نعم هي مشحووونه بسبب هالموضوع :
http://www.66n.com/forums/showthread.php?t=202866

الموضوع باختصار ...لما كنت بالخارج وهي بالسعودية عشان دراستها ...يوم من الايام خلت بنتي عند بيت اهلي وهي سافرت ويا امها لبيت أختها في مدينة ثانية لأنها جايبه مولود. ...طبعا هي ما قالت لأهلي انها بتسافر بس قالت لأبوي ..بعدين رسلت لها أمي رسالة ...ثاني مره لا تخلي البنت وتسافري عنها احنا صحيح اهلها بس البنيه تصيح ما تسكت لا ابوها جنبها ولا أمها ...

ردت على أمي برسالة نصها " أنا الغلطانه " ....أختى خطيبة أخوهم ذاك الوقت شافت الرسالة وأخذتها الحمية على أمي ....ووارسلت لها رسالة عنيفة ليش تتجرأ على أمي ...طبعا هالرسالة شافها كل أهل زوجتي تقريبا ..

وأهلي مشحونين عليها لأنها ما خلت واحد في بيت أهلها الا وقالت له ...مع العلم إنها هي الغلطانه وإن كان تدخل أختي غلط ورسالتها احتوت على ألفاظ قوية مثل ( وقاحتك ) و ( إن اكرمت الكريم ملكته وإن أنت أكرمت ...... )


طبعاً هذي أول مواجهة بين أختي و زوجتي ..

طبعاً أختي صاير لها موقف صعب جدا جداً ....كانت تجيها هي وخطيبها ...رسائل من إيميل مجهول
تحاول تفتن بينهم ...طبعا هالشخص المرسل يكتب أنا من بيت فلان ( يعني زوجها ) وفي تفاصيل دقيقة ماهي معروفة الا في بيت أهل زوجها ..



وأنا مشحوون عليها على تعاملها السيء جداً معي ...وعدم مراعتها لمشاعري تجاه أهلي ..

وصارت ليلة الزواج والمواقف وعقدت الأمور ...إلى أن وصلت إلى ما وصلت عليه الآن .

طبعاً التصرفات اللي صارت ليلة الزواج مو من أخوانها من خواتها ...وبعض من عيال أختها.

الرجال لم يغلطوا في شيء .....بس أبوي شايل عليهم جدا على مواقفهم ...ليش ما يحطوا حد لحريمهم ...وكل ما طالت المدة يشيل أكثر لأن يقول ليش ما يرجعوا أختهم ...( خلط عباس بدباس وشعبان برمضان على قيلتك )

هذي المشكلة أعقد من المشكلة اللي قاعدين تتابعونها الآن ...وإذا تذكر يا أخوي خاطب ومحتار أني قلت بكتب موضوع بعدين بس خلني أخلص من مشكلتي الحالية ...هي هذي المشكلة ...

قبل زوج أختي الحالي ....كان أخوه الي أكبر منه تقدم لأختي ...وافقوا أهلي وأختي ...لكن سووا فحص دم طلع ما في تطابق ...مع التفكير في الموضوع ...ما صار نصيب ...بعد مده تقدم أخوه ( زوج أختي الحالي ) ...ووافقت أختي وصار النصيب ..

طبعاً أخوه الكبير تزوج وحده ثانية وهي معاه في الخارج هو طبيب ورايح يكمل في التخصص ...


بعد فترة من ملكت أختي بزوجها .....قامت تجيهم رسائل من ايميل مجهول ....هدف الرسائل ..

أنه كيف أنتي تقبلي بواحد خطبك أخوه قبل ؟

وأنت كيف ترضى على نفسك تأخذ وحده خطبها أخوك قبلك ؟

هالرسايل تشتمل على إهانات وتهم ...

والشخص المرسل ...يقول لزوج أختي ...أنا أعرف فلانه أكثر منك وهي متعلقه بأخووك وووو

ويقول لأختي ....زوجك ترا كان يبي يأخذ فلانه ( زوجة أخوه ) بس يوم أخذها أخوه حب ينتقم منه وجاء وتقدم لك ..

والمرسل يقول لزوج أختي :
وأنا وأنت ربتنا أم وحده >>>>> يمكن يكون هذا تمويه ولكن في تفاصيل دقيقة جداً ما يدروا عنها إلا أهله ...


طبعاً ليش القضية تهمني : لأن من ضمن الخيارات المطروحة ( من قبل أختي و زوجها على حسب بعض المعطيات ) في أن المرسل هو زوجتي بالإضافة الى شخصين آخرين ..

هو طبعاً شك في أخته ( اللي هي زوجتي ) وايضاً أختي تشك فيها ...وزوجتي تعلم أن أختي تشك فيها ...


طبعاً نصوص الإيميلات كلها معي ....بس قلت خلنا ننتهي من هالفتنة ....ونعالج المشكلة الثانية ..


طبعاً لا أحد من أهلي يعلم بالقضية هذه إطلاقاً .....والذي أخبرني بالموضوع هي زوجتي ..وكنت مستغرب حينها ....

في تفاصيل أكثر بس ما أقدر أدخل فيها .