أخوي إذا انتو متغربين يمكن يكون سبب
انا جربت الغربة قبل كدا والله هم وعمل وشغل ما ينتهي
بس احتمال عصبية زوجتك مؤخراً ......... هي من السهر مع ولدها
او ممكن تكون تاكل حبوب منع الحمل لانها تلعب بالنفسية والمزاج
وكمان بعض الانواع سمعت انها تسبب خمول وتبلد
فلو تغير نوع الحبوب لو كانت تاكل
او خليك حازم
بس بالمرة لا تهددها بشي انت ماراح تسويه الطفل وهو الطفل لو تهدده بحاجة ماراح تسويها ماراح يكون لك هيبة
يعني تهددها انك تخبر امها كنها طفلة ماراح تصدقك
او تهددها بالزواج وانتو بغربة وهي عارفة وضعك المادي ماراح تلقي لك بال لان عندك هموم تانيه
يعني ممكن تزعل عليها او تهجرها او ماتاكل معها وتكون حازم مو ترضى لما تراضيك على طول
قلها الوضع هذا مايمشي عندي
انتي حبيبتي وعزيزة وغالية بس في امور اعتبرها أولويات في حياتي
لابد اني زي ما اراعيكي واحبك انك انتي كمان تقدريني وتسوي حاجات تفرحني
وحتى لو تتهرب من النقاش وتغير الكلام
انت اثبت على موقفك وخليييييييك حااااااااااازم وكمل النقاش أو قفل كل النقاشات الثانية واختر الوقت المناسب
مو في الفسحة اللي هي بالحسرة تطلعها معاك تقوم تنكد عالمخلوقة !
وعاملها زي طفلتك لو شفت فيه تحسن امدحها واشكرها المرأة يأثر فيها الكلام
وكمان ممكن تكافئها انكو تسافروا تتمشوا
راح اقول لك على شغلة زوجتك حياتها هي هي من اول زواجكم
لا خرجات ولا سفرات ومتحملة الحالة المادية اللي انتو فيها
وطول الوقت نفس العمل ونفس الترتيب هذا يخلي الفتور يتسرب فيها
وكمان ما تحس انو في تغيير وتجديد وما أخذت نفس يا حرام
من بداية الزواج نفس العمل ولا فيه اي فسحة زي العالم
كمان الزوجة ليها طاقة والا مايجي وقت تنتهي الطاقة وتحتاج شحن
وفي حالتها لازم شحن بالخرجات الحلوة والسفريات
حاول تجمع فلوس من هنا ومن هنا واختار لكم مكان رخيص وفي نفس الوقت حلو
عندك ماليزيا وعندك بعض الدول العربية
لا تحاول تقنعنا ان زوجتك لازم تعمل عمل وانت مقصر من نواحي وتحسها مالها دخل
لا والله ليها الأمور في الحياة الزوجية متشربكة ببعضها عند الزوجة بعكس الزوج اللي يقدر يفصل بين الامور
ربي يحفظكم
14-06-2010, 08:48 AM
ضوابط المشاركة
العرض الشجري