اختي نور الايمان الله يجزاك عني الف خير لا انسى اهتمامك بموضوعي وتأكدي انني لا استغني عن ارائكم واقتراحتكم انتم حسستوني اني لست وحيدا في عالم الله المستعان مصالح ونفاق لكم كل الشكر :
بالنسبة لنقطة المشاكل - لو كانت مشاكل اختلاف وجة النظر او مجرد ثرثرة اوكي كل الازواج يذهبون ويخرجون والله عارف
لكن ديري بالك من كلمة لكن ان تتفوه عليك بأبشع الشتائم والله لا استطيع ان اذكرها - عندها كيف اخرج واتي بالورد هدية كيف هي سريعة السب مثلا عندما عندما قلت لها ما بين بعينك اي شي اسويه معاك لو ماتغيري طباعك راح اتزوج - على طول انت بتاخذ بنات الشوارع على الارصفة وهكذا مع اني انسان ولله الحمد محترم عند القاصي والداني بس الفاظ تأتي بها جدا سوقية وتجدي نفسك دمك قد شاااااط كيف اطلع وجيب هدية كييف ؟؟؟؟
بالنسبة للعمل ما عمري والله تكلمت عن البنات ولكن طبيعة شغلي هي بتعرف انه في بنات انا فقط اتكلم عن الشباب ومواقفي معهم مثلها هي تتكلم معي عن زميلاتها والمواقف وهكذا والله اعرف الامور هذي جيدا لدرجة لمن تتكلم عن زميلاتها فجأة تقول ليه ما تتكلم او ليه صرت ماتتكلم عن العمل وهكذا لاكن ان اجيب زميلات لا والله
بعدين مش ممكن ان اقولها ترى كل اسبوعين تذهبي لاهلك لانه الواحد مو ظامن ظروفه ولكن الا يكفي الاتصالات مع امها تصوري اتصالات تافه مثلا احنا الان بنروح المستشفى شوية احنا وصلنا المستشفى وفيه زحمة - نرجع البيت قالت لنا الدكتورة كذا - شئ يخلي العقل بالكف ولمن اتكلم تقول تبغى تقطعني من اهلي ياعاااااالم ؟ هل ممكن زيادة اسبوع او اسبوعين تقول انا امشي ولاولاد عندك واحنا قبلها بيومين كنا طايرين لزحل والمشتري والله ماتجي والله
لو كل مرة امشي الامور بتتعود وتقول في نفسها راح يمررها وهكذا - مثلا بعض الاحيان ابغى اسوي وليمة تقول لا لو عملة وليمة اترك الاولاد وروح لبيت اهلي لانه مثلا الضيف يقرب لزوجة اخويا مثلا بالله كيف يكون ردك مع سلبية بهذه الدرجه هل اخرج واتي لها بهدية طبعا لا
بالنسبة للفلوس وتكرارها لانه انا دايما بتكلم للاسف معها انه اريد ان اشتري ارض وهذا مأرقني ومسببلي قلق في التفكير
بستمرار فهى تحلل هو مهتم بالارض طيب اكيد ما بيحط فلوسه لمجرد زواج
ماجاوبتي بالنسبة للاولاد واهتمامهم مستقبلا وايضا ان ماتعدلت
- فيه نقطه مهمة جدا هى الان حامل في شهرها الثامن وهناك جلسة بعد يوم لو قالو اهلها خليها تولد وبعدين خذها ووافق الشيخ وقال عطيها رضوة الان انا بقول زوجة ما احكمها ويش ابغى فيها لانهم انا متأكد راح يقولو الشئ هذا وقلت لشيخ بيني وبينه اذا ما اخذها رضوة مافي - من يوم ما عرفت هذي الادمية والله ما يوم تنازلت وانتي ذكرتي في اسطرك مرة تنازل ومرة هي تتنازل لكن ماعمرها تنازلت طيب ليه كل شئ عندهم احنا ولا يمكن نوافق ببساطة فقط وهو بكيفه ايش رايك منتظر الرد على كافة النقاط وادعو لي الله وياكم