثير
بس وش أسوي لو اني اشوف العكس من أمي ومو مجرد كلام
حتى بتعاملها احيان معي =(
والتفرقه موجوده ,, يمكن الشي هذا ماتملكه بيدها وغصب عنها تفرق

وياعمري والله ماكنت اتدخل الا من خوفي عليها وخوفي ان الموضوع يتطور
ومن خوفي على هالبيت يتدمر عشان سبب تافهه
وأنا مستحيييل اشوف الخطأ قدامي واسكت
يعني عشانها أمي ,, اخليها على هالحال واتفرج !!
خصوصاً ان ابوي ماكان يدري
الحين تغيير الوضع الحمدلله ,, ومن فتره طويله =)

اللي يضايقني ان الشي هذا لحد الأن مأثر على تعاملها معي
ومأثر على شخصيتي كثيييييييييييييير

آمييين ,, والله يجزاك خير