لحظة زينب


هل تفرق المتعة بين البكر والمطلقة؟؟

البكارة في أقل من ساعة تزول وتصبح البكر مثل المتزوجة ولا يؤثر ذلك على الإستمتاع


الفرق يكون في نظرة وإحساس الرجل تجاه البكر والمطلقة

والبكر تختلف عن المطلقة في مشاعر الخجل من الزوج والتي يتمنى كل رجل أن يكون هو الفارس الذي يكسر ذلك الخجل
المسألة نفسية لدى الرجل وليس لها علاقة بحالة المرأة قبل الزواج


المطلقة يجب أن تعزز ثقتها بنفسها من خلال الأفكار الإيجابية وتقبل الواقع بتفاؤل مهما كانت نظرة المجتمع لها
يجب أن تستشعر أنوثتها وحيوتها مهما قست الظروف



الله يوفقك يازينب ويبدلك بالزوج الصالح

عـادي فديتج ، فوق كل هَـ البشر [ الله ] موجود

وكل وحده اصبرت سوى على ريلها أو على شي ثاني

أجرها محسوب عند الله

وإذا العوض مو ب الدنيا بيكون العوض ب الآخره

والحمدلله إن الرزق على الله مو على العبيد ..

وإذا الوحده منا كان لها نصيب إن تتزوج ب تتزوج لو غصب عن الدنيا كلها

وإذا الله مو كاتب فَ لا حول ولا قوة إلا ب الله

: ) أهم شي إن نكون مع الله .. [ من وجد الله ماذا فقد ؟ ، ومن فقد الله ماذا وجد ؟ ]

عشان كل ذي الأشياء آنه متفائله خير ..

وحتى لو كنت احس ب فراغ عاطفي

والله ما كتب لي إن أملي هذ الفراغ راح اتنايى هَـ الشي

والحمدلله ربي عطانا اشياء وايده .. ومنها العقل

نقدر نستفيد من كل ثانية في حياتنا حتى لو ما تزوجنا

أما اللي ينظر للمطلقه ب نظرة دونيه

فَ آنه متأكده إن اهوهـ " دوني " لأن [ إن أكرمكم عند الله اتقاكم ]

ما قال [ إن البكر اتقاكم ] صح ولالا ؟

ف ابتسمي فديتج ^_^ [ ابتسمي ف إن العالم آلة تصوير ]

قلتي انه عندكم نسبه كبيره من المطلقات

و لهذا يتزوج بسرعه ويطلق اسرع

و هذا سبب انه ما يشيل بخاطره وضعها مع زوجها الاولي


انت تشوفين وضع مجمتعكم سليم بكيفك

الناس كمان حره في المجتمعات الثانيه و تشوف وضعها سليم


انت طلبتي تعرفين ارائنا هذا رائي

و النفس وما تريد

بتغصبين على البنت ولا الولد انه ياخذ مطلق او مطلقه


ما يحقلك توصفين باقي المجتمعات بان نظرتها دونيه و سوداويه

اقتباس:

المشاركة الأصلية كتبت بواسطة رواء الإيمان لحظة زينب

صج صج آحبج .. جذي لله ف لله مو عشان شي والله يعلم : )

تبين الصج ؟

سبب سؤالي كان .. المواضيع اللي قريتها في المنتدى

خايفة إن تكون فكرتي عن مجتمعي واللي اشوفه مجرد مثاليات !

وإن تكون نظرة الرجال عندنا مثل نظرة أي رجال خليجي !

خايفه إن انصدم ب واقع غير عن اللي اشوفه !!!!

: ) آنه بعد طلاقي ... ما أخفي عليج فقدت جزء كبير من ثقتي ب نفسي وب الناس وب العالم والدنيا وكل شي

قبل لما أحد يمدحني استانس واستحي وافرح

ألحين من أحد يمدحني اقول في خاطري .. " ليش مدحتني ؟ يمكن شفقانه علي "

مع إن والله الكل يدري عن اخلاقي آنه شلون وأخلاقه اهوه شلون كانت !

حتى البسمه والله صرت احسها حرام على شفايفي

لأن من توصل الساعه 1 بعد منتصف الليل .. كل طاقه سلبيه تلبسني

احس ب كآبه ب حزن ب ضيقه

احس ذكرياتي معاه اتزورني

عذابي وحتى الوقت اللي يمر وآنه مستانسه واللمسه والهمسه وحتى الهواش

اقعد افكر ليش جذي صار ؟؟

مع إن اجزم لج إن تطلقت منه بسبب خياناته لي ... بس احياناً اقول يمكن آنه فيني غلط ؟

ولا ليش يخوني ؟

معقوله قصرت معاه ؟

وبعدها ارد وارجع وافكر واقول .. إن اهوه قبل لا يشوف خيري وشري خاني

من أول ايامي معاه ! كسر فرحة العروس ابداخلي !!

صدقيني الحياة جذي متعبه وايد ..

احس ب عاطفه فيني لا قدر اهوه يشبعها ولا ألحين بعد ما تطلقت منه اقدر اشبعها لأني مو على ذمة رجال

لا آنه عشت معاه حياة زوجية سويه

ياليت .. إن يكون تفكيري كله ازمة وتعدي

لأن اذا استمريت جذي أكيد راح يصير في عقلي شي !!

ومن أحد يسألني عن حالي أو يقول لي " شفيج "

دموعي تسبقني ..

احس إنه كسر في داخلي شي

احس انه كسرررررني كلي

ليش جذي ؟ ياخذون بنات الناس ويعذبونهم !

احنا أمانه عندهم !

أبوي قال له " بنتي امانه عندك إذا ناوي اتعذبها ردها لي ترى مو مستغني عنها "

انزين الرسول " صلى الله عليه وسلم " قال رفقاً ب القوارير

اللي صار لي بالله يرضي منووو ؟؟

يرضي منوو ؟؟


تعبانه .... بس آنه كل يوم اقول حسبي الله ونعم الوكيل فيه


وماراح اسامحه

ويوم القيامه أبي حقي منه

صج كسر قلبي

كسرررررررررررررر قلبي

والله والله رفقاً ب القوارير رفقاااااااااااااااااااً ب القوارير

: / عبالج يهمني اتزوج عازب او امطلق او معدد أو حتى ما اتزوج ؟؟

ما يهمني كثر همي إن آآنه ألم شتاتي واتفائل أكثر

من اتذكر رحمة ربي اتفائل وافرح إن رزق الناس مو بيد الله مو بيد عبيده

في النهاية ... قاعده احاول ابتسم كثر ما اقدر

لأن أبوي وأمي وأختي وبنات خالتي وكل اهلي ينتظرون هَـ الابتسامه عشان ترضيهم وتطمنهم إن آنه بخير

ف ابتسم ..

لكن الساعه وحده كل ليله ... لي موعد مع العذاب !

تسلمين يا قلبي على دعوتج فديتج آنه .. الله يوفقج يارب

اقتباس:

المشاركة الأصلية كتبت بواسطة susu99 قلتي انه عندكم نسبه كبيره من المطلقات

ونسبة الطلاق مرتفعه عموماً ب الخليج مو بس ب مجتمعي !


هذا رأيج ؟ ... على راسي أختي وعلى عيني

غريب أمرج ، مع إن آنه ماكنت قاعده اتناقش ب أسباب كثرة الطلاق في المجتمع

عموماً هم مشكورة ... والاختلاف في الرأي لا يفسد للود قضية

الله يحبك يازينب ويحبب فيك خلقه


أحسنتي هذا الكلام اللي ودي أقراه
ومشاعر الحزن والألم والوحدة طبيعية جدا لا تكبتيها عيشيها بمستوى طبيعي ولا تبالغي أو تستسلمي
ومثل مافيه أزواج خاينين فيه أزواج مخلصين
وماتدرين ربي ليه كتبلك هالخاين وطلقك منه يمكن لحكمة وسعادة ماتتوقعيها
الطلاق مو نهاية الأنثى بالعكس أحيانا يكون بداية لأنثى مميزة وقوية
وتأكدي أن الحياة لا فرح دائم ولا حزن دائم
والذكي من يستغل لحظات الفرح ويتجاهل اللحظات الحزينة ولا يعطيها أكبر من حجمها



على فكرة زينب
<<<< أختك أرملة في عمر 18 ثم مطلقة في عمر 21 والآن متزوجة والحمدلله
والحين أضحك على حزني السابق لأن السعادة لا تنحصر في وضع معين

الله يفرج همك ويلم شملك ويرزقك بأكثر مما تفائلتي

اقتباس:

وماتدرين ربي ليه كتبلك هالخاين وطلقك منه يمكن لحكمة وسعادة ماتتوقعيها الطلاق مو نهاية الأنثى بالعكس أحيانا يكون بداية لأنثى مميزة وقوية

بيني وبينج ، في لحظات افكر .. إن يمكن لو ماتزوجته لمدة هالسنه

يمكن كان صار لي شي أعظم ومصيبه أكبر من هذي

واحمد ربي ... والحمدلله على كل حال

: / وآنه مؤمنه إن دوام الحال من المحال

بس الخوف من المستقبل ما اظن انه بيفارقني !!

/

اقتباس:

<<<< أختك أرملة في عمر 18 ثم مطلقة في عمر 21 والآن متزوجة والحمدلله والحين أضحك على حزني السابق لأن السعادة لا تنحصر في وضع معين

يوووه .. فديتج قلبج

اللي مريتي فيه أكيد وايد صعب ، وأكيد اصعب من اللي آنه مريت فيه

بس أكيد كل شي ب أجره

والآكيد إن الله يحبج ، عشان جذي كل هذا صار لج

عسى الله يعوضج عن كل لحظة حزن ذقتيها

:/ والله يزرع لج ب كل ثانية خير ب الدنيا والآخرة ..

والله يا خواتي ما اتمنى لكم إلا كل خييييير والله يعلم

::


susu99 : سامحيني فديتج إذا ضايقتج ب كلمه

لا اختلاف مذهب ولا اختلاف رأي يغير من أخوتنا شي

وأكيد كل واحد ورايه واسمحيلي

اموفقه ^_^

فعلا انا لاحظت واسمع الكثير ان المراة المطلقة في الخليج لا يعيبها شيء..

ولكن لدينا، في بلاد الشام، المطلقة تلقى صنوف العذاب، بشتى المجالات..

اختي زينب، اسال الله ان يعوضك خيرا منه، وينسيك ايام الهم والغم..

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..

انا منفصلة عن زوجي وعمري 22

وعندي ولد لسه ما كمل سنه

وألحين حاطة براسي ما اتزوج اي احد لا مطلق ولا معدد

ابغى واحد ما شاف الحريم الا امه واخواته

ابغى واحد دين واخلاق ،، واذا ماحصل اجلس عند اهلي واربي ولدي ابرك لي من الرجال الدنيا والعمر قدامي لسه صغيرة واللي كبري لسه يتدلعوا ببيوت اهلهم فليش انكد على عمري ابغى اعيش حياتي كأني بنت ما تزوجت وولدي هدية من ربي ـوان شاء الله ربي بيرزقني اللي اتمنى :14:

اللي خلاني اقول هالكلام هو مجتمعي بنت جيراننا مطلقة وعندها بنت وعمرها 35 وتزوجت واحد اعزب واصغر منها وكثييييير عندنا عزاب يتزوجون مطلقات وعندهم اولاد

على حسب الزوج وتفكيره
اسال الله ان يرزقك بالزوج الصالح
وتعيشين معه مثل الاميره
انتي وجميع المطلقات والعازبات
والارامل وكل من تريد الزواج
يارب

__________________
‏​‏‏​‏يَحيا المؤمن بيَن أمرين + ( يسر وَ عسر ) ، وَكلاهما " نِعمة " لو أيقَن !ففِي اليسر: يكون ☇ الشكر ♥ [ وَسَيَجْزِي اللَّهُ الشَّاكِرِينَ ]*وَفي العسر : يكون ☇ الصَبر ![ إِنَّمَا يُوَفَّى الصَّابِرُونَ أَجْرَهُمْ بِغَيْرِحِسَابٍ ]