جزاك الله الفردوس الاعلى
اختي او اخي الفاضل لا اعلم ولكن والنعم فيك ايش ماتكون
طبعا انا قلت المثل لاني اشك بزوجي كثير وانا قد طرحت هذا الموضوع فيما قبل
وكل ماقلت له انت سويت كذا وكذا يقولي كلن يرى الناس بعين طبعه لدرجة انه شككني بنفسي وانا يشهد الله علي اني لم اخونه اولا خوف من الله ثم للعشرة الي بينا فالخيانة شى صعب ويهد الحيل
طبعا مسكت على زوجي غلطة في الماضي انه قد سافر لاحدى الدول ولقيت معه رقم وحدة وكان هذا ماوصلنا للطلاق لولا تدخل الاهل بينا ومن هناك سبحان الله بدا الشك وصرت امنعه للسفر لوحده واترقب كل حركاته لدرجة اني تعبت ومليت
الشى الثاني قبل فترة دق جواله وطلعت بنت وانا سمعتها نادته باسمه يافلان وحلف ايمان مغلضة انه مايعرفها قلت له هيهات دامها نادتك باسمك ودقت على رقمك المميز اكيد بينكم شى لان هو عنده ثلاث ارقام حلف ولم اصدق حلفانه لاني سمعت باذني اسمه وكان جدا مرتبك وقلت له لو تريدني ان اصدق نروح مكة لبيت الله الحرام واحلف وبعدها يبان البرهان ان كنت صادق ولا لا
والله قبل ان نروح مكه قلت له اسمعني يابن الجلال ان كنت بتروح مكه عشان تحلف كذب فخاف الله لان ربي ممكن يسلط عليك مصيبة بعدها وان كنت صادق فتراك راح تحلف ولو اني مو مقتنعة بالي صار وبالربكة انت كنت فيها يوم دقت البيت وللمعلومية قبل لايرد عليها عطاها مشغول وهنا زاد شكي
المهم رحنا مكه وقالي قبل لايحلف انه مايعرف من اتصلت عليه وانه قبل لايتزوجني كلم خطابة والخطابة دقت عليه قبل فترة وقالت له لقيت لك عروسة قالها انا تزوجت والحمد الله ويقول انها كررت الاتصال ولمن دقت هالبنت خاف لاتكون هي
عدينا هالسالفة وانا مجروحة كيف زوجي كان بيتزوج عن طريق الخطابات وكما تعلمون ان الشى هذا صار عندهم تجارة يعني الخطابة تاخذ عمولة والبنت تتزوج ذا وتطلق ذا وتاخذ مهر من هذا ومن الثاني
بلاوي سمعناها والله المستعان
غير هذا زوجي يطلق بصره وانا هالشى مزعجني ولا قلت له انت تطالع بالبنات خاف الله ترى عندك بناتك وبكره احد يطالع لك فيهم يقولي انتي تتوهمين
معقولة اتوهم وانا اشوف بعيوني ؟؟؟؟؟؟؟؟ ويحلف ايمان بعد انه ماناظر لاني لازلت توهم
الشى الثاني غيرته قليلة جدا علي يعني مايغار علي مثل مااغار عليه واضن اني مااعطيه فرصة يغار علي من كثر ماشافني احبه لدرجة اني احيانا اختلق له سوالف عشان اجس نبضه يغار ولا لا يسوي حركات انه زعل وبعدين سرعان ماينسى الموضوع ..........عجييييييييييييييب
واذا حاولت اني اصير باردة معه يصير هو الي مهتم اكثر وعرفت ان دواه التطنيش بس وربي مااقدر على هالدور اكثر من يوم او يومين ولا جا يراضيني انسى الدنيا ومافيها وارجع اغار عليه وادقق معه مثل ماكنت
فاصرت عندي فوبيا من الماضي لاني بالاول ماكنت اشك فيه او اغار عليه او بالمعنى الصحيح ماكنت احبه مثل الان والله اني اغار على عيونه تطالع بغيري واغار حتى على ثوبه الي يلبسه لكن هو مو حاسس فيني
حاولت اوضح له يافلان انا محتاجة لك واهتمامك فيني انا تراني حساسة ويمكن احتاج الي معاملة خاصة
زوجي طيب وحنين لا انكر ذالك ولكن فيه اشياء تضايقني كثير حتى بوقت الجماع مايحتويني ولاخلص اسمع شخيره ادري اني حساسة بالحيل ولكن زوجي حطيت فيه ابوي وامي واخوي واهلي وكل شى وصرت اتضايق لو ردة فعله غير الي ابغاها
وكم مرة رمى علي يمين الطلاق لدرجة صرت اقول هذا بايع ولا همه امري رحت ولا جيت وكنت اكره فيه هالشى اقوله ترى الطلاق مو لعبة اتقي الله مو على اي كبيرة وصغيرة تقول بطلق وانتي طالق
وباختصار الكلام ان زوجي تغير حيل بعد مااعلنت حبي له طيب اعلن حبي لمين ؟ اذا مافضحت الي بقلبي لزوجي اقول لمين ؟؟
مابي بيوم من الايام اقع بالي وقعت فيه الاخت الي متزوجة وتحتاج الي عشيقها اسال الله ان يهديها وابشركم انها قررت الانفصال عنه وهذا من فضل ربي
بس مابي احتاج كائن كان غير زوجي ولا ابي احس انه يكلم غيري بس الشك والوسواس مسيطر على حياتي ولا اعلم كيف التخلص منه والله حتى الاذكار صار من الصعب علي قولها لاني كل مابغيت اقولها يجي الشيطان يوسوس لي ان زوجي قاعد يسوي شى تعبت تعبت وانهد حيلي ودي اسيب الجمل بما حمل واتركه منه لمولاه لو هو خاين
ااااااااااااااااااااااسفة طولت كثير بس وربي مكتومة