حبيبتي
اصبري واحتسبي الاجر من الله
نصيبك لسه ماجاء
وهذه مشيئة الله
مو بيدنا نغير اقدارنا
بس بيدنا نتكيف مع الظروف التي نمر فيها ...
لاتخلي حياتك تتوقف عشان انت ماتزوجت للحين ..
ارجعي للوظيفة وادرسي ماستر وعيشي حياتك ..
الايام لاتعود...
وخليكي من التوقعات..
وربي يدبر الامور من عنده


حبيبتي ..
انا زيك
للحين ماتزوجت وماتوظفت وعمري 27 سنة واختي الوحيدة والي اصغر مني تزوجت وحامل ماشاء الله ..

واولاد اخواني كلهم يقولون لي ليش ماتزوجتي ومتى بتتزوجي وايش اسم زوجك وكم عمرك ومين اكبر انتِ ولا عمتي فلانة ( قصدهم اختي ) وليش هي تزوجت قبلك وانتِ اكبر منها وكلام من هالخرابيط ...
تصدقين الحمد لله
ولامرة حسيت بغصة من كلامهم احيانا اجيب اسماء وهمية لزوج المستقبل ..هم محتمسين يعرفون
ويوم من الايام حصلنا على هدية ساعة حائط عجبتني بنت اخي قالت انها بتاخذها لها قلت لا باخذها انا ولما اتزوج بعطيها لك ..ردت علي : وانا كم حانتظر !
انا ضحكت من كلامها ..
الاحظ زوجات اخواني يترحجون من كلام اولادهم
بس ابين ان الموضوع عاااااااااااادي عندي
اصلا ايش اسوي ..
قبل سنة تقريبا قلت لازم اخذ بالاسباب عشان اتزوج
دخلت على موقع زواج وجلست شهرين ونصحتني الاخت الصائمة لله اني ماتزوج من خلال هذه المواقع اقتنعت بكلامها وهجرت الموقع ..

اختي صدقيني من تجربة اقولك :
كنت اقول في نفسي لو اختي تتزوج قبلي بجن و بموت من القهر ..
بس سبحان الله
الله لطيف بعباده
كنت تلك الفترة اكثر من الاستغفار و احيانا ارقي نفسي واقوم الليل
والله حقق بفترة ملكة اختي حاجة كنت ارجو احققها من سنين
عشان كذا فترة ملكتها كان تفكيري مشغول بالحاجة الي ابغاها وبس ..
وبتوفيق من الله وحده تم لي مااريد ..
والحمد لله الذي بنعمته تتم الصالحات ..
لذلك انصحك من كل قلبي :
الزمي الاستغفااااااار مااستطعت
وقومي الليل ركعتين خفيفتين قبل الفجر بنص ساعة ..
صدقيني بترتاحين وبتشعرين بمعية الله تعالى
والله كريم يستحي من العبد مابيردك خايبة ابدا ..
وبيكرمك اخر كرم والله
وبتبشرينا بإذن بفرحك قريب ..

__________________