أخوي

حاول تستغل اللي حصل منها في كسب اخوانها .. خاصة المتزوجين منهم
هذا واحد و الحمد لله .. و شوف تاني كمان معاه تحسه ممكن يكون معاك

التصرف اللي هي تصرفته من سفر بدون اذنك ، يعني إنها ( بايعة )
و النكتة أكيد مقصده شئ واحد و إنت اللي راح تفهمه و هي ارسلت و هي قاصدة الشئ هذا

و العيب من أمها اسمح لي ..
زوج أختي ما يسمح لاختي تخرج مكان من غير اذنه ، و أم زوجها تحب الخرجات و تعلم أختي إنها تطنش زوجها
و اللي يصير ابنها و تقولها مو لازم تقوليله ، اكذبي عليه لإنه هي كذا مع زوجها

المهم ، أختي تعلمت من حماتها الطريقة هذه
أمي يوم عرفت خاصمتها و قالتلها ما تخرجي من غير اذن زوجك و لا الملائكة تلعنك
و ما تسمح لها أبدا حتى لو بيوم زوجها زعلها

ياخي تصرفها يدل على إنها متأكدة إنك راح تجي تعتذرلها و إنك ما حتستغنى عنها

لكن إنت إذا عملت مثل ماقال الأخ اوونلي هيومن .. خذ امك و ابوك و سافر معهم
و دام إنهاا ارسلت رسالة بعد ما إنت اتصلت على اخوها

فيا خوووووووووووووووووووووفي إنه أخوها بيشتغل عالحبلين و يقولها إنك تتصل و تسأل عنها
و هذا اللي مخليها تتطمن

لكن قفل جوالاتك و خذ امك و ابوك و سافر غير جو معهم و روح زور اقارب لكم في اي مدينة عندهم بنات
و هي راس تاكلها الغيرة و ترجع لك
و اكيد بيعرفوا من أختك إنه أمها و ابوها سافروا معك

و اتركها كمان اسبوع
هي بتستفزك برسايلها ، و لا هي منقهرة إنك كييييييييييييييف لحدالحين مطنشها و متحمل تجلس من غيرها ؟؟؟؟؟؟؟
الموقف هذا ، إذا عرفت كيف تستغله مضبووووووووووووووووووووط ..راح يصلح حياتكم كلها بإذن الله
و لو ما تصلحت من دحين ، فما راح تتصلح في المستقبل أبدا