السلام عليكم ورحمته الله وبركاته

انا عندي مشكله متعبتني مرا والموضوع واضح من عنوانه

مشكلتي مع اهل زوجي استخدم كل الطرق اللي اعرفها ولا نفع وحده فيهم

صار لي متزوجه 3 سنوات وماروح لاهلو غير مرا بالاسبوع

بالبداية زوجي الحمد الله مرا يحبني الله يرضى عليه وماينام اذا شافني زعلانه او منكده واذا غلط علي يعتذر على طول

ولله الحمد هو الزوج المثالي الكل يتمنى مثله الله لايغيره عليا
ودايما يقنعني وييتفاهم معااااااي ادا في حاجه ماقتنعت فيه ومستعد يتكلم على اهلو اذا عرف انو الحق معاي وهم غلطانين

والاحلى انو يتدخل اذا صار بيني وبين اي احد من اخواته بشكل غير مباشر يعني يرد اعتباري منهم

لاجل كدا اعطاني الحريه اني اتكلم وانا واثقه من تصرفاته وعلما اني ماقوله اي حاجه لانهم بالنهايه اهلو


دخلت على اهله كانهم اهلي ولقيت انو اطباعهم تختلف ومافي حاجه ترضيهم

اطباعهم غريبه لم يصدف بحياتي اني قابلت مثلهم

اهلي مرا طيبين ويديروا بالهم علينا وبحبو الجمعات والللمات ومخصصين يوم بالاسبوع فيه نتجمع حتى ازواجنا معانا ويحبو التقدير ودايما امي تجلس معاهم وتهههههرجلهم لدرجه انو ازواجنا يدورا اليوم اللي نتجمع فيه واللي يتغدى ويروح عمله يرجع للعشا

والحمد الله لايجرحو ولا ينكدوا على احد نطلع من البيت وفمنا يتشقق من الفرح والراحه وامي تعامل ازواجنا زي اولادها تضحك مع دا وتسولف مع التاني واذا فيهم ماحضر او كان تعبان تسال عنو الين يتعافي واذا جا من السفر او صار مناسبه لاهلو تدق عليهم وتدق على اهلو ؟؟؟اللهم لك الحمد على نعمة اهلي لي

انا خرجت من بيت اهلي وتزوجت وتوقعت كل الناس كدا

ماعرفت كيف ارضيهمم وعلما اني زوجه ولدهم الثاني وزوجة ولدهم الاولي بالمدينه تجيهم مره بالشهر

بالسنه الاولى ..

كنت يوميا اتصل على خالتي(ام زوجي)

ومرا بالاسبوع على عمي( ابو زوجي)

والجمعه رسميا نتغدى عندهم.. وفي البيت خالتي وعمي وبنتين وحده بسني ووحده بالثانويه وولدين شابين بسن الزواج

وبين فتره لفتره اتصل على اخواته المتزوجات لانهم يجو عند اهلهم الخميس ومانتقابل

واحيانا اتنازل عن خميسي اللي اتمشي فيه مع زوجي عشان اشوف اخواته ونجي كمان الجمعه واحيانا اذا طولنا على اخته وماشفناها للي موجوده بالمدينه نفسها اصر عليه نروح نشوفها ونشرب شاي والحمد الله زوجي يرضى بسرعه

وعملت بطريقه غير مباشره تصرفات حلوه للبيت بدون مايحسو ي
عني اصبحت اللمه رسميا مرا بالاسبوع زي اهلي

بالعيد نروح لكل واحد بيته ونشجعهم انا زوجي يجو عندنا...كانت العاده ماهي موجوده عندهم

دايما اتصلت على خالتي يتعشو عندنا والاغلب ماتيجي وتقول عمك مارضي

تخيلو مايجو عندنا الا من 3 الى 4 مرات بالسنه


وبعدها صرت الاحظ تصرفات غريبه بالبدايه...
بالاول هداياهم لزواجنا كانت جدا بسيطه اوحنا عاداتنا انو اهل زوجي اذا ماشاركو بالبيت لولدهم يجيبو هدايا ثمينه لحرمته...

وفي ليلة صباحيتي اتفاجا بانو جاني منهم نص طقم بسييييييييط جدا
انا اعذرتهم قلت امكن حسب امكانياتهم او انهم شاركو بالبيت لولدهم لقيت انهم ولا شاركو بحاجه مع انو امكانياتهم تسمح ماعدا وحده من اخواته شاركت بقطعه للبيت

خالتي طبعها غريب مستحيل تتصل عليا ,,, وماتتصل على ولدها الا اذا تبغى منو حاجه للبيت او لنفسها
ولمن اكلمها كلمه ورد غطاها...
مو فارق معها اي مناسبه لاهلي سوا عيد او غيره واذا فكرت تتصل بعدها بكم يوووم

طلعاتها بالبيت نادره بس مايمنع انها تزور اهلي ولو بالعيد مثل امي ماتيجي عندها..
اخوي خطب ومادقت على امي الا بعد شهر تبارك

اخوي صارلو حادث بسلامته مادقت الا مرا عليها وهو جلس ست شهور بالبيت ولا زارة امي بالمستشفى بس ارسلت عمي وولدها مرا وحده وعليهاااااااااااااااااااااااااااااااااااااا

ولمن نيجي الجمعه تسال كيف اخوكي ومرا وحده وبس .. وكمان مو كل مرا

لمن تعرف اني تعبت تتصل على ولدها بس .. مو لاجل انها تتطمن علي لاجل تتوقع باي لحظه يقولها حامل

اخواته واخوانه اذا دقو عليه معناتو يبغوو منو حاجه من تزوجت ولا وحده تتصل لاجل تسمع اخبارنا او تطمن

اخواته الغير متزوجات استخدموني كاداه انو الجمعه بالعصر نطلعهم ويحرشوني انو زوجة اخونا الاول لمن نطلب منها حاجة على طول تكلم اخونا ويرضاها لها

واخونا مرا يحبها مووووت ومايرفضلها طلب... بالبدايه قلت امكن كلامهم صح ولاغرت منها ولا حاجه قلت الله يسعدهم والحمد الله ربي اعطاني زوج مافي مثله بالعالم... وبعدين لمن عاشرتهم لقيتهم يستخدموني اداه عشان اغير واسوي مثلها ولمن يبغو حاجه اروح اكلم زوجي

وبعدها عرفت طبايعهم اذا عودتهم على حاجه معناتو يعني مثلا نروح نمشيهم الجمعه
واصبحت الطلعه صارت رسميه كل جمعه ومن بعد العصر يخططو البنات فين يروحو وويحرشوني وقلك يختبروني زوجي يجبني ولا لا وامهم ابدا ماتقووووووول لا ... حتى لو ولدها طالع من المستشفى الاهم انها تخرج ...

وادا وداناهم مطعم مثلا ابي اسوي حركه افرحهم معناتو كل طلعه بمطعم.. اتورطت كتير مع زوجي واحيانا اضغط عليه وهو مابغى يفشلني قدامهم فقلت مارح ادخل فلما يقولي حاجه اقولهم كلموووه انتو



عمي حال حال نفسسسسسسسسسسسسسسسسسسه مرا لا يسال ولا يتصل ولا يطلع معانا بيتوتي مرا وادا اخرناهم عن البيت يحط حرررررته بولده
وادا جيت عنهم يسلم ويجلس مع الاولاد واحيانا مايسلم ابد يعني مو فارق معاه

بدا زوجي يضايق لسبب انها اصبحت عادة وهو مايصدق يجي الجمعه عشان يجلس معهم ويشوف اهلو
ثانيا احيانا يحكم على الطلعه على الماديات مايقدر كل مرا على مطعم او عيب يرجعهم بدون عشا
ثالثا يرجع البيت تعبان ويرفض انو نجيب اي حاجه للبيت وانا ماصدق الجمعه تيجي عشان تقضي النواقص

ورابعا دايما زوجي يحذرني من اهلو اني اذا اقترحت او عودتهم على حاجه معناتو رح تصير رسميا كل مرا

او ادا اقترحت معناتو انا اعملهم الشي الللي اقترحتو واذا قلت لهم رحت مكان معناتو زوجي يوديهم بحجه انو هو عارف المكان مثل ماوداني

للعلم انهم عندهم ولدين بالبيت وكل واحد سياره والاولاد عارفين طبايع الام والبنات لاجل كدا مرا يطنشوهم ومرا يعملو الشي اللي يبغوه

صار عندي ردة فعل من تصرفاتهم والسنه الثانيه تقريبا

بدينا نقطع عادة طلعات الجمعه وانتعذر انو عندنا نواقص للبيت

وبدل مانجيهم جمعه وخميس صرنا نجي خميس رسمي لاجل تجتمع العيله يعني بناتهم واحنا يعني ازواجهم مايجوو الا بالمناسبات الكبيره عيد او زواج والجمعه صارت طلعتي لوحدي انا وياه


اختهم الصغيره اللي بالثانويه دايما تحطني بوجه مقارنه مع مرة اخوها الاول عشان تقهرني وانا عمري ماضريتها لدرجة تقولي انو اخوي الفلان مرا يحب مرته ويشوفها ملاك عشان كدا مايرفضلها طلب

اما انتي زوجك يحبك لانك طيبه معاه فهو صار طيب

انا احتريت يومتها وصرت ابكي الين عرف زوجي السبب وقالي لانك احلى وحده قامت تغار وتقولك هالكلام

وثانيا عشان تحرشك لمن تطلب منك حاجه تروحي تقوليلي وثالثا قالي انو اخويا كم مرا يتزاعل مع مرتو لدرجه وصلت انهم يفكروا بالطلاق وانو هو دايما يقول مشاكلو لامي وماتعدلت حياتهم الا لمن حملت مرتو
....
وطبعا زوجي العكس الحمد الله اللي جوة البيت ماحد يعرف فيه ابدا ولا عمروا جرحني قدام اهلو الين صار يمدح فيني ويدلعني قدام اخته عشان ياخد بحقي منها بدون مايدخل بالمشكله وهدي احلى طريقه فيه
ولاجل كدا لمن ارجع من عند اهلو منكده يصر يعرف سبب زعلي لانو يعرف اخواته دايما يدقو بالكلام ويجرحو وانا مو متعوده على هالطبع

عمي صرت مادق عليه الا اذا في حاجه اسلم عليه او ابارك له>> هو طيب الحمد الله بس حال حال نفسو

تاخرت عن الحمل سنتين ونص فصارت خالتي توسوس انو مني علما انو ولدها الاولاني تاخر نفس الفتره

بس متفقين انا وزوجي انو مانعلم احد مع انو المشكله بسيطه منه والحمد الله انا الان حامل بعد سنتين ونص

صرنا نروحلهم خميس بعد المغرب او بعد العشا حسب جيت زوجي من العمل وينام ساعه ونروحلهم
واذا تاخرنا يقلبو وجيههم ولا يصدقونا انو العمل اللي اخرنا

ولمن اتخطبت بنتهم اللي بسني كنت اتحرش فيها انو بيوم شوفتها انا اللي رح ازبطها
فلمن قالت انو في واحد طالب يدها وبيشوفها صرت اقترح اني اجيب لها لبس من عندي ورحت بدري واخوتها المتزوجات ماحضرو عندها وزبطتها وصار ضحك ووناسه وماصار نصيب

فجا بعد شهر تاني واحد تاني وعلمتني بس اعتقد انهم خافو انو يصير مثل الاول ولمن اسالها متى حيجي تقولي احتمال انو يوم خميس

كان ودي ماجي لمن حسيت انها ماتبغى تقول بس زوجي اجبرني قالي كانو خميسك العااادي اللي تيجي فيه ولا كانك عااارفه انو شوفة

ولمن دخلت البيت وياليتني مادخلت سلمت عليهم كل وحده قالبه وجهها كانو مايبغوني اجي
وعلى بال ماحط العبايه لقيت الكل خرج من الغرفه وخلصو الشوفه وانا لوحدي بالغرفه لانهم قافلين الباب وراهم وسمعت الزغرطه والوناسه وانا بالغرفه ولمن وحده دخلت وحده فيهم بالغلط كانت تدور بنت اختها قلت لها باسلوب مزج ايش الزغرطه دي وانا مبتسمه .. قالت ها ... ولا حاجه وقعدت شوي وراحت

وشوي بعد نص ساعه او اكتر تيجي العروس وتوريني شبكتها وباركت لها واخدتها بالاحضان وتقولي تعال نعبي القهوه قلت يالله لقيت اخوتها كلهم بالمطبخ وباركت لهم وسلمت على خالتي على راسها وحضنتها وباركت لها
حتى اخته اللي عايشه بمكه راحت بدون ماتقول مع السلامه

ويومتها رجعت البيت بس ابكي لانو حسيت اني مهاااااااانه لدرجه ماتوقعتها

وحكيت لزوجي لانو هو اصر يعرف لين كلم اخته العروس تاني يوم وقالها لي خليتو مرتي بالغرفه وهي تحبك وفرحانه لكي قالت لا مو قصدي بس انا تربشت انا واخواتي ومانتبهنا انا لحالها بالغرفه
وهو بين لها انو لاحظ هالشي يعني مو انا اللي قلت له
المهم اتعدل الموقف واتصلت عليا وكلمتني عاااااادي ولا جابت السيره
واخته اللس بمكه دقت تسال بعد كم يوم وقالت معليه ماقلت مع السلامه وانا مبتسمه عادي ماكنو فيه حاجه وقلت لا عادي شفتك مستعجله وقلت معذوووره

وانا عيبي لمن احد يزعلني او يجرحني اسكت او مابين انو هالشي زعلني وفي البيت العالم ربي عالم بحالي

وانا من بعد هالموقف بيني وبين نفسي اتفقت اني اعاملهم رسمي

صرت اعاملهم مثل مايعاملوني من غير تجريح طبعا لانو هالطبع ماحبه


صرت اتصل على خالتي مرا بالاسبوع او مرا بالاسبوعين اذا مارحت الخميس فرضا

اي مناسبه لهم اتصل اول وحده
اشم انها تعبانه اما نروحلها البيت او اتصل عليها الين اطمن انها تمام

اخواته المتزوجات والغير متزوجات مايدقو علي الا اذا يبغو حاجه ...فصرت اسوي مثلهم

تجهيز زواج اخته ماتدخلت كتير لانو اخته ماكانت تحكيني بالتفاصيل
انا دايما اتصل عليها واعرض لها خدماتي

ولمن تيجي زوجة اخوها اعرف انهم طلعو وراحو بسبب انو اخوها لمن يطلعهم هو اللي يدفع وامكانياته تسمح
ثانيا اخوهم ساكن خارج المدينه اللي هم عايشين فيه يعني مايجون الا مره بالشهر او الشهرين

ولمن يجو يباتو مع بعض بالبيت ويصير الاحتكاك اكتر

حاولنا نصير مثلهم بس الامكانيات تحكم وثانيا احنا عايشين بنفس المدينه يعني الحركه اللي اسويها لهم رح تصير رسميه وكل مرا تسوى

لدرجه مرا جبنا اكل من مطعم صارت كل جيه نجيها عندهم تتصل عليه امه وتقوله جيبه معاك

والحمد الله زوجي مايقول لامه لاااااااااااااااااااااااااااااااا وومكن تضغط على نفسنا بالامكانيات عشان يوفر لانه اللي تبغاه


واللي فجر الموضوع اكتر حاجه الموقف الاخبر اللي صار اول امس صرت ماااااااااااااااااااااااااااااطيق اخواته واكره الروحه عندهم

الفتره الاخيره يعني تقريبا خمس شهور حملت وجاني الوحم موطبيعي وصرت بس عند اهلي اغلب الخميسااات ماروح لهم بس مازيد اكتر من خميسين ولا اتصل على خالتي

بالمقابل مادقت الا مرا وحده وتسال عني من ولدها

ويشهد الله اني مازعل منها لانها بالنهايه ام زوجي وحبيبي

ولمن قربت على الشهور الوسط صارت تلح على ولدها انو نروح للدكتتور عشان تغرف بنت ولا ولد لانو متعلقه بالاولاد بشكل مو طبيعي ومرا رمت كلمه تقول اللي يجيب الولد يدخل البيت كانها اميره واصلا انا وزوجي متفقين مانعلم احد فصارت حجتنا انو احنا نبغاها مفاجئه مانبغى نعرف لدرجه انها تتصل على ولدها الصباح تقول رحتو... وتتصل عليه المسا

وتقول ادا جبتو ولد سموه على اسم ابوك لين زوجي اقنع امه انو انكتب بالملف مانبغى نعرف وقالها اللي تجيبوه مرتي الله يحييه بنت ولا ولد ... وان كان ولد رح نعمل قرعه

اخواته يتصلو من فتره لفتره يعني من شهر لشهر بفتره الوحم وبعد كدا لاااااااا

بنفس الفتره انشغلت بتجهيز زواج اخويا وبيته

يعني شهرين الاولى بالوحم وبعدين بالتجهيز
ولمن اروح لهم مايسالو عن زواج اخوي ولا يفتحو السيره ودايما ااقولهم بصيغه مزج انو اكيد رح تحضروا الزواج

زواجه كان بالمنطقه الشرقيه

وارسلت لكل واحد كرته ولمن قرب الزواج باسبوع كانو يخططو لحفله لبناتهم تخرج ثانوي

واخر جلسه معاهم قبل الزواج اتفقت معاهم ايش رح اسوي مع انو الحفله بعد مارجعت من السفر باربع اياااام

تخيلو ولا واحد حضضضضضضضضر

قلت بلا كل واحد بظروفه بس مو معذورين من اتصال


ولمن رجعت من السفر ماحد اتصل فيهم... انا قلت رح احضر الحفله ورح اجيب الهدايا معايا ورح اجيب صينيتي معاي... زوجي عرف اني زعلانه من اهلو وقالي انتي ماتسوي حاجه انتي بالحفله تجلسي زي الملكه وانتي حامل وعذرك معاكي ورح اجيب انا من برا وقلت له انت اتصل على اهلك وقولهم انك مارضيت اني اسوي حاجه عشان لايفهموني غلط واانا داخله البيت وماسويت شي

واتصل على امه صباح اليوم وقالت له على حاجات يجيبها للحفله وقالها يامي فلانه الا هي انا
ماتسوي ولا حاجه انا رح اجيب كل حاجه تبغوه من برا ومرتي ماتشتغل بالبيت تجلس زي الملكه هي حامل وعذذرها معها...... وقالت ايوا صح وايدت كلامه المهم
قبل لا اطلع البيت يعني وانا بالسياره وانا اقوله ماني مرتاحه لدي الروحه وقالي عادي مافي حاجه انبسطي انتي بس
رحت الحفل من بدري قلت عشان اساعدهم لقيت الكل يسلم عليا بدون نفس ولا حتى كلمه مبروك لاخوي وهو عدى على زواجه اسبووووووع سلمت على الخريجات بنتهم وبنت بنتهم وقلت لهم مبروك واعطيتهم الهدايا
وخالتي استقبلتني مبتسمه وتقولي فين الحنه ... وهي عارفه انو زوجي يكره الحنه وماسويها عشانه
لانو بالعيله تقاليد اهل العروس واهل العريس يحنو
العام زواج بنتها ماحنيت... وتحسبني حنيت بزواج اخوي


فسخت العبايه جلست لحالي ....اخته اللي بالثانوي اللي هو تخرجها ودايما تجرحني بكلامها قلت لها اعملك ميك اب قالت تعالي وزبطتها وزبطت الثانيه ورحت لاخواته بالمطبخ قلت لهم تبغو مسااااااااااعده قالو لا كل حاجه جاهز>> كانهم يقولي لي دوبك تتتكلمي

المهم حضروا الناس مايقارب 20 اللى 25 بنت >>> ولا قالو لي جيبي احد من طرفك وبنات اخوتي تقريبا بس 2 بسن المتوسط ولا قلت ولا حاسبت احد

رحت لخالتي قلت لها تبغى مساعده قال خدي المبخره وحطيها بالصالون

المهم بوسط الحفل جات مرت اخوهم وسلمو عليها وسالو عن ولدها قالت تعبان خليته عند امي وقالولها واختك >>>>> يعني عزمو اختها وهي بالابتدائي ... ولا حاسبت احد

وبس وراح تزبط مع اخته اللي بسني وتزوجت العام ودخلت هي وياها عند الناس ويسلمو طوال السهره يروحو ويجو مع بعض مرة اخوهم ماتدري باللي صاير ومارح اظلمها بس هم عشان يقهروني يتصرفو كدا


وشوي رحت المطبخ عشان اساعدهم لقيت اخواته الكبار يجهزو قلت لهم يابنات معليه ماسويت حاجه اخوكم يجيبلي المقاضي وشوي ويطنشوني ومعطيني ظهووووورهم فقلت لهم سمعتوني ييابنات

اشوي اللي وحده تديني وجهها وقالت بصراحه يافلانه احنا زعلانين منك ولاتتصلي ولاتقولي تبغو حاجه
قلت لها ياحبيبتي انتو ماتصلتو عليا ولا سالتو كيف عدى الزواج ولا كلمة مبروك وكنت منتزره اتصالكم

قالت امي وفلانه(اللي هي اختها الكبيره) دقو على امك امس ( يعني بعد الزواج بخمس ايام)

قلت لها على امي ياقلبي على امي مو عليا

وقلت عموما انتو اخواتي مازعلت منكم بس ماخذه بخاطري شوي واخوكي مارضي يجيبلي المقاضي قال انا اتفقت مع امي ايش راح اجيب وانك ماتسوي حاجه....

وشوي دخلت مرت اخوهم المطبخ وغيروا الموضوع

عموما عدت الليله بسلام ووقت البوفيه قالولي اتفضلي ولمن راحو الناس صارت كل وحده تاخد لبيتها وبعدين تعالي خدي لزوجك

وبعدين صرت اتكلم مع وحده فيهم عرفت انهم مسوين حفله بكره للاطفال يعني لاهل البيت بس
وانهم كلهم راح يباتو
وانا مبينه انو ياسلام مرا وناسه قلت لهم بروح اتصل على زوجي وانا عارفه انو زوجي مايحب يبات برا البيت حتى لو عند اهله... بس لو قلت له رح يتنازل

وهو اصلا معايه طوال السهره كل شوي يدق علي يطمن علي وعرف بالموقف اللي صار
فقال انتي ايش رايك قلت خلاص انت تعالي متاخر وقت الفجر قال اوكي واصلا الرجال اخوانه وابوهم عندنا بالبيت


وجا وقت فتح الهدايا ويمدحو في الهدايا وهديتي قلت هاه ايش رايكم قالو حلو بدون نفس
وقلت ترا حبيت اجيبلكم حاجه مميزه واخذتها من الشرقيه.....

خرجت من البيت ونفسي مكتوم
وقضيت الليل كلو بكا................. انا ماحبيت زوجي يعرف بالموضوع بس كفشني وانا مسويه نايمه..... وفهم السالفه وانا خفت الموضوع يكبر اوا تتاثر علاقته مع اهله لانهم بالنهايه اهلو وهو مالو دنب بالموضوع

بس ماحايه بنفس الوقت يهينو مرتو لانو كرامتي من كرامته

قالي انتي ماغلطتي والحق كلو معاكي وخليكي واثقه من نفسك وانا برد اعتبارك من غير مايحسو

وحفله بكره اذا تبغى تروحيه نروح قلت لا.... لانو مسوين طلعه على البحر وانا حابه نغير جو معاهم فقال خلاص لكي اللي يرضيكي>>>>> الله يرضى عليه يااااااارب ويعييني على بلوتي من اهله

وثاني يوم صحيت وربي دمعي على خدي غصبن عني بصراحه كانت صدمتي فيهم قووووووووويه

يعني بالنهايه يطلعوني غلطانه لاني مادقيت عليهم وصرت كل ماتذكر سالفه امس تدمع عيني وزوجي يكفشني واقوم اروح اسوي كم شغله لاجل انسى

بس والله والله والله يشهد علي لو اني غلطانه راح اعتذر لكل واحد فيهم


انا كتبت قصتي كاااااامله مع التفاااااصيل ..


ارجووووووووووووووكم الله يحققلكم امنياتكم اتفاعلو معاااي ودلووووووني على الطريق الصح



كيف اتعامل اتعااااااااااااااااااااااااااااااااااااامل مع هالنوعيه من الناس

والحمد الله طلعنا مع اهلي امس البحر واتونسنا

بس صدمتي فيهم الخميس تنكد عليا


وصدقووووووووني انا ماكتبت الموضووووووع إلا لحاجتي للمساعده

ماادري انت الله يهديك حساسه حبتين....اللي اشوفه شي عادي وطبيعي يصدر من اهل زوج مستحيييييييل يعاملونك مثل بنتهم....وقللي روحاااات لهم لانك حساسه ...وباين عليك حبوبه ويغارون منك ومن وقفه اخوهم معك...الله يخليكم لبعض اهم شي امه وابوه واخواته خلك رسميه معهم اذا تزوجوا اخوانه اللي بعده بيلهون بحريمهم ويعرفون قيمتك...بالتوفيق

__________________

أختي الفاضله ..

من خلال ما سبق عرضه .. يبدو والله أعلم إنك حسّاسه نوعاً ما . صحيح لانحب أحد يخطئ

علينا لا بكلام ولا بفعل .. لكن أحياناً نحاول أن نجعل أمور الحياة تمضي الى خيرٍ وسلام ونتحمل جزء من أخطاء الآخرين علينا ..

بمعنى أتحمل قدر الإمكان .

علاقتكِ بزوجكِ قوية أتم الله السعادة فيما بينكم .. زوجكِ يحبكِ .. أموركم الزوجية على

قدر عالٍ من التفاهم والمحبه وهذا يبدو أنه ظاهر للعيان وهذا هو أيضاً سبب الحنق عليكم

فالغيرة اشتعلت بقلوب الأخوات والله أعلم .. فأتمنى أن لاتُظْـهِرا المحبة بشكل دائم بينهم

لعدة أمور .

كوني أختي الفاضله طبيعية قدر المستطاع مع أهله .. ربما ببعض تصرفاتكِ قد تبدو للرائي

أنها تصنع وتزلّف فتجلب البغض والكراهية لكِ .

اقتصدي في زياراتكِ لأهله ..

من الأفضل وزوجكِ بهذه الصفات التي ذكرتي وهذه المحبه بينكما أن لاتخبريه بكل أمر يحدث ..

حاولي قدر ذلك ..

معاندة البنت التي لم تتزوج قد تكون احياناً انتقاماً منكِ لأنكي تخبري زوجكي بالحدث ثم يتصل

من الغدْ معاتباً ومنتقماً لكِ ، وأخواتها بالطبع سيكون الميل لها .

أختي الكريمة .. خرجتي من بيت تسوده المحبة والوئام وبطباعٍ جداً رائعه كما ذكرتي ..

وتظنين أن البيوت كلها سواسية .. ثم تفاجأتِ بأهل زوجكِ مغايرين ومختلفين تماما .

كثير يحدث ذلك .. ولكلٍ طبع وصفات .. ومن المعلوم أن البيت على رئيسه أو عائله

أو ولي الأمر فهو الذي يديره كيفما شاء .

ومن الغلط أختي وضع المقارنة بين البيتين بيت أهلكِ وبيت أهل الزوج ، وحتى وأظنكِ حين

تجلسين مجتمعه مع أخوات الزوج يقفز الى ذهنكِ جلوسكِ مع أخواتكِ ووالدتكِ ووزوجات إخوانكِ

فتتذكرين الابتسامات والضحكات والقلوب الصافيه بينما الواقع مغاير لذلك فتزدادين ألماً وهماً. وهذا

مما يسبب لديكِ ضغوط .

عموماً آسف على الإطاله ولكن نصيحه كوني رسمية قدر المستطاع مع أخواته ، وأما والده ووالدته

فعليكي بهما مهما يكن من أمر ، ولا أخالكِ إلا تلك المرأة الصالحه الصابره .. فمعاملتكِ لوالده

ووالدته سوف تكسبين طرفين في آنٍ واحد أو عصفورين في يدٍ واحده . وربما يكون مفتاح

لقلب الأسرة ككل .

أسأل الله أن يوفقكِ ويرزقكِ الذرية الصالحه .

__________________
كيف اقاوم الهم والألم. بالسجود راحة واطمئنان.

نهاية نوال..!

أختي

واضح إنك مع أهل زوجك تعامليهم بوجه و من وراهم أمام زوجك بوجه اخر بحيث يبان هو أمام أهله أمام المدفع
و أهله فاهمين الشئ هذا ، علشان كذا بيعاملوك بالتعامل هذا

حكاية إنك تبكي عند زوجك و ما تبغيه يحس علشانه أهله ،،
إنت تبكي علشان تبغيه هو اللي يتدخل بينكم و كأنه إنت مالك يد في الموضوع

تصرفاتك نفس تصرفات زوجة أخوي ، علشان كذا أخواتي يكرهوها و ما يحبوها
أنا أتعامل معها كأنها أختي ، لإنه ما همني أي تصرفات تعملها هي
لكن أخواتي يقولوا ، قدامنا تعمل نفسها عسل و تخدمنا و تساعدنا و تروح تعبي راس أخونا علينا و تكذب عليه
علشان كذا يجي أخوي و يقلب على وحدة من أخواتي

و صاروا أخواتي يهتموا في زوجة أخوي التاني ، مو علشان يقهروا هذيك
لإنه التانية ما عندها حركات النص كم و واضحة و صريحة جدا

موضوعك طويل يبي له رواقه شوي

هلا قلب القمر
صحيح كلامك اني حساسه.. لمن بنفس الوقت ماتوقعت من اهل الزوج يعاملو زوجة ولدهم بدا الاسلوب
انا لو عدو لي ماعاملته كدا ..الواجب واجب وانا ماطلبت زياده غير الاحترام والتقدير ..
وبداية حياتي عاملتهم مثل اهلي ولمن حسيت منهم بعض ردات الفعل قلت اغير اسلوبي واصير رسميه... بس مشكلتي ماعرف اتعامل برسميات وحبي لهم من حبي لزوجي...واتنازلت شوي من الرسميات وقللت روحتي لهم بس يعني لو جاني طلعه يوم الخميس ماقول لا...
وطبعا امه وابوه اهم حاجه عندي والله مازعل منهم ايش ماعملو لاني مانسى الدرة اللي اعطوني وهم سبب بعد الله في وجوده....

وتسلمي ياقمر على نصايحك وياليت تفهميني معنى الرسميه اللي تقصديها....

مرحبا اخي الكريم صح لسانك على كل كلمة كتبتها

صحيح اننا نتحمل اخطاء غيرنا بقدر الامكان ولكن ليس لدرجه ان تصبح امامهم متبلد الاحساس
او ضعيف وبلاا شخصيه امامهم فيستهان بك على مد الزمان...

اردت ان اكون قويه الشخصيه امامهم بس حركاتهم الغير متوقعه تصدمني ولا استطيع التفكير بالرد خوفا ان يصدر مني ردة فعل تسبب نوعا من العدااااوه...ولا املك غير السكوت والالم بداخلي..
اما زوجي يعلم الله اني احاول قدر الامكان اني ماتكلم على اهلو الا بكل خير لانو كثر الدق يفك اللحام واحيانا امدح فيهم لو بالكدب لاجل ترتفع معنوياتو ويفتخر باهلو ويتباهى بالبيت اللي طلع منو علما انو بعض الاحيان يعرف اني مبالغه ببعض الاشياء ويعديها علي...والحمد الله زوجي ليس بالشخصيه المهزوزه ويمشي ورا كلام الحريم مثل مايقولو الناس
ولكن يحب الانصاف والعدل وشخصيته جدا قويه امام الناس ولله الحمد وهو مدير متخذ قرارات وناجح بحياته العمليه والعلميه ولان له من المعرفه بشخصيات الناس وثقافته الواسعه اثق به ثقه عمياء باي تصرف لاهله او رد اعتباري منهم ودايما يفهمني من نظرات عيني لو بالكدب اذا رجعت رزعلانه من بيت اهلو ويحلفني اني اقوله لدرجه يحااااول فيني اياااام حتى يعرف السبب... ليس لاجل يتدخل ولكن لاجل يعلمني كيف اتصرف معاهم لانو اعلم بتصرفات اخواته واهلو واعلم بشخصيتي الللي ماتوافقت معهم فدائما يقويني ويشجعني بالرد المناااااااااسب
لاجل اصبح قويه امامهم ويوقفهم عند حدهم اسال الله يحفظ ودنا لبعضنا ولا نتغير على مد الازمان
اما ماقصدته بكلامك ان لانظهر المحبه امامهم ,, فهالشي دايما بنسويه بس هم يستغربو ولا مره بحياتنا اشتكينا من بعض او دخلنا عندهم وزعلانين من بعض ... لانو انا وياه على معاهده اللي جوة البيت مايطلع من البيت مهما كان.....

وياليت تعلموني ماهي الرسميات اللي تقصدونها يعني اقلل من روحاتي عندهم واذا رحت كيف اتصرف
معاهم من بعد الموقف الاخير... وهل اطنش موضوع عدم سؤالهم لي عن زواج اخوي واعديها بسلام او ايه؟

اخي الكريم شكرا على ردك وكل كلمه قلتها بمحلها وحتى بطريقة تفكيري كان صحيح

ردك اللطيف اعطاني دفعه ايجابيه من معنوياتي المحطمه ورح يكون كلامك بعين الاعتبار ولن انساه ابدا..

عزيزتي

لقد اسئتي فهمي بكلاااامك انا عاملتهم مثل ماعاملت اهلي والنص كم اللي تقولي عنها
ماعرفو و الحمد الله وانا اكره هالنوعيات من الناااااس لانها سبب بتفرقه كثير من العوائل..

اشكر لك مرورك