يالله
وش ها الحيـاة !!
وش ها الــذل !!
صحيـح مو كل حي بداخله إحساس حي
الله يـكون بـ عونك يا خـوي و يفرج همك و يكتب لك إللي فيه الخير

__________________

أفــتقدُ ح‘ـَـبُ الحيــآة

تلاقيها مقهوورة اكثر منك و جالسة على اعصابها .. استمر في التطنيش و لا تطلق ياخوي
استمر في التطنيش .. هي مستغربة تطنيشك و بدأت تخاف إنك تبدأ تهملها و تشوف لك شوفة تانية

ياخوي نحن حريم و فاهمين بعض
هذا معنى كلامها ، إنها بدأت تخاف من تطنيشك و كانت متصورة إنك راح تلاحقها زي دايما و تترجاها ترجع لك
و تذلك اكثر عند اهلها ،، طنشها كمان لحد ما تتأدب وشوف هي راح تلاحقك

عندي مداخلة سأضعها فيما بعد .

الله يفرج لك همك ويعينك
انا متابعه لمشكلتك من الأول والحق معاك وزوجتك فيها نوع من الخبث والمكر وانت مافهمتها زين من الأول
المسج الأخير منها صدمه لها لأنك طنشتها وماترد عليها ولاتسال
ابتدت معاك الآن على الوتر الحساس ..الغلا والحب والشوق
اتركها ولاترد عليها حتى تشوف منها مسجات اعتذار ووعد بان الي صار مايتكرر...اياااك والطلاق
زوجتك ابتدت تفكر زين وبتعيد حساباتها بس يبي لها وقت
الله يصبرك
وخلك ثقيل ولاتتراجع مهما اغرتك بالمسجات ..
احنا الحريم لما نشوف العين الحمراء نخاف وبعدها نرجع للمشاكل ووجع الراس
زوجتك ماتبي قرصه وذن يبي لها كسر راس حتى ماتتعود لاأهانتك قدام اهلها

رازان ....الجليله شكرا لكما .


شقول ووش أخلي ..... آه يا قلبي .

البارح كلمني أخوها ( اللي دخل بيصلح بينا مو زوج أختي ) جوال عشان نجلس ونصلح وضعنا في هالويكند عشان هو بيروح العمل ولا بيرجع الا الويكيند الجاي ..........أنا قلت له أجلس وياها في مكان قبل ما تعتذر عن طردتها لي قدام أهلها ما راح يصير ذا الشيء ...قال لي طيب بطول المسألة 5 أيام زيادة لأني بروح العمل ....قلت له أنا ماعندي مشاكل في طول المدة أهم شيء مطالبي أبيها تصير مهما طالت المدة .......قال هو مافي مشكلة .

قلت له أقدر أشوفك شخصيا الأن .....وافق .....وجلست معاه ثلاث ساعات عشان يعرف مطالبي بشكل صحيح .
قال خلاص حتى يكون الكلام أكثر وضوحا سجل مطالبك كتابيا وأرسلها لي ....وأنا بجلس مع زوجتك نفس هذي الجلسة وتسجل مطالبها كتابيا ...وبعد ذلك يصير خير.

أخواني أخواتي :
طبعاً مطالبي هي أن لا يكون بيني وبينها أي تواصل إلا بعد أن تعترف بـ / وتعتذر عن فداحة أخطائها الأخيرة ( طردها لي أمام أهلها ...ورميها بنتي علي ولم تسأل عنها لمدة أسبوع )....بعد ذلك نتفاهم عن أمور علاقتنا الزوجية ومشاكلها.


اليوم الجمعة : اتصل بي أخوها عشان بجيبها الشقة بتأخذ اغراض لها ..قلت مافي مشكلة.

اتوا الى الشقة عند الباب اتصل على أخوها ...وصلنا ...نزلت أنا... لم أكلمها ولم أطالع فيها .. طلعت هي صعدت الى الشقة وأنا تحت مع أخوها نسولف سوالف عادية ..

بعدين نزلت ...ومشوا .

وأنا أصعد على الدرح كنت أحلم بأحلام ورديه أن تترك مثلا رسالة اعتذار أو شيء يليلن القلوووب .

ولكن هالأحلام الورديه صارت حقائق سوداء .

لاحظت أنها شالت صورها لييلة الملكة كلهم .......
.والأدهى من ذلك كله أن في صوره لي أنا وهي مع بعض لليلة الملكة قصت ( مزعت - شقت ) الصورة نصيين وأخذت صورتها ...وصورتي رأيتها مرمية على الأرض .>>>>>>> قلبتها مليون مره في رأسي ما ني عارف وش معناها الحقيقي .



أنا فقط أقول تعبت ولا أستطيع أفكر .....ولم ألجأ إليكم أخواني وأخواتي لمجرد الفضفضة أو سرد حياتي الشخصية و إنما طمعاً في مساعدتكم لي بالنصح والمشوورة .

اخي تصرفك بمحله ..

خلي زوجتك بيبت اهلها و استمر في تطنيشها

حتى لو استمر الامر شهور .. علها تفهم انك قادر على الاستغناء عنها

حينها ستخاف من فقدانك و ترجع لرشدها

اما بخصوص اختك فا ان شاءا الله زوج اختك يكون واعي و ما يخلي هذه المشاكل تاثر عليهم

حاليا.. تفاهم مع والديك و بين لهم انك ضد تصرفات زوجتك و انك قررت ابعاد فكرة الطلاق لاجل ابنتك

لكنك لن ترجعها و انما ستطنشها الى ان تعقل

ايضا وصل لهم ضرورة معامل زوج ابنتهم بشكل لائق لياحفظوا على حياة ابنتهم الزوجية


و بنفس الوقت اقعد مع اختك و زوجها و اتفقوا ان تكون علاقتهم باهالي بعض رسمية و ان يحافظوا على سرية امورهم

فقد رأوا ما يسببه نقل الكلام بين الاهل


و ان شاء الله مع مرور الوقت تتعقل زوجتك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

فرج الله همك وزوجتك تحتاج الى من يوفقها عند حدها واستمر في التطنيش لما بعد العيد لعلها تراجع نغسها

وعند وضع حوار معها شدد على شروطك حتى تعرف قدرك

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

أخوي

لو إنه قلبها مو محروق من تطنيشك لها ، ما كانت قصت الصور و اخدت صورها
تبغى تلويي ذراعك علشان تروح تترجاها ترجع لك البيت

هي دحين اللي كان في راسها ما صار لها و انقهرت

أنا اقول لك هي في ايش كانت تفكر ؟؟؟؟؟؟؟؟

هي كانت تفكر :
1 - اعمل مشكلة بين اخوي و زوجته و اللي تصير اخت زوجها و اللي هو انت ، علشان تبغى تتفرج عليهم
و تقهر اختك .. حركات حريم
2 - من امن العقوبة اساء الأدب ، فهي أمنت عقوبتك علشان كذا اساءت الأدب عليك قدام اهلها
كانت تبغى تعتذر منها علشان تكسرك و تكسر اختك و اهلك و ما صار اللي في راسها و الحمد لله

المهم ، هي ما صار اللي في بالها و بدأت تدريجيا تحس بالمهانة عند عندها لكنها تكابر
و رسايل الإستعطاف اللي ترسلها لك ، ترى مو علشان سواد عيونك ياخوي .. لا ينضحك عليك تراها مكارة اسمح لي
( هي تبغى تستلين قلبك بالرسايل هذه ) علشان تروح تترجا اهلها إنك رجعتها و تثبت هي قدام اهلها إنها تقدر
تخليك خاتم في اصبعها و تمشيك على كيفها وو ماحد يدري عن اللي بينكم و الكل شايف الظاهر


حركة تقطيعها للصورة ، علشانها انقهرت من تطنيشك لها و توقعت إنك تترجاها تجلس ..


تبغى حياتك تمشي عدل و حياة اهلك و اختك و تنتهي من المشاكل ..
مابقي لك إلا القليل بإذن الله و صدقني إنها راح تتعدل بس يبغى لها تأديب وو قرصتين اذن ..كيف ؟؟؟؟

- خليك مطنشها كمان فترة .. و هي راح تستغرب اهمالك و تطنيشك و راح تخاف ..
- خليك عند موقفك ، اعتذارها منك عن الحركة الأخيرة اللي حصلت ..
- اخر شئ ، بعد ما تعتذر لك ترجعها بشروط ..إنه ما عاد تنقل مشاكلكم عند اهلها و ما عاد تدخل حالها في حياة اخوها
و تحترمك و لا بيكون لك تصرف اشد المرة الجاية

اخوي نحن حريم و نعرف ايش اللي يأدب الحرمة ،، لكن الطلاق مو حل أبدا

/
الله يكون بعونك ويساعدك تحل هالمشكلة
زوجتك بصراحه واعذرني على هالكلمة ( قليلة احترام) ..
لكن اسمع مني ياخوي الطلاق لاتفكر فيه ابد ابد
البنت مسكينه راح تضيع بينكم ومالها ذنب
:
طنشها والله العظيم مافي شي يحرق قلبها غير تطنيشك لها
واذا تبيها تنحرق زيادة ويطيح الحطب اللي براسها .. خذ بنتك عندك ولا تشوفها الا مره بالاسبوع او الاسبوعين
يمكن احساسها بالامومه راح يحرك مشاعرها ويخليها تعتذر لك وتتنازل
واذا صار ورجعت لك / لاتتعامل معها بلين وتنازل افرض شخصيتك عليها وحاول تأدبها عشان مايصير اللي صار مره ثانيه
بس طلاق لاتفكر فيه ابد
:
وصِّل لها اشاعه انك راح تخطب وتتزوج عليها ان مااعتذرت لك قدام اهلها وردت اعتبارك
راح تخاف صدقني وتحس انها بتفقد بيتها وزوجها ..
:
أسأل الله العظيم ان يفرج همك ويحلَّها من عنده
.

الحمد لله تطنيشك جاب نتيجه
اول النتائج دخلتها الشقه واخذ اغراضها والصور تلميح من الزوجه بقيمتها اذا زعلت من الزوج
على بالها تهددك انها راح تتركك بروحك لاااااااااااااااتستسلم ابددااااا لحركاتها
اول هزيمتها وسوت كذااااا

ومثل ماقال الرد الي قبلي طلع كلام انك راح تخطب وتتزوج بعد العيد وراح تشوف كيف تتصرف
ولاتتنازل ابدااا عن كرامتك بطردها لك من بيت اهلها

زوجتك ابتدت في التفكير انها راح تخسر زوجها وبيتها عشان كذاا ابتدت تستفزك بحركاتها

الله يقويك ويصبرك وينصرك ويهدي زوجتك ويعيدها لعقلها وترد بيتها وعقلهااااا