السلام عليكم

ان شاء الله انكم في اتم الصحة والعافية

طبعا انا ولله الحمد خطبت وعقدت النكاح وملكتي في شوال ان شاء الله

والان كيف ابدا علاقتي مع خطيبتي في فترة ما بعد الملكه

رغم ان الي خطبتها قريبتي واعرفها من يوم احنا صغار وكنت احب اللعب معها وهي نفس الشعور ما تحب الا تلعب معي بس ذيك ايام زمان ايام الطفوله

وبعدها كبرنا وابتعدنا عن بعض وكل واحد فينا نقل لمنطقة ثانيه

المهم مالكم بالطويلة

اللحين البنت خطبتها طيب وشلون اكلمها وشلون ابدا معاها رغم ذلك انا انسان رومنسي لابعد الحدود

وفي نفس الوقت خجول لابعد الحدود واكيد اول شي بقلها بعد كم يوم اني احبها

نفسي اتكلم مع خطيبتي في كل شي ما نبي نخلي ولا شي الا ونتكلم فيه في حياتنا وامورنا الخاصه والعامه

وهل تتوقعون مع مرور الايام والشهور اقدر اتكلم معها في امور تخصنا كزوجين والا تتضايق ؟؟

عقدت نكاحك وملكتك في شوال ؟؟

ممكن تفسر بااللهي كيف ؟


وانصحك حبه حبه .. ويمشي وضعكم

ملكتي في ايام العيد وهذا طلب من اهل العروسه

سمعت انهم يبون يخلون الملكه مثل الزواج في قصر افراح ومدري وشو .. يعني يبيله تجهيزات كثيرة من اهل العروسه

على قولتهم الفرحه فرحتين

وشلون تعقد النكاح عليها وانت ماملكت ؟

عقد النكاح هو الملكه .. خخخ يعني انت عقدت نكاحك بس لسى ماملكت !؟

ايوة بالضبط

اول شي الف الف الف مبروك

وماشاء الله عجبني فيك حرصك على حياتك الزوجيه ماشاء الله عليك وخليك دايم كذا وانا اختك

ثاني شي

البنت تحب ايام الخطوبه تكون المبادره من الزوج اعطيها كل الي عندك دلعها خليها تشتاق لك

وحتى المواضيع الساخنه الي تخص الزوجين افتحها معاها بس مو من البدايه اصبر شووي عشان لاتقول اشفيه هذاااا هههههه

لا هذي المواضيع يحق لك تتكلم فيها معها بس اصبر شويتين بيصير احلى

لاتنسى يمكن هي في البدايه تتغلى وتثقل لزوم دلع البنات بس مو مشكله لمن تشووفك متشوق عليها بتعطيك اكثثر مما تعطيها انت

والله يوففففففففقكم

اشكركم على ردودكم العطرة

يعني الخلاصه حبه حبه تجي المحبه