انا عن نفسي لو حصل لي الموضوع مع زوجتي امرره عادي
بس ممكن اتونس عليها و اقلبها من ناحية المزح و اقول لها انتي من وين تعرفين الرجال؟ طبعا و تكون عارفه اني امزح

بس بالعكس شيء طيب انه الشخص يعرف شكل البائعين اللي يتعامل معاهم. اقلها تصرفينها و تقولين احفظ شكله من دواعي امنيه (هذا عذر الزمان هذا) انتي ما تشوفين في المسلسلات الأجنبية مع اقل جريمه يسألون عن الشكل!!
وهو لو بياعه كانت كاشفه وجهها و اشترى منها اكيد رح يتذكر شكلها. مش من شيء لكن هذا الطبيعي

و من باب الترفيه بقول لك قصه قد تكون اقوى من قصتك:
انا في العاده لما اعصب من رجل او مرأه فـ بدل لا اسبه و اشتمه اقول كلام حلو بس طبعا يكون من سياق الإلقاء اني معصب

فممكن اذا عصبت من واحد اقول "يا حبيبي" او من هذا القبيل و انا زيك نيتي سليمه (طبعا الطرف الثاني ما يسمعني بس اللي معاي)

مره و انا اسوق السيارة جات سيارة و سدت الطريق قدامي فـ عصبت و قلت "يا حياتي" و على حظي كان اللي يسوق حرمه و صغيرة في السن , فلكي ان تتخيلي ردة فعل زوجتي و كيف زعلت مع انها تعلم نيتي و انه هذا طبعي و تقول لو زعلت على وحده اشتمها ولا تقول كلمه حلوه

المواقف هذي تحصل لكن المفروض انه الواحد لا يدقق على كل شي عشان لا يقرف الطرف الثاني طالما انه واثق في حب شريك حياته