السلام عليكم ورحمة الله
أشكركم على هذا المنتدى الرائع وأود أن أطرح مشكلتي مع طفلي العنيد,والرجاء ممن لديه العلم النافع والتجربة الجيدة أن يفيدني.
أنا طفلي عمره سنتين وثلاثة شهور تقريبا..
هو طبعا الأول لي ..والأول في عائلة أبوه..يعني أعمامه وعماته مو متزوجين وهو طبعا المحبوب عند الكل ودلوع جده وجدته..
كل طلباته تتنفذ حتى لو كانت صعبة أو غلط
والنتيجة بالأخير صار يضربني ويضرب جدته ويجرها بعبايتها أو بمحرم الصلاة إذا يبغى شي
هو صحيح طفل بس أحيانا تكون الضربة قوية يعني ممكن بكاس أو حجر أو أي شي يرمي أي أحد
أحيانا لما يعصب وأحيانا بدون سبب..
حاولت أشتت تفكيره وألهيه لما يحاول ضربي
وحاولت أضمه وأسحبه بهدوء لصدري
لكن للأمانة مو دائما تنفع هذي الحلول ويوم عن يوم ضربه يزيد وآخر شي خربش لي وجهي بأظافره ورمى الرضاعة في وجهي بقوة على أنفي
أرجوكم ساعدوني بحلول تربوية ناجحة على المستوى البعيد..
خايفة أضربه ويطلع معقد ويكرهني لما يكبر
وخايفة أخليه ويتأثر سلبيا عليه وعلي في المستقبل.
أرجوكم أعطوني طريقة مع العلم إني قريت موضوع مشابه لوحده من الاخوات هنا في المنتدى ولقيت حلول لكن أغلبها مافادتني.
وجزاكم الله خيراً.
اللي خلاني أكتب هالموضوع إني الليلة ماقدرت أصبر عليه وضربته ونام وهو يبكي والحين قلبي يتقطع عليه ونفسيتي زفت وندمااااانة.