يا اختي الله يهديك وش هالكلام..

اقول احمدي ربي الي ماحطك بمثل هالوضع ربي قادر على كل شي ..

وبعدين اذا كل زوجه زوجها خانها راحت لاهلها وتطلقت كان اغلب الازواج مطلقين ..

انتي تنقصك الخبره عن هالامور هو من ناحية الشرع خيانه ومعصيه لله سبحانه وتعالى وحلها تقوية الوازع الديني بكل الاشكال الرفقه الصالحه..المحافظه على صلاة الجماعه ..مراقبة الله بالسر والعلن...
لكن ايضا لها مسميات اخرى فالطب النفسي فالشخص الي يمارس العاده السريه له علاج ويكون طويل بخطوات مدروسه والشخص الي مدمن على العلاقات كمان له علاج وخطوات حتى يتخلص من هالمرض لانه مرررض قولي الله يعافينا مما ابتلاهم..
وكمان صبرها وجهادها في صلاح زوجها يحسب لها عند الله ومايضيع شي عند الله سبحانه وتعالى وبكذا تكون سبب في هدايت زوجها وصلاحه وكتم اسرار بيتها وتقربها من الله اكثر..واذا مانفع كل هالاشياء عندها يصير الفراق..مع اني اجزم ان اغلب البيوت مليئه باشكال زوجها مع الفتن الي حنا فيها لكن البيوت اسرار...

ماادري شقولك بس ردك قهرني واحسه محبط واي وحده بتقرا كلامك بتبطل مواجهه وبتطلق..
انتبهي يا اختي للي تكتبيه اذا ماكان كلامك للاصلاح فلا تردي وانتي عارفه ان هم الشيطان هو التفرقه بين الازواج وبعدين لو كلامك هذا في عهد الصحابه ولا التابعين كان معك حق لكن بزمنا هذا القابض على الدين كالقابض على الجمر...

__________________

يالله .. لا تزعلون .. مو قاصده اسوي مشاكل .. ترى اختلاف الرأي لا يفسد للود قضيه ..
انا متقبله كافه الردود ..

حبيباتي بيتا و بناتي غيروني- مشكوووورييين على الردود يالغالين.. بس لا تنقهرون .. عادي .. هههه ..
موضوع مثل الخيانه ترى مب هين .. و اللي ما عاشه مو ممكن يتفهم ..

حبيبتي ليه الغرور .. مشكوووره يالغاليه .. انا لو كنت مكانك و مو عايشع الدور فعلا كنت راح اقول و احس اللي تحسينه .. اصلا انا لو احد طلب رأيه يييييمكن اقولها ايش تبين من واحد يخونك ووووو .. لكن سبحان الله , مو قادره اطلع من البيت .. مو قادرة انهي العشره بسهوله .. أدري انه اهو غلطان و مو مستاهل كل هذا .. لكن سبحان الله , يمكن ربي عطاني هالقوه عشان استحمل , أو , مادري ..
صعبانه علي اتركه في رمضان .. و هاي أو رمضان من بعد ما جبت ولدي .. صعبانه علي انه ولدي ما يحضر ولا عيد و اهو وسط امه و ابوه .. و لو كان ابوه بهالصفات ..
مادري .. صعب علي اشرح ..

انا حاليا ما طلعت من البيت , و ما تكلمنا بالموضوع, الا اشوي .. اسلوبي رسمي معه جدا لما نكون بروحنا .. و لما نكون وسط اهلي أو اهله اكون عاديه و حنونه و اهتم فيه ( يعني في وقت الفطور , لان حنا نفطر يا عن هلي يا عند هله ) ..

مادري .. خلنا نشوف ..

الله يكون بعونك و يفرجها عليكِ و يهدي زوجك و يرده إليكِ رداً جميلاً و يعصمه من جميع المعاصي و الخيانات و تكوني قرة عين له بحيث لا يراكِ إلا أنتي في عينيه

عليكِ بالدعاء و الإستغفار...لأن ربك قدير و كريم بأن يغير حال زوجك في لحظة لأن الله إذا أراد شيئاً قال له كن فيكون

اللهم آمين يا رب العالمين

__________________

أميـــــــــــــن يالغاليه أمين

الله يعينك ويصبرك ... ما شفتي تغيير عليه برمضان ؟؟؟

ليه ما رحتي لاختصاصي استشرتيه ؟؟ يمكن لازم تتعاملي معاه بطريقة معينه تفيدكم أكثر ...

طمنينا عليكي .. ما ادري ليه شايله هم مشكلتك أكثر من أي مشكلة ثانية بالمنتدى

اتمنى ترجعين لموضوع الاخت ام وقاص وتقريه اكثرمن مره وقتهااحكمي اذاهو يستاهلها ولا لا

كيف تجزمين ان اغلب البيوت مليئه باشكال زوجها..معقوله اغلبهاازواج لايعاشرون زوجاتهم بشكل طبيعي

معقوله اغلب الازواج يمارس العاده السريه مع زوجته وامامهاويطلب منهااشياء حرمهاالشرع...

من خلال تصفحي النت والمنتديات شفت شكاوي لانواع من الخيانات..لكن مثل هذاالزوج ماشفت اي زوج مشابه له..
الطلاق حلل لأسباب ياأختي اذا ماكان هذاسبب للانفصال في نظرك اتمنى توضحي السبب الي يستحق ؟

اناآسفه..اختي

(انك لاتهدي من احببت و لكن الله يهدي من يشاء)

قرأت موضوعها وتمعنت فيه زين وياما قريت خيانات اكثر من اللي يصير مع اختنا ام وقاص وبعدين هي مالقت دليل مؤكد انه زنا هي بس شكوك وزوجها متمسك فيها ويحبها وحياتهم ماشيه قدام الناس ماحد يدري عن الي بينهم..ليش الفضايح وخراب البيوت لازم تتعب في سبيل حياتها الزوجيه وعشان طفلها..ماتبي تفضح زوجها قدام اهلها ويقللون من قدره تبغا تحافظ على سمعته حتا هو مابينسا لها هالشي ...

وبعدين والله الذي لا اله غيره لوكل مشكله بالدنيا ليس لها حل الا الجوء الى الله لكفا..لكننا نغفل عن هالشي..يا اختي حلك مو عند المنتديات ولا الاستشاريين ..حلك عند رب العالمين هو الهادي قادر ربنا يهديه لا تيأسي خليك تدعي وانتي موقنه بان ربي سيستجيب وبيهديلك زوجك..ادعي باوقت الاستجابه يا اختي احيان هذي المشاكل تزيدنا تقرب لخالقنا فا احمدي الله..
انصحك حبيبتي ام وقاص تشوفي موضوع الاخت العزيزه لمني بشوق وبرنامجها الزوجي الرمضاني وحاولي تطبقي منه بعض النصائح...احيان الشخص يكون مصلي ويصوم لكن القلب خالي من مراقبة الله ..هذا الي يصير مع زوجك..ابداي معاه حبه حبه واسألي الله انه يعينك على صلاح زوجك فهو القدوه لك ولابنائك..

انا كنت واقعه بمشكله قريبه من مشكلتك لكن لجأت لله سبحانه وتعالى واول ماهداني لهذا المنتدى الغالي الي استفدت منه كثير وكنت ادعي باوقات الاستجابه ان يصلح لي زوجي ويجعله خير قدوه لي ولبناتي والله مامرت اشهر الاوطريقتي في التعامل كلها تغيرت وربي عطاني فصاحه في الكلام كنت اتكلم معاه بكلام يدخل قلبه على طول بدون ماتكلف بتنسيق الكلمات والجمل وكنت دايم ادعي بدعاء سيدنا موسى عليه السلام ..((رَبِّ اشْرَحْ لِي صَدْرِي . وَيَسِّرْ لِي أَمْرِي . وَاحْلُلْ عُقْدَةً مِّن لِّسَانِي . يَفْقَهُوا قَوْلِي))...
حاولت انصحك بالي نفعني وكلامي كتبته على بعض بدون ترتيب واتمنى يفيدك..والله اني حاسه فيك الله يشرح قلبك وييسر امرك ويفرج همك وغمك ويصلح زوجك..ااااامين..

__________________

صحيح ولكن الدعاء يغير القدر ..حتى اذا كان لم تكتب له الهدايه لكن مع الدعاء والتضرع قد يتغير كل شي ويبدل الله حاله ..يقول الله سبحانه وتعالى ((ادعوني استجب لكم))..وكله بعد مشيئة الله سبحانه وتعالى....

__________________