أختي اذا انتي ما تحملتي مع زوجك باوضاعه الصعبة من راح يتحمل ؟؟؟؟؟؟؟؟؟؟؟؟؟؟

الرجال رجع مريض ومسخن وهو كان أصلا بدورة ... اقرأي رد أخونا عزوبي بس رجل مرة ثانية وحطي نفسك بمكان زوجك ... تخيلي انك اشتغلتي البيت كله ومن الفجر لبعد العشا وانتي تشتغلي وبعدها مرضتي ...راح يكون بنفسك جماع أو حتى حضن من أحد ؟؟؟؟؟...
ما راح تكوني محتاجه غير انك ترتاحي ..صح ؟؟؟.

والواحد يقدر انه يجامل ويغصب نفسه على الضحكة مجاملة لأصحابه لكن يحب انه يكون على طبيعته مع زوجته وبيته ... اذا ما كان على طبيعته معاكي وانتي ما قدرتي تعبه من بيقدر ... لا تخليه يحس انك مو حاسه فيه ... حطي نفسك مكانه وتحمليه شوي .

لو ما كان يحبك راح يصير يحبك بسبب تصرفك معاه وبسبب حنانك ... انتي الحين زوجته .مو أي أحد ثاني... الباقيين راحوا .
أدري انه شعور سيء انك تكوني متوقعة شي وما يصير مثل ما توقغتي لكن الواحد ما يحصل اللي يبيه دايما ..

هو ما يشتغل .. يعني تعبان ماديا ..بدورة يعني تعبان جسميا .... يمكن ما يقدر يكلمك بالتليفون من الدورة بسبب ظروف الدورة ...

هو دخل البيت تعبان ... وما كان عنده ىرغبه للجماع بسبب التعب ولما شاف موقفك منه زادت عدم رغبته بالجماع .... حتى لو ما قلتي شي لكن أقدر أخمن انه زعلك ظهر بتصرفاتك وعلى وجهك ... حس انك مو مقدره تعبه فصار عنده نفور منك ...

اقعدي مع زوجك وكلميه عن نفسه مو عنك وعن أحوالك ...اسألي زوجك عن دورته وبالتفصيل ..خليه يكلمك عنها وش يسوي فيها وكيف نظامه اليومي ... يمكن الدورة سببت له تعب كبير ... مو كل الاجسام واحد ومو كل الناس تقدر تتحمل مثل بعض ...

اذا ما حس بوقفتك معاه بالوقت اللي هو تعبان فيه من بيحس معاه ...هذي فرصتك تكسبيه وتخليه يحبك ... خليه يحس انك انتي اللي له بالدنيا بدل ما تخليه يندم على فراقه لحبيبته ... خليه يحس انه كان قرار صح انه تزوجك انتي مو أحد ثاني غيرك . .....

بعد طفلك هذا وقفي عن الحمل شوي حتى تتضح لك أمورك مع زوجك ...واذا اتفقتوا كملي تكوين العائلة لكن ما تظلي تحملي وانتو بمشاكل وبعدها ما تشوفي الا وانتي مطلقة مع 5 او 6 اطفال ...


عموما لسه بكير كثير على قرار الطلاق واليأس من الحياة الزوجية ... بعدك ما حاولتي كفاية

ربنا يصبرك ويهديكي ويهدي لك زوجك ويسخره لك ...