السلام عليكم ورحمة الله وبركاته
الف مبروك البنوته وتتربى بعزك وعز ابوها
وثانياً اسم فوز مره حلو ولا اجاملك لاني من النوع اللي ما يحب الاسماء اللي توها نازله كل واحد يخترع اسم من عقله ويسمي بنته واكثرها مالها معنى بس اهم شي يكون محد سبقه على اسمه
اما اسم بنتك ماشاء الله معناه معروف واسأل الله العظيم ان يجعل لها نصيب من اسمها وتنال الفوز في الدنيا والآخره
اما مسألة الذوق فأنا اعاني من ناس انعدم منها الذوق
عندي ولد الله يحفظه عمره 4سنوات والكل يتسأل ليه ما حملت مع ان فيه حريم اكبر اولادهم اصغر من ولدي وعندهم ثلاثه
طيب هذي ارزاق وغير كذا ما تعرفون وش يصير بين الرجال وحرمته ليه تعقدون الواحد
والله حسسوني اني عقيم ما انجب او ان عمري فوق الاربعين مع اني ما دخلت الثلاثين باقي
يسألوني متى ناويه تجيبين اخ او اخت لولدك
ولدك بيصيبه التوحد بسببك
اكيد العيب منك لان زوجك سليم وقدر يجيب الاول فأكيد انتِ السبب من كثر ما تاكلين الموانع تسببتي بالضرر لنفسك
ومن كثر ما سمعت قررت اروح للدكتوره شككوني في نفسي ورحت وتابعت حالتي وقالت لي انتي سليمه 100% والتبويض ممتاز لكن مسألة وقت وهذي تصير كثير مع الناس
اللي يعقدني لما تجي وحده اصغر مني 7 سنوات وتقول متى تحملين
ولا تجي الثانيه على بالها تنصح وتقول اتركي الموانع منك
طيب انا بكيفي استخدم موانع او لا
صدق اللي قال ما فيه احد مرتاح
__________________
رب اجعلني مقيم الصلاة ومن ذريتي ربنا وتقبل دعاء
21-06-2010, 10:36 PM
ضوابط المشاركة
العرض الشجري