بلغ السيل الزبى ....كلمت زوج أختي ....كلم أمك بروح أخذ بنتي ...قال أوكي ...كلمهم ...رحت انلطعت ربع ساعة في الشمس وأنا أطق الباب ما فتحوا ...اتصلت عليه ما يفتحوا ...يقول لي كلمتني أختي ( يعني زوجتي ) وقالت لي وش دخلك أنت ...وليش تتدخل في الموضوع ....هو إذا جاء يأخذها يكلم فلان ( أخوها اللي كان يصلح ) ...وبعدين يجي يأخذها ....قال لها مافي مشكلة ..



الآن أنا طفح الكيل .....
وأدخلت المستشار اللي كلمتكم عنه في البداية يقول خلاص لازم تحال القضية إلى لجنة إصلاح ذات البين .... وعندي معاه جلسة الليلة .....خلاص بلغ السيل الزبي عندي ....واللي يجيبه الزمن يجيبه ..

وبنتي آخذها ولا أكبر شنب يوقف في وجهي .....وأنا أقدر أقوووم بأمورها ولا ني محتاج لأحد .

آخر المستجدات :


أرسلت لي رسالة تبارك لي دخول حلول شهر رمضان المبارك ...وذلك قبل ذهابي للمستشار ..

نص الرسالة :

رفع الله قدرك ...وفرج همك ...وبلغك شهر رمضان ....ودمت لمن أحبك ...وكل عام وأنت بخير .

رديت على رسالتها الآن بهذا النص :


الله يهدينا وإياك ويصلح حالنا في هذا الشهر الكريم , شكراً على الرسالة.

ردت علي الآن بهذا النص :


" آمين يا رب العالمين.

شفت ملاحظاتي ؟؟ "


طبعاً هي تقصد الملاحظات اللي أرسلتها لاخوها ( إذا تذكروا اتفق معنا ان كل واحد يرسل له الأشياء اللي بدونها ما راح تمشي حياتنا باستقرار )
طبعاً وي ما قلتلكم كان يتحرك ضمن سياسة معينة وإن الملاحظات اللي يرسلها كل واحد فينا هي له هو عشان يعرف وش يفكر كل طرف ولا علاقة لأحدنا بملاحظات الآخر.

غريبه جدا هي الزوجه مشاعرهامختطه حب وكبرياء..واحانااحس انها مسيره وليس مخيره

السلام عليكم

شخبار بنتك ؟؟؟ كلمتهم عشان موعد ثابت تشوفها فيه ؟؟؟ ترى هذا الطلب له فائدتين ... أولا راح يفهموا انك مو مستعجل رجعتها وخططك على المدى الطويل ... ثاني شي بتختصر مشاكل طلبها منهم وردتهم لك ... أشوف نصيحة أخونا اونلي هيومان بخصوص البنت عين العقل .

وش صار بخصوص أخذك لرقم تليفون اخونا هيومان ؟؟؟؟؟؟ في ما يمنع بقوانين الادارة انه أحد يحط رقم تليفونه بأحد التعليقات أو الردود ؟؟؟؟

الله يفرج همنا ببركة هالشهر الفضيل ان شاء الله ...

عليكم السلام أختي Beta2 :

بنتي ما شفتها من 10 تقريباً ...وبعد اجتماعي بخوالها قبل 3 ليال ...قررت أني لا أتكلم مع اللي كنت أرتب وياه إذا جيت أخذها ....قررت اني ما أتكلم معه حتى انه يرتب لي أني آخذ بنتي ..

الآن أنا أنتظر المستشار يتصل علي .....عشان يكون الترتيب عن طريقه .

وبالنسبة لأرقام التلفون ...نعم تمنع الإدارة ذلك ..

شكراً لكٍ ...تحياتي.

أتفق معك ...

كبرياء ...عناااد ...وقد تكون مسيره .

كيف تكون مسيره وهي تمشي الكل على كيفها ???
هذه حياتك نحن مجرد ننصح .. وتاخذ اللي يناسبك

بسم الله الرحمن الرحيم


أخواني أخواتي السلام عليكم ورحمة الله وبركاته وكل عام وأنتم بخير

الحمد لله رب العالمين أشعر براحة نفسية كبيرة جداً لما جلست مع المستشار بارك الله فيه ..


جلست معه حوالي 3 ساعات ....أوضحت له كل شيء ...كل شيء ..

قلت له أني أتابع القضية مع عقووول كثيرة وذلك من خلال هذا المنتدى المبارك.

أطلع على موضوعي هذا بشكل عابر ...

وصلنا إلى نتيجة أنه الشخص الأقدر على حل المشكلة هو أنا ..

أتفقنا على أنه سيقرأ هذا الموضوع كاملاً ...مشاركة مشاركة ...

وعند انتهائه من قراءة هذا الموضوع سيتصل بي ...للتفكير في استراتيجيات حل المشكلة ....وهو قادر على أن يتواصل مع أخو زوجتي ( اللي كنت أتحرك معه للإصلاح ) وهما قد اجتمعا سابقاً ( كما أخبرتكم ) مع بعضهما البعض مرة من المرات لوضع استراتيجة لحل المشكلة ....وأخو زوجتي كان يمشي على هذه الاستراتيجة ..

الآن وبعد إطلاع المستشار على التفاصيل الدقيقة وحقائق ومعطيات أكثر حول المشكلة ....أتفقنا على أن نتعاون معاً على وضع استراتيجية أخرى ....وأنا متفائل جداً ومرتااااااااح نفسياً والحمد لله رب العالمين ..

طبعاً أتفقنا أيضاً أن أخبره عن أي مستجد ...وكذلك سيخبرني عن أي شيء ولن نتحرك إلا بعد الاتفاق مع بعضنا البعض ...حتى لا نقع في الأخطاء السابقة ..

والله أني مرتاااااااااح جداً .

الحين أقدر أعيش حياتي

الحمد لله أن وفقني في هذا المستشار ....الله يوفقه دنيا وآخرة ..


أنتم أخواني وأخواتي جميعاً شكراً لكم ...

وشكر خااااص جداً للأخوة والأخوات ( بدون ذكر أسماء لأنهم يعرفوا روحهم زين ) الذين تابعوا المشكلة بتفاصيلها الدقيقة ...ولو لا الله ثم نصائحكم ووقفكم معي لما وصلت إلى هذه المرحلة من الرااااحة النفسية ...

على العموم سيبقى هذا الموضوع مفتوحاً لمتابعة الأحداث ...ولا نستنغني عن أرائكم .


تحياتي