الصراحة ما ادري وش اقول
لكن قلت شي كبير يمكن قلته من دون ماتدري
انت تقول( يعني اقول في بالي تذاكر وهدايا ولا فيه ريق حلو اجل وشوله اخسر واتعب نفسي على الفاضي
اذا استمرت كذا مدري وشلون اتزوجها وتجلس عندي بهالطريقة.. لانها ماحاولت تتودد لي او تحبب بنفسها عندي )
اول شي يا صاحبي بينك وبين زوجتك مافيه شي اسمه ( ما اعطي الا لازم اخذ )
يعني اذا زوجتك طبعها كذا لا تعالج الخطاء بخطاء وتقول لازم مثل ما ماراح اعطيها لانها ماتعطيني مقابل
الشي الثاني ماعمر احد لقى في زوجته كل اللي كان يحلم فيه ويتمناه لانه نفسه هو لازم يكون فيه نقص
ولكن مثل مقال النبي عليه الصلاة والسلام (لا يفرك مؤمن مؤمنة، إن كره منها خلق رضي منها آخر)
الشيء الاخر المكالمات قبل الزواج الهدف منها معرفة كل شخص الشخص الاخر وفهم نفسيته وماذا يحب وماذا يكره ؟
وليس الهدف الرئيسي منها انها تدلعك
وخطيبتك انت اول شخص بحياتها ويمكن ماتعرف الاشياء هذي لكن مع الايام راح تحس انت بالفرق
ومثل ما قلت انت الى الحين ما كملتم شهر على بعضه بس اهم شي لا تنظر للصغائر
ونصيحة ( نصيحة مجرب ) اشتري لك كتب عن الحياة الزوجية ككل مو مثل اكثر الكتب تتكلم عن الحياة الجنسية
واذا ماتحب القراءة اشتري لك اشرطة عن الحياة الزوجية راح تعرف وتكتشف اشياء انت بنفسك ماتعرفها
لانه بصراحة احس ماتعرف اشياء عن اساسيات الحياة بين الزوجين ( المعذرة يعني وتحملني ) 
وبالتوفيق لك
27-06-2010, 05:45 PM
ضوابط المشاركة
العرض الشجري