المشاركة الأصلية كتبت بواسطة في الاتحاد قوة

الإخت همس 2009 ... هي صج ما خانتني ،، بس جرحت في أهلي أمامي. يوم أهلي جوا يتناقشون في موضوع الخلع وتنازلنا عن الأثاث لها، ما رضوا وأصروا على المؤخر، أمي ما قالت غير كلمة واحدة: خلاص نبي الصلح وراح نصلح الأوضاع. راحت زوجتي جنت ومسحت فينا الأرض ويا حرامية ويا أكالين الحقوق وتبون ترجعوني عشان المؤخر وانت اللي تبي تطلق ومادري شنو ومسحت فييييينا الأرض.

صج غيرنا مفتاح الشقة، بس هذا لأنها كانت قادة تاخذ كل ملابسها وأغراضها .. خفنا تاخذ أشياء ثانية ما تخصها. وحتى لو كانت الوالدة سوت جذي وما رضت تعطيها أغراضها .. عيب تقل أدبها على أمي .. إنت ما شفتي اشلون بهذلتنا وصرخت علينا وأهانت أمي وأخوي وأختي وأهانتني أنا شخصيا. أكيد كان في حل ثاني غير هذا ممكن تسويه !!!!

وهي أصلا أصلا أصلا ما تحب أهلي ,, ولا تطيق لا إختي ولا أمي (بسبب مشادات صارت قبل وبعد الزواج) .. بس اشلون في رجل يكمل حياته مع وحدة ما تحب أهله. يعني إذا زارتهم أو زارونا تؤدي الواجب وخلاص. غير جذي لا تواصلهم ولا تتصل فيهم ولاتزورهم بروحها ولا تسمح يجون البيت وأنا مو موجود. يعني هي وحدة ما عرفت الأصوووول

كل هذا خلاني أتخذ هالموقف الصارم تجاهها: إن ترجعلي البيت وأي كلمة أقولها تمشي سواء أهلي ينامون ما ينامون يدشون الغرف ما يدشون .. الكلمة الأولى والأخيرة ترجع لي أنا.

أنا كل اللي أبيه هو كالآتي صراحة:

1. تتنازل عن القضايا اللي رافعتها ضدي (النفقة، الطلاق للضرر واسترداد الأغراض)
2. ترجع مسكني الجديد (ومستحيل أروح أي مسكن آخر وأنا مرتاح بهالسكن).
3. تسمع كلامي بكل كلمة أقولها وتكون لي طوع، لأن المركب اللي فيها رئيسين تغرق، وأنا الرجل وهي المرأة.
4. تتحجب

انا شنو طلبت !!!!! ولما أقولها طلباتي تصرخ وتقولي وانا واللي سويتوا معاي والجرح اللي انجرحته وكرامتي وإسائتك لي وعدم دفاعك عني ووقوفك جنبي مو من حقي يكون عندي شروط و و و و و و و و و ............

أنا أقول خليها ترجع أول وتبين لي نيتها الحسنة وتبادر بالطيب وبعدين أنا أبادر بالحسنة .. هي تبيني أعتذر ولا أركع لها ولا أسجد لها ولا شنو بالضبط !!!! أنا رجولتي مااااا تسمحلي أبد أنزل نفسي عقب القضايا اللي رافعتها علي.

ومو عاجبها شروطي، وفضلت تكمل بالمحاكم ولا إنها ترد البيت عندي. يعني راح نكون أعداء بالمحاكم. وهي إنسانة ما تعرف تاخذ قرااااااااااار نهائيااااا.

وطالما هي اللي اختارت .. أنا شنو بإييييييييييدي

المشاركة الأصلية كتبت بواسطة في الاتحاد قوة

أشكرك التائه قلبه .. والله إنت الوحيد اللي حاس فيني .. أعتقد إنك مريت بتجربة نفس اللي أنا مريت فيها عشان جذي حاسس فيني

المشاركة الأصلية كتبت بواسطة بنت حيرانه

للاسف تفكيرك خطأ
يعنى انت صح واهلك صح وكل الردود خطأ؟؟؟
الله يعينها عليك
ولما بتقولى انى اكيد غلطت على اهل زوجى
للاسف كنت اعاملهم باحترام وبإحسان واضغط على نفسى كثيرا حتى لو كنت تعبانة لأجل انى اراضيه
لكن فيه ناس مهما تتعامل معهم بالحسنى يعتقدوا ان ذلك ضعف ويتمادوا فى التدخل
اخى فى الله اتق الله فيها واطلق سراحها لأنها ستأخذ حقوقها منك ان شاء الله فى الدنيا وفى الاخرة على ظلمك لها انت واهلك
لما انت مو قادر على فراق اهلك كنت خليك معاهم ليه تتزوج؟؟
غريبة المفروض زوجتك هى اللى تلتصق بأهلها وتقولك امى وابوي مو انت اللى تقول
ان شاء الله القضاء سينصف زوجتك وسيرد لها كرامتها وكافة حقوقها وسينصرها عليك انت واهلك

المفروض ان امك تتدخل وتدش وقت ما بدها كأن زوجتك لا وجود لها
المفروض ان امك تغير اقفل البيت على اساس انك متزوج واحدة من الشارع لا حقوق لديها عندك
المفروض امك تقولك طلقها لأنها للاسف خرجت عن طوع امك
اخى انت لا تريد واحدة تسمع كلامك ولا تكون طوع لك
اخبرها بالحقيقة انك تريد واحدة طوع لامك وتسمع كلامها وتنفذه بدون حرف وإلا مصيرها الطلاق مع تجريدها من حقوقها